VADIVELU வடிவேலு
திரைப்பட நடிகரும் பின்னணிப் பாடகரும்
பிறப்பு: அக்டோபர் 10, 1960
வடிவேலு (பிறப்பு: அக்டோபர் 10, 1960) தமிழ்த் திரைப்பட நடிகரும் பின்னணிப் பாடகரும் ஆவார். இவர் மதுரை மாவட்டத்தைச் சேர்ந்தவர் ஆவார். 1991இல் கஸ்தூரி ராசா இயக்கிய என் ராசாவின் மனசிலே என்ற திரைப்படத்தின் மூலமாகத் தமிழ்த் திரையுலகத்திற்கு அறிமுகமானார்.
வடிவேலு தனது அசாத்தியமான நகைச்சுவை கலந்த நடிப்புத் திறமையால் வைகைப்புயல் என்னும் பட்டப்பெயருடன் பரவலாக அறியப்படுகிறார்.[1]
விருதுகள்[தொகு]
இவர் தனது சிறப்பான நகைச்சுவை நடிப்பிற்காக சிறந்த நகைச்சுவை நடிகருக்கான தமிழக அரசின் விருதினை ஐந்து முறை காலம் மாறிப் போச்சு (1996), வெற்றிக் கொடி கட்டு (2000), தவசி (2001), இம்சை அரசன் 23ம் புலிகேசி (2006), காத்தவராயன் (2008)
வாழ்க்கைக் குறிப்பு[தொகு]
இவரது பெற்றோர் சரோஜினி அம்மாள் மற்றும் நடராசன் ஆவார்கள். இவருக்கு கன்னிகா பரமேஸ்வரி, கார்த்திகா,கலைவாணி ஆகியமகள்களும், சுப்பிரமணி என்ற மகனும் உள்ளனர்.[2] திரைப்படங்களில் நடித்த பின்னர் பணம், புகழுடன் வசதியாக வாழ்ந்தாலும்,
தனது கடந்த காலத்தில் ஏழ்மையோடு போராடியதை மறக்காத வடிவேலு தனது மகன் சுப்பிரமணிக்கு சிவகங்கை, திருப்புவனத்தில் ஒரு கூரை வீட்டில் வசிக்கும் ஏழ்மையான பெண்ணை திருமணம் செய்து வைத்துள்ளார்.[3]
ஆரம்பகால வாழ்க்கை[தொகு]
பள்ளியில் படித்த அனுபவம் என்பது இவருக்கு கிடையாது. நண்பர்களுடன் இணைந்து சிறு நாடகங்களை மேடையில் அரங்கேற்றியுள்ளார். அந்த நாடகங்களில் நகைச்சுவை கதாநாயகனாக நடித்தார். இவருடைய தந்தை இறந்து விடவே குடும்பம் மிகவும் வறுமைக்குள்ளானது. மதுரையில் உள்ள புகைப்படங்களுக்கு கண்ணாடி பிரேம்கள் செய்யும் ஒரு சிறிய கடையில் வேலை செய்து வந்தார்.
திரை வாழ்க்கை[தொகு]
ராஜ்கிரனுடனான நட்பு[தொகு]
1991 ஆம் ஆண்டு கஸ்தூரிராஜாவின் இயக்கத்தில், ராஜ்கிரண் தயாரித்து, கதாநாயகனாகவும் நடித்த ‘என் ராசாவின் மனசிலே’ என்ற திரைப்படத்தில் முதன் முதலாக ஒரு நகைச்சுவை கதாபாத்திரத்தில் நடