MARUTHU PANDIYARS மருது சகோதரர்கள் சுதந்திரத்திற்காக வீர மரணம் எய்திய நாள் 1801 அக்டோபர் 24
MARUTHU PANDIYARS மருது சகோதரர்கள் சுதந்திரத்திற்காக வீர மரணம் எய்திய நாள் 1801 அக்டோபர் 24 மருது பாண்டியர் எனப்படும் மருது சகோதரர்கள் தமிழ்நாட்டில் ஆங்கிலேயருக்கு எதிரான விடுதலைப் போராட்ட முன்னோடிகளுள் குறிப்பிடத்தக்கவர்கள். ஆங்கிலேயரைத் தமிழ் மண்ணிலிருந்து விரட்ட 1785 முதல் 1801 இறுதி வரை ஆயுதம் தாங்கிப் போராடினார்கள். மருது பாண்டியர்களின் சிலைகள், காளையார் கோயில்-சிவகங்கை மாவட்டம் பெரிய மருது, சின்ன மருது எனப்படும் இவர்கள் ஆங்கிலேயருக்கு எதிராகப் போராடிய அனைத்திந்திய குழுக்களையும் ஒன்றிணைத்துத் திரட்ட முயன்ற போதுதான் ஆங்கிலேயரின் அதிருப்திக்கும் கோபத்திற்கும் ஆளானார்கள். இவர்களது களம் சிவகங்கைச் சீமையைச் சேர்ந்த காளையார்கோயில் ஆகும். ஆங்கிலக் கிழக்கிந்தியக் கம்பெனியரால் 1801 அக்டோபர் 24 இல் திருப்பத்தூரில் இவ்விருவரும் தூக்கிலிடப்பட்டனர். இவர்களது நினைவாலயம் காளையார் கோவிலில் அமைந்துள்ளது வாழ்க்கைக் குறிப்பு[தொகு] சிவகங்கை மாவட்டம் காளையார் கோயிலில் உள்ள பெரிய மருதுவின் சிலை இன்றைய விருதுநகர் மாவட்டம் நரிக்குடிக...