CONTRACEPTIVE BILL INTRODUCED 1960 MAY 11

CONTRACEPTIVE BILL 

INTRODUCED 1960 MAY 11

.கருத்தடை மாத்திரைகளால் பெரிய அளவிலான சமூக மாற்றங்கள் நிகழ்ந்துள்ளன. இந்த மாற்றங்களை ஒவ்வொருவரும் தனிப்பட்ட முறையில் உணர்வதோடு, அது மறுக்க முடியாத உண்மையாகவும் உள்ளது.

அமெரிக்காவில், குழந்தை பிறப்பை கட்டுப்படுத்த விஞ்ஞானிகள் கருத்தடை மாத்திரைகளை கண்டுபிடிக்க வேண்டும் என்று சமூக ஆர்வலரும், பாலியல் கல்வியாளருமான மார்கரெட் சாங்கர் கேட்டுக்கொண்டார். ஆண்களுக்கு சரிநிகரான அதிகாரத்தை பெண்களும் பெற, பெண்களுக்கு சமூக சுதந்திரமும், பாலியல் சுதந்திரமும் தேவை என்பது சாங்கரின் திண்ணமான எண்ணமாக இருந்தது.

கருத்தடை மாத்திரைகள் சமூகப் புரட்சியை ஏற்படுத்தியதோடு, இருபதாம் நூற்றாண்டில் மிகப்பெரிய பொருளாதார மாற்றத்தையும் ஏற்படுத்தியது. கவனமற்ற உடலுறவால் கருவுறுவது பெண்களுக்கு மிகப்பெரிய பிரச்சனையாக இருந்தது. இந்த பிரச்சனையை சமாளிக்க, காதலர்கள் காலங்காலமாக பல்வேறு வித்தியாசமான உபாயங்களை கடைபிடித்து வந்தனர்.

முதலையின் மலம்

பண்டையகால எகிப்தில், கருத்தரிப்பதை தவிர்க்க விரும்பிய பெண்கள், கருத்தடையாக முதலையின் மலத்தை பயன்படுத்தினார்கள். பிறப்புறுப்பில் நோய்தொற்று ஏற்படுவது மற்றும் கருவுறுவதை தடுப்பதற்காக முதலையின் மலம் பயன்படுத்தப்பட்டதாக கி.மு.1850 ஆம் ஆண்டின் ஆவணங்கள் தெரிவிக்கின்றன. முதலையின் மலத்தில் விந்தணுக்களை அழிக்கக்கூடிய அமிலத்தன்மை இருப்பது இதற்கான காரணமாக இருந்திருக்கலாம்.

எலுமிச்சம் பழச்சாறு

அரை எலுமிச்சம் பழத்தை பிழிந்து, அதிலிருந்து கிடைக்கும் சாறை விந்தணுக்கொல்லியாக பயன்படுத்துவது பல கலாசாரங்களில் பின்பற்றப்படும் வழக்கம்தான். கருத்தடைக்காக எலுமிச்சை சாறு பயன்படுத்துவதைப் பற்றி காஸனோவா தனது புத்தகத்தில் குறிப்பிட்டிருக்கிறார். ஆட்டின் மூத்திரத்தில் இருந்து உருவாக்கப்படும் ஆணுறையில், அரை எலுமிச்சம் பழத்தை பிழிந்து பயன்படுத்துவதால், கர்ப்பப்பை வாயில் தற்காலிக தடை ஏற்படும்.

.
எலுமிச்சம்பழத்தில் இருக்கும் சிட்ரிக் அமிலம் விந்தணுக்கொல்லியாக வேலை செய்திருக்கலாம். ஆனால், காதலில் கட்டுப்பாட்டோடு இல்லாதவர்களுக்கு, இந்த உத்தியும் கட்டுப்பாடான பலனையே அளித்திருக்கும். எலுமிச்சம்பழத்தை கருத்தடையாக பயன்படுத்தும் பழக்கம் தற்போதும் சில இடங்களில் புழக்கத்தில் இருப்பது குறிப்பிடத்தக்கது.

இன்றைய காலகட்டத்தில், இதுபோன்ற சிக்கலான முறைகளை கைவிட்டு, கர்ப்பம் ஏற்படாமல் தடுக்க ஆணுறை (காண்டம்) பயன்படுத்தப்படுகிறது. ஆனால் ஆணுறையை சரியாக பயன்படுத்தாதது, அது நழுவி விடுவது மற்றும் சில சமயங்களில் ஆணுறை கிழிந்து போய்விடுவதாலும் அது பயனற்றதாகிவிடுகிறது.

ஓர் ஆய்வின்படி, உடலுறவின்போது கருத்தடைக்காக ஆணுறை பயன்படுத்தும் 18 சதவிகிதத்தினருக்கு அது பலனளிக்கவில்லை, அதாவது உடலுறவின் போது நூறு பேர் ஆணுறை பயன்படுத்தினால் அதில் 82 சதவீதமே பலனளித்தது, மீதமுள்ள 18 பெண்கள் கர்ப்பம் தரித்தனர்.

கருத்தரிக்க பொருத்தமான காலத்தை அறிய உதவும் மென்பொருள்

ஆனால், ஆணுறையை விட கருத்தடை மாத்திரைகள் சிறப்பாக செயல்படுகின்றன. கருத்தடை மாத்திரை பயன்படுத்துபவர்களில் வெறும் ஆறு சதவிகித பெண்களுக்கு தான் அது பலனளிக்காமல் போனது என்பது குறிப்பிடத்தக்கது. அதாவது ஆணுறையை விட கருத்தடை மாத்திரைகள் மூன்று மடங்கு அதிக பாதுகாப்பானவை என்று சொல்லலாம்.

பெண்களின் தன்னம்பிக்கையை அதிகரிப்பு!

கருத்தடை மாத்திரைகள், பெண்களின் தன்னம்பிக்கையை அதிகரித்திருக்கிறது. கருத்தடை மாத்திரை வாங்குவது என்பது ஒருவரின் தனிப்பட்ட விருப்பம். கருத்தடை மாத்திரை பயன்படுத்தியதை, பயன்படுத்துவதை, பெண்கள் தங்கள் பாலியல் துணையிடம் சொல்வது கூட அவசியமில்லை என்பதும், கரு தரிப்பது குறித்து சுயமாக முடிவெடுக்க உதவுவதும் இதன் சிறப்பு.

1960 ஆம் ஆண்டுகளில் அமெரிக்காவில்தான் கருத்தடை மாத்திரைகள் பயன்படுத்துவதற்கான அனுமதி உலகிலேயே முதன்முறையாக வழங்கப்பட்டது. அதன்பின், ஐந்து ஆண்டுகளில், திருமணமான பெண்களில் கிட்டத்தட்ட பாதிப் பேர் கருத்தடைக்காக மாத்திரைகளை பயன்படுத்தத் தொடங்கிவிட்டார்கள் என்பது குறிப்பிடத்தக்கது.

திருமணமாகாத பெண்களும் கருத்தடை மாத்திரைகளை பயன்படுத்தியது தான் உண்மையான புரட்சி என்று சொல்லலாம். ஆனால் இதற்காக அவர்கள் வெகுகாலம் காத்திருக்க வேண்டியிருந்தது.

1970 களின் மத்தியில் அமெரிக்காவில் 18 முதல் 19 வயது பெண்கள், கர்ப்பத்தை தவிர்க்க, கருத்தடை மாத்திரைகளை பயன்படுத்துவது பரவலானது. அதன்பிறகு, கருத்தடை புரட்சி, பொருளாதார புரட்சியாக புதிய பரிமாணத்தில் பயணித்தது.

ஆர்வம் பிறந்தது!

1970 ஆம் ஆண்டு வரை, சட்டம், மருத்துவம், பல் மருத்துவம், வணிக மேலாண்மை போன்ற கல்விகளை கற்பதில் ஆண்களின் ஆதிக்கம் தான் இருந்துவந்தது.

ஆனால் அதன்பிறகு நிலைமையில் பெரிய அளவிலான மாற்றம் ஏற்பட்டது. கருத்தடை மாத்திரைகள் பரவலான பிறகு, பெண்களும் இந்தத் துறைகளில் ஆர்வம் காட்டத் தொடங்கினார்கள்.

.
இந்தத் துறைகளில் பெண்களின் பங்களிப்பு 20 சதவிகிதமாக இருந்த நிலையில், கருத்தடை மாத்திரைகள் புழக்க்த்திற்கு வந்தபிறகோ 25 சதவிகிதமாக அதிகரித்து, 1980 களில், மூன்றில் ஒரு பங்காக உயர்ந்தது.

அதற்கு முன்பும் பெண்கள் கல்லூரிக்கு சென்றுக் கொண்டுதான் இருந்தார்கள், ஆனால் அதிக கவனமும்,உழைப்பும் தேவைப்படும் இதுபோன்ற துறைகளை பெண்கள் தேர்ந்தெடுக்க தொடங்கியது கருத்தடை மாத்திரைகளை பயன்படுத்தி, குழந்தை பிறப்பை கட்டுப்படுத்த முடியும் என்ற நம்பிக்கை ஏற்பட்ட பிறகு தான். அனைத்துத் துறைகளில் பெண்களின் பங்கேற்பு அதிகரித்து வந்தாலும், மருத்துவத் துறையை மிக அதிக அளவிலான பெண்கள் தேர்ந்தெடுத்தது அனைவருக்கும் அதிசயமளிப்பதாக இருந்தது.

.

கருவை சுமப்பதை முடிவு செய்யும் அதிகாரத்தை பெண்களுக்கு கொடுத்தது கருத்தடை மாத்திரைகள் தான். அதனால் தான் வாழ்க்கையில் முக்கியமான காலகட்டத்தில் பெண்கள் தாங்கள் விரும்பிய துறையை தேர்ந்தெடுக்க முடிந்தது. கர்ப்பம் தரிப்பதை இயற்கையின் கையில் இருந்து, பெண்களின் கட்டுப்பாட்டுக்குள் கொண்டுவர முடிந்தது தான் மிகப் பெரிய புரட்சி.

குறைந்தது முப்பது வயது வரை பெண்கள் கர்ப்பம் தரிக்க விரும்புவதில்லை. அதற்கு முன்பு குழந்தை பெற்றுக் கொண்டால், தொழிலுக்கு போதுமான நேரம் ஒதுக்கமுடியாமல், பெண்களால் ஒரு சிறப்பான இடத்தை பிடிக்க முடிவதில்லை.

மருத்துவம், பொறியியல், வழக்குரைஞர், தொழில்நுட்ப வல்லுநர்கள் என பெண்கள் தாங்கள் விரும்பும் கல்வியை கற்க, குழந்தை பிறப்பை காரணமாக காட்டும் போக்கு குறைந்துவிட்டது.

.
கருத்தடை மாத்திரைகள் அறிமுகமாவதற்கு முன்பு பெண்களுக்கு சிறு வயதிலேயே திருமணம் செய்யும் நடைமுறை பரவலாக இருந்தது. ஒரு பெண் 30 வயது வரை திருமணம் செய்துக் கொள்ளாமல் இருந்தால், அவருக்கு மாப்பிள்ளை கிடைப்பது அரிதாக இருந்தது. ஏனெனில், வழக்கமாக அந்தப் பெண்ணின் வயதுக்கு ஏற்ற ஆண் துணை கிடைப்பது அரிதாகும்.

கருத்தடை மாத்திரைக்கு முன், பின் என பெண்களின் வாழ்க்கையில், சமூக நிலையில் தான் மாற்றம் இருந்ததே தவிர, ஆண்களின் வாழ்க்கையில் இல்லை என்பதை இங்கு குறிப்பிட்டுச் சொல்ல வேண்டியிருக்கிறது.

ஆனால், கருத்தடை மாத்திரை என்பது, "கர்ப்ப பயம்" என்ற பரிணாமத்தையே தலைகீழாக புரட்டிப் போட்டுவிட்டது. திருமணமாகாத ஒரு பெண், எந்த பயமும் இல்லாமல் உடலுறவில் ஈடுபடலாம் என்ற நிலை உருவாகிவிட்டது ஒருபுறமிருக்க, திருமண அமைப்பிலும் மாற்றங்கள் ஏற்பட்டுவிட்டது. சிறு வயது திருமணம் என்பது சிறுகச் சிறுக குறுகி அருகுகிறது.

பெண்ணின் அங்க அளவுகளை வர்ணிக்கும் பாடப்புத்தகம்

அமெரிக்காவில் 1970 ஆம் ஆண்டில் பெண்களின் நிலையில் மாற்றம் ஏற்பட்டதற்கு கருத்தடை மாத்திரைகள் மட்டுமே காரணமா? இல்லை வேறு சில முக்கியமான காரணங்களும் உள்ளது. கருக்கலைப்புக்கு சட்டரீதியான அங்கீகாரம் வழங்கப்பட்டதும், பாலினரீதியாக பாகுபாடு பார்ப்பது சட்டவிரோதமாக அறிவிக்கப்பட்டதும் பெண்களின் வாழ்க்கையில் மாற்றங்களை ஏற்படுத்தியதில் முக்கிய பங்கு வகிப்பவை.

பெண்ணியச் சிந்தனைகளும், பெண்களுக்கான இயக்கங்களும் தொடங்கியதும் அதே காலகட்டத்தில் தான். வியட்னாம் போருக்காக இளைஞர்களை அமெரிக்கா அனுப்பியது. அந்த சமயத்தில் தான் பெண்களுக்கு வெளியுலகில் வேலைவாய்ப்புகளுக்கான கதவு விரிவாக திறக்கப்பட்டது. பல்வேறு நிறுவனங்களும், அனைத்துத் துறைகளிலும், பெண்களுக்கு வேலை வாய்ப்பளிக்கத் தொடங்கின.

எனவே, பெண்களின் சமூக, பொருளாதார நிலையை உயர்த்தி, தன்னம்பிக்கையுடன் வாழ வழி வகுத்ததில் கருத்தடை மாத்திரை முக்கிய பங்கு வகிக்கிறது என்பது மறுக்கமுடியாத உண்மை. மறுபுறத்தில், கருத்தரிப்பை தவிர்க்க, காதலர்கள் தங்கள் மனதின் ஆசைகளை பூரணமாக நிறைவேற்ற முடியாமல் இருந்த நிலை மாறியதும் குறிப்பிட்டுச் சொல்லக்கூடியது. தங்கள் வாழ்க்கையை முடிவு செய்வது உடலுறவின் விளைவாக ஏற்படும் கர்ப்பம் அல்ல, தாங்களே தான் என்பது பெண்களுக்கு மட்டுமல்ல ஆண்களுக்கும் நிம்மதியை ஏற்படுத்தியிருப்பது மறுக்க முடியாதது.









கருத்தடை மாத்திரை - மாதம் ஒருமுறை மட்டுமே உட்கொண்டால் போதும் - பெண்களுக்கு வரமா? சாபமா?

மாதத்தில் ஒரு நாள் மட்டும் சாப்பிட்டால், கருத்தரிப்பைக் கட்டுப்படுத்தும் மாத்திரை ஒன்றை ஆராய்ச்சியாளர்கள் உருவாக்கியுள்ளனர். இது பெண்களுக்கு மேலும் ஒரு வாய்ப்பாக அமையும் என்று அவர்கள் கூறுகின்றனர்.

மாத்திரையை விழுங்கியதும் அது பல வாரங்களுக்கு வயிற்றில் தங்கியிருந்து, கருத்தரிப்பைத் தடுக்கக் கூடிய ஹார்மோன்களை மெதுவாக வெளிப்படுத்திக் கொண்டிருக்கும்.

வயிற்றில் சுரக்கும் அமிலத்தால் உடனடியாக செரிமாணம் ஆகிவிடாதபடி அது விசேஷமாக உருவாக்கப் பட்டுள்ளது.

பில் மற்றும் மெலின்டா கேட்ஸ் அறக்கட்டளை மூலமான நிதியளிப்பில், அமெரிக்க குழு ஒன்று இந்த மருந்தை பன்றிகளுக்குக் கொடுத்து பரிசோதனை செய்துள்ளது. இன்னும் சில ஆண்டுகளில் மனிதர்களிடம் இந்த மருந்து பரிசோதனை மேற்கொள்ளப்பட உள்ளது.

கருத்தரிப்பை தள்ளிப்போட மாத்திரை சாப்பிட விரும்பும், ஆனால் தினமும் அதை எடுத்துக் கொள்ள மறந்துவிடும் பெண்களுக்கு நல்லதொரு தேர்வாக இது அமையும் என்று ஆராய்ச்சியாளர்கள் கூறுகின்றனர்.

படத்தின் காப்புரிமைGETTY IMAGES
மாத்திரை எந்த அளவுக்கு திறனுள்ளது?

வழக்கத்தில் உள்ள மாத்திரை அல்லது கூட்டு வாய்வழி கருத்தடை மருந்து உலகெங்கும் பல மில்லியன் கணக்கான பெண்களால் பயன்படுத்தப்பட்டு வருகிறது.

அவை 99 சதவீதம் செயல்திறன் மிக்கதாக இருக்கும். அதாவது நூறு பெண்களில் ஒருவருக்கு மட்டுமே கருத்தரிக்கும் சூழ்நிலை ஏற்படும் என்பது இதன் அர்த்தமாகும்.

ஆனால், இவற்றைப் பயன்படுத்துவோரில் பாதி பேர் சில நேரம் இதை எடுத்துக் கொள்ள மறந்து விடுகிறார்கள் அல்லது தவறான நேரத்தில் இதை எடுத்துக் கொள்கிறார்கள் என்று ஆய்வுகள் தெரிவிக்கின்றன.

அதனால் இது 91 சதவீதம் செயல்திறன் உள்ளதாகக் கருதப்படுகிறது. அதாவது ஒவ்வொரு ஆண்டும், இதைப் பயன்படுத்துவோரில் 9 பெண்கள் கருத்தரிக்கும் சூழ்நிலை ஏற்படுகிறது.

நீண்ட நாட்களுக்கு வீரியம் கொண்ட கருத்தடை மாத்திரைகள் ஏற்கனவே புழக்கத்தில் உள்ளன. மாதம் இரு முறை ஊசி போட்டுக் கொள்ளுதல் அல்லது வாரத்திற்கு ஒரு முறை மாற்றி அட்டை ஒட்டிக் கொள்ளுதல் என உள்ளன. ஆனால் மாதத்திற்கு ஒரு முறை மட்டுமே சாப்பிடும் மாத்திரை என்பது இதுவரை இல்லை.

.

படத்தின் காப்புரிமைGETTY IMAGES
மாதம் ஒரு முறை மாத்திரை - எப்படி வேலை செய்கிறது?
தொடக்கநிலை மாத்திரை நட்சத்திர வடிவிலான மருந்து முறைமை கொண்டதாக, விழுங்குவதற்கு எளிதான சிறிய அளவுள்ளதாக இருக்கிறது. மீன் மாத்திரையைவிட பெரியதாக இல்லை.

வயிற்றை அடைந்ததும், நட்சத்திர அமைப்பு ஒரு மலரைப் போல விரிந்து கொள்கிறது. அதன் ஆறு முனைகளிலும் சேமித்து வைக்கப்பட்டுள்ள கருத்தடை ஹார்மோன்களை மெல்ல விடுவிக்கும் பணியை அது தொடங்குகிறது.

இரைப்பையில் இருந்து சீக்கிரம் வெளியேற முடியாத அளவுக்கு அந்த நட்சத்திர அமைப்பு சற்றுப் பெரியதாக இருக்கும். சேமிப்பில் உள்ள ஹார்மோன்கள் காலியாகும் வரை அது வயிற்றிலேயே இருக்கும். பிறகு தானாகவே சிதைவுற்று கழிவுடன் சேர்ந்து வெளியேறிவிடும்.

