WHY MOSQUITO BITES YOU

WHY MOSQUITO BITES YOU

 

கொசு உங்களை அதிகம் கடிப்பது ஏன் தெரியுமா?

குறிப்பிட்ட சிலரை மட்டும் கொசு அதிகமாக கடிக்கும்.

பெண் கொசுவே நம்மைக் கடிக்கிறது.

ஏனெனில் அதற்கு முட்டையிட பாலூட்டியின் இரத்தப் புரதம் மிகவும் அவசியமானது. இந்த உலகத்தில் தன்னினத்தை நிலைநிறுத்தவே அது நம்மை கடிக்கிறது. ஆனால் போகட்டும் விடுங்கள் என்று நாம் விட்டுவிட முடியாது.

ஏனெனில் கொசுக் கடியினால் உண்டாகும் நோய்களான டெங்கு, மலேரியா உள்ளிட்டவைகளால்தான் அதிக எண்ணிக்கையிலான மனிதர்கள் ஆண்டுதோறும் இறக்கின்றனர். ஆதலால் கொசுக்கள் உலகின் மிகவும் ஆபத்தான உயிரினமாகக் கருதப்படுகிறது.

கொசுக்களுக்கு பார்க்கும் திறனும், முகரும் திறனும் மிகவும் அதிகம். 30 மீட்டர் தொலைவில் இருந்தே அவைகளால் கடிக்கும் நபரை அடையாளம் காண இயலும்.

பெரும்பாலும் கொசுக்கள் காலை மற்றும் மாலை வேளைகளிலேயே அதிகம் கடிக்கின்றன.

உடலின் தலை மற்றும் கால் பகுதியிலேயே அதிகமாகக் கடிக்கின்றன.

கொசு உங்களை அதிகம் கடிப்பது ஏன் தெரியுமா? என்பதற்கு பல காரணிகள் இருப்பதாக ஆய்வாளர்கள் கூறுகிறார்கள்.

அவை நம்முடைய ஆடைகள், இரத்த வகை, வெளியிடப்படும் வாயு, உடல் வெப்பம் மற்றும் வியர்வை, வளர்ச்சிதை மாற்றம், மதுபானம் மற்றும் உடலின் நுண்ணுயிர்கள் ஆகியவை ஆகும்.

ஆடைகள்

உணவு தேடும் வேட்டையில் கண் பார்வையை முதல் ஆயுதமாக  கொசு பயன்படுத்துகின்றது. போதிய வெளிச்சத்தில் கொசுக்கள் தங்களுடைய விருந்தினர்களை கண்டறிய பார்வையையே பயன்படுத்துகின்றன.

ஆதலால் வெளிச்சத்தில் அடர்நிறங்களான கறுப்பு, பச்சை, சிவப்பு போன்ற ஆடைகளை அணிந்திருப்பவர்களை அதிகம் கடிப்பதாக ஆய்வுகள் தெரிவிக்கின்றன.

இரத்த வகை

முட்டையிடுவதற்காக பெண் கொசுக்கள் நம்முடைய இரத்தத்தை உறிஞ்சி அதில் உள்ள புரதங்களைப் பயன்படுத்துகின்றன. இதற்கு சில குறிப்பிட்ட இரத்த வகையையே அதிகமாக கொசுக்கள் விரும்புகின்றன.

ஓ வகை இரத்தப் பிரிவினர் ஏ வகையைச் சார்ந்தவர்களை விட இரண்டு மடங்கு கொசுக்கடிக்கு ஆளாகின்றனர். கொசுக்கடிக்கு ஆளாவதில் பி வகை இரத்த பிரிவினர் ஏ மற்றும் ஓ வகையினருக்கு இடையில் உள்ளனர்.

மேலும் மனிதர்களில் 87 சதவீதத்தினர் தாங்கள் எந்த வகை இரத்தப் பிரிவைச் சார்ந்தவர்கள் என அறியக் கூடிய ஹார்மோன் சுரப்புகளைக் கொண்டுள்ளனர்.

இந்த ஹார்மோன்களை கொசுக்கள் முகர்ந்து எளிதில் இனம் கண்டு கொண்டு அவர்களைக் கடிக்கின்றன.

வெளியிடப்படும் வாயு

கொசுக்கள் கார்பன்-டை-ஆக்ஸைடு வாயுவினை குறிப்பிட்ட தூரத்தில் முகர்ந்து எளிதில் இனம் கண்டு கொள்கின்றன. மேலும் 5-15 மீட்டர் தொலைவில் உள்ள மனிதர்களையும் பார்த்தறியும் திறனும் கொசுக்களுக்கு உண்டு.

இவ்விரண்டையும் பயன்படுத்தி தங்களுடைய ஓம்புயிரிகளை இவைகள் எளிதில் அடையாளம் கண்டு கொள்கின்றன.

அதிகளவு கார்பன்-டை-ஆக்சைடினை வெளியிடுவோர் கொசுக்களின் அழையா விருந்தாளி ஆவர். உடலின் மூக்கு மற்றும் வாய்ப் பகுதியே கார்பன்-டை-ஆக்ஸைடை அதிகம் வெளியிடும் பகுதியாதலால் தலைப் பகுதியே கொசுக்களை அதிகம் கவர்ந்திழுக்கிறது.

ஆதலால்தான் தலைப்பகுதியை நோக்கிய கொசுக்களின் பயணம் மற்றும் அதனுடைய ரீங்காரம் உறக்கத்தில் நமக்கு தொந்தரவாகிறது.

வியர்வை மற்றும் உடல்வெப்பம்

லாக்டிக் அமிலம், யூரிக் அமிலம், அம்மோனியா உள்ளிட்ட வேதிப்பொருட்கள் நமது வியர்வையின் மூலம் வெளியிடப்படுகின்றன. கொசுவானது தனது நுகரும் திறன் மூலமாக வியர்வையின் வேதிப்பொருட்களை எளிதில் அடையாளம் காணுகிறது.

உடற்பயிற்சியின் போது உடலின் வெப்பநிலை அதிகரிப்பதோடு வியர்வையும் அதிகரிக்கிறது. மேலும் ஒரு சிலரின் மரபணுக் காரணிகள் யூரிக் அமிலம் வெளிப்படுத்துவதை அதிகரிக்கிறது.

இதனால் அதிகமாக வியர்ப்பவர்கள் கொசுக்களைக் கவரும் காந்தமாகச் செயல்படுகின்றனர். வியர்வை மற்றும் உடல்வெப்பம் கொசுக்களைக் கவர்ந்திழுக்கும் முக்கிய காரணிகளாக இருக்கின்றன.

வளர்ச்சிதை மாற்றம்

வளர்ச்சிதை மாற்றம் கொசுக்கடிக்கு முக்கிய காரணியாகும். உடல் பருமனாவர்கள், கர்ப்பிணிகள் ஆகியோர் சாதாரணமானவர்களை விட அதிகப்படியான வளர்ச்சிதை மாற்றத்திற்கு உள்ளாகின்றனர்.

இதனால் அவர்களின் அதிகளவு கார்பன்-டை-ஆக்ஸைடை வெளியிடுவதோடு அதிகப்படியான உடல் வெப்பத்தையும் கொண்டுள்ளனர். இதனால் இவர்களை கொசுக்கள் அதிகமாகக் கடிக்கின்றன.

ஆப்பிரிக்காவில் கர்ப்பிணிப் பெண்கள் சாதாரண பெண்களைவிட கொசுக்கடியால் மலேரியா நோய்த் தாக்கத்திற்கு ஆளாவாதாக ஆய்வுகள் தெரிவிக்கின்றன.

மதுபானம்

மதுபானம் குடித்தவர்களை கொசுக்கள் அதிகம் கடிப்பதாக ஆய்வுகள் தெரிவிக்கின்றன. மதுபானம் அருந்தும்போது உடலில் வெப்பநிலை அதிகரிப்பதோடு, வியர்வைச் சுரப்பிகளின் செயல்பாடும் அதிகரிக்கிறது. இதனால் கொசுக்களின் விருந்தினர்களாக மது அருந்தியவர்கள் மாறி விடுகின்றனர்.

உடலின் நுண்ணுயிரிகள்

பொதுவாக நமது தோலில் நுண்ணுயிரிகள் வசிக்கின்றன. அவைகள் கொசுக்களை கவர்ந்திழுக்கின்றன. தோலில் அதிகப்படியான நுண்ணுயிரிகளைக் கொண்டுள்ளோர் அதிகப்படியான கொசுக்கடிக்கு ஆளாகின்றனர்.

ஆதலால்தான் உடலின் அதிகப்படிப்பான பாக்டீரியாக்கள் வசிக்கும் கால் மற்றும் அக்குள் பகுதிகளை கொசுக்கள் அதிகமாக விரும்பிக் கடிக்கின்றன.

கொசு உங்களை அதிகம் கடிப்பது ஏன் தெரியுமா? என்ற கேள்விக்கான பதில்களை தெரிந்து கொண்டு, கொடிக்கடியிலிருந்து உங்களைப் பாதுக்காத்து வளமான வாழ்க்கையை வாழுங்கள்.

வ.முனீஸ்வரன்

WORLD MOSQUITO DAY AUGUST 20

WORLD MOSQUITO DAY AUGUST 20

.உலகக் கொசு நாள் (World Mosquito Day), ஆண்டுதோறும் ஆகத்து 20 ஆம் நாள் பிரித்தானிய மருத்துவர் ரொனால்டு ராஸ் என்பவரின் நினைவாக உலக அளவில் கடைப்பிடிக்கப்பட்டு வருகிறது. சர் ரொனால்டு ராஸ் 1987 ஆகத்து 20 ஆம் நாள் பெண் கொசுகள் மூலமாக மலேரியா நோய் மனிதருக்குப் பரவுகிறது என முதன் முதலில் கண்டுபிடித்தார்.[1] இவர் தனது கண்டுபிடிப்பின் பின்னர் இந்நாள் உலக கொசு நாள் என்ற பெயரில் ஆகத்து 20 அன்று ஆண்டு தோறும் கொண்டாடப்பட வேண்டும் என வேண்டுகோள்: விடுத்தார்.[1]

சுகாதார மற்றும் வெப்பவலய மருத்துவத்துக்கான இலண்டன் பள்ளி ஆண்டு தோறும் இந்நாளில் கண்காட்சிகள் உட்படப் பல கொண்டாட்டங்களை 1930களில் இருந்து நடத்தி வருகிறது.[2]

உருவத்தில் சிறியதாக இருக்கும் கொசுக்கள், அவை மனிதர்களுக்கு ஏற்படுத்தும் பாதிப்புகளில் முதலிடத்தில் உள்ளன. மலேரியா, டெங்கு உள்ளிட்ட நோய்கள் ஏற்படுவதற்கு கொசுக்களே காரணம். இதனால் ஏற்படும் பாதிப்புகள் குறித்து விழிப்புணர்வு ஏற்படுத்தும் விதமாக ஆக., 20ல், உலக கொசு ஒழிப்பு தினம் கடைபிடிக்கப்படுகிறது.

எப்படி வந்தது

'அனாபெலஸ்' பெண் கொசுக்கள் மூலம் தான் மலேரியா நோய் மனிதர்களுக்கு பரவுகிறது என்பதை 1897 ஆக., 20ல் கண்டுபிடித்தார் டாக்டர் ரொனால்டு ரோஸ். இவரது இந்த அரிய கண்டுபிடிப்பை அங்கீகரிக்கும் விதமாக இத்தினமே, உலக கொசு ஒழிப்பு தினமாக கடைபிடிக்கப்படுகிறது.

மூன்று

கொசுக்களில் 3000 வகை இருந்தாலும், மலேரியாவை உருவாக்கும் 'அனாபெலஸ்', டெங்குவை உருவாக்கும் 'ஏடிஸ்', யானைக்கால் நோய், மூளைக்காய்ச்சலை உருவாக்கும் 'குளக்ஸ்' ஆகிய மூன்றும் தான் கொடியவை. இதன் பாதிப்புகள் மற்றும் தடுக்கும் முறைகள் குறித்த விழிப்புணர்வை ஏற்படுத்துவதே இத்தினத்தின் நோக்கம்.

யார் இவர்

ரொனால்டு ரோஸ், 1857ல் உத்தரகண்டின் அல்மோராவில் பிறந்தார். இவரது தந்தை ஆங்கிலேய ராணுவ அதிகாரி. பள்ளி மற்றும் கல்லுரி படிப்பை லண்டனில் நிறைவு செய்தார். படிப்பை முடித்து இந்தியா திரும்பிய பின், மலேரியாவை பற்றிய ஆராய்ச்சியில் 1882 - 1899 வரை
ஈடுபட்டார். 1897ல் மலேரியாவுக்கான காரணத்தை கண்டுபிடித்தார். இதற்காக இவருக்கு நோபல் பரிசு வழங்கப்பட்டது. பிரிட்டன் சார்பில் நோபல் பரிசு வென்ற முதல் நபர் இவரே.