ஹார்வர்டு மருத்துவக் கல்வி நிலையத்தைச் சேர்ந்த டாக்டர் ஜியோவன்னி டிராவர்சோ என்பவர், மஸாசூசெட்ஸ் தொழில்நுட்பக் கல்வி நிலையத்தில் உள்ள தன் சகாக்களுடன் இணைந்து இந்த முதல்நிலை மாத்திரையை உருவாக்கியுள்ளார். ``அடைத்துக் கொள்வது அல்லது செரிமாணம் மற்றும் உணவை கொண்டு செல்வதில் எந்த இடையூறும் இருக்காது. பாதுகாப்பு விஷயங்களுக்கு நாங்கள் அதிக முக்கியத்துவம் கொடுத்திருக்கிறோம்'' என்று அவர் கூறினார்.

Science of Translational Medicine என்ற சஞ்சிகையில் பரிசோதனை முடிவுகள் வெளியிடப்பட்டுள்ளன.

கேட்ஸ் அறக்கட்டளையின் கூடுதல் நிதியுதவியுடன் லின்ட்ரா என்ற உயிரி தொழில்நுட்ப நிறுவனம் இப்போது நட்சத்திர கருத்தடை மாத்திரைகளைத் தயாரித்து வருகிறது.

இந்த நிறுவனம், நட்சத்திர வடிவிலான மாத்திரைகளை நோயாளிகளிடம் ஏற்கெனவே பரிசோதனை செய்யத் தொடங்கிவிட்டது. மலேரியா சிகிச்சை போன்றவற்றில் மற்ற மருந்துகளை பாதுகாப்பாக மற்றும் நம்பகமான முறையில் இவ்வாறு பயன்படுத்த முடியுமா என்பதற்கான சாத்தியங்களை ஆராய்ந்து வருகிறது.

படத்தின் காப்புரிமைGETTY IMAGES
நிபுணர்கள் என்ன நினைக்கிறார்கள்?

``மாதம் ஒரு முறை சாப்பிடும் கருத்தடை மாத்திரை என்பது நல்லதாகத் தெரிகிறது. கருத்தடை மருந்துகளை எடுத்துக் கொள்ளும் வாய்ப்புகளை அதிகரிக்கச் செய்வதாக இது இருக்கும்'' என்று பாலியல் மற்றும் குழந்தைப்பேறு ஆரோக்கிய சேவை கல்வியாளர் டாக்டர் டயானா நான்சோர் கூறியுள்ளார்.

``இப்போது கருத்தடை மாத்திரைகளை பெண்கள் தினமும் எடுத்துக் கொள்ள வேண்டியுள்ளது. மாதம் ஒரு முறை சாப்பிடும் மாத்திரை என்பது அதிக செயல்திறன் மிக்கதாக இருக்கலாம்'' என்று அவர் குறிப்பிட்டார்.

``இருந்தபோதிலும், இதுபோன்ற புதுமையான கருத்தடை மாத்திரை தயாரிப்பு என்பது இன்னும் ஆரம்ப கட்டத்தில் தான் உள்ளது. இதுகுறித்து இன்னும் ஆராய்ச்சிகள் நடைபெற வேண்டும் என்று நாங்கள் எதிர்பார்க்கிறோம்'' என்றார் அவர்.

``கருத்தடை வாய்ப்புகளில் இது அற்புதமான முன்னேற்றமாக உள்ளது. கருத்தடைக்கான வாய்ப்புகளை விரிவுபடுத்துவது உண்மையிலேயே நல்ல விஷயம்'' என்று புரூக் என்ற அறக்கட்டளை அமைப்பைச் சேர்ந்த அனடோலே மேன் - ஜோஹன்சன் கூறினார்.

``கரு முட்டைகள் வெளிப்படுதலைத் தடுக்கும் அளவுக்குப் போதிய அளவில் மருந்து விடுவிக்கப்படுமா என்பதை உறுதி செய்ய கூடுதல் ஆய்வு தேவைப்படுகிறது. பிறகு மனிதர்களிடம் இதைப் பரிசோதித்துப் பார்க்க வேண்டியுள்ளது'' என்றும் அவர் குறிப்பிட்டா