மலேரியாவால் என்ன பாதிப்பு

'பிளாஸ்மோடியம்' என்ற ஒட்டுண்ணி 'அனோபிலிஸ்' எனும் பெண் கொசுவின் வயிற்றில் தொற்றிக் கொள்கிறது. இந்த கொசு ஒருவரை கடிப்பதன் மூலம், மலேரியா பரவுகிறது. இது ஒருவரிடமிருந்து மற்றொருவருக்கு பரவக் கூடியது. இது உடலில் கல்லீரலை தாக்குகிறது. பின் ரத்த சிவப்பு அணுக்களை தாக்கி அழிக்கிறது. மரணத்தை விளைவிக்கும் அளவு பயங்கரமானது.
எப்படி தடுப்பதுபொதுவாக கொசுக்கள் நீர்நிலைகளில் தான் முட்டையிட்டு உருவாகின்றன. எனவே வீடுகளின் அருகில் தண்ணீர் தேங்காமல் பார்த்துக்கொள்ள வேண்டும்.

* டயர்கள், தகரங்கள், பலகைகள், பிளாஸ்டிக் பொருட்கள் போன்றவற்றில் மழைநீர் தேங்காமல் அப்புறப்படுத்த வேண்டும்.* சீரான இடைவெளியில் தண்ணீர் சேர்த்து வைக்கும் பாத்திரங்களை சுத்தமாக கழுவி தலைகீழாக வெயிலில் காய வைக்க வேண்டும்.

* தண்ணீர் தொட்டிகளை மூடி வைக்க வேண்டும்.

உலகளவில் 2015 கணக்கின் படி, 21.2 கோடி பேர் மலேரியாவால் பாதிக்கப்பட்டுள்ளனர். மேலும் 4.2 லட்சம் பேர் உயிரிழந்துள்ளர் எனவும் உலக சுகாதார நிறுவனம் தெரிவிக்கிறது. இதில் 90 சதவீதம் ஆப்ரிக்க நாடுகளில் தான் ஏற்படுகிறது.

மலேரியாவை கட்டுப்படுத்த எடுக்கப்பட்ட நடவடிக்கையினால், 2010 லிருந்து 2015 வரை, உலகளவில் மலேரியாவால் பாதிக்கப்படுபவர்களின் எண்ணிக்கை 29% குறைக்கப்பட்டுள்ளது.

WORLD MOSQUITO DAY AUGUST 20

 WORLD MOSQUITO DAY  AUGUST  20

As a species, mosquitoes are said to have been around for more than 200 million years. And as fiction goes, in one particular case they helped in bring back dinosaurs to Earth! However, in real life they are rarely as helpful, and have been classified as one of the biggest public menaces of all time. 

So it may come as a surprise that a special day is dedicated just for the species to which all we want to say is: "Buzz off!" What may come as a bigger surprise is that 

World Mosquito Day is not a new phenomenon at all, and has its origins more than a hundred years ago.

World Mosquito Day is celebrated on Aug. 20, because that was the day Dr Ronald Ross discovered that female Anopheles mosquitoes are the carriers of the micro-organisms that cause malaria. This successful discovery of the vector that malaria was using to spread went a long way to help the world combat the disease. 

And it was the good doctor who decreed soon after the discovery that the day be observed as World Mosquito Day henceforth. He received the Nobel Prize for Medicine in 1902 for this discovery. 

Now, although the British claim him as well as the honour of his discovery as their own, the official Nobel Prize website lists the prize for India.

Since that discovery and that of quinine, humans and mosquitoes have fought a pitched battle of delivering and obliterating diseases, one which is continuing to this day. 

While the little buzzers have now been discovered to be the carriers of other diseases like dengue, chikungunya and more recently the zika virus, humans are in the process of coming up with newer and better methods to combat them.

Here's wishing us more victories in this pursuit and a future where we are no more bothered by mosquitoes or their nefarious designs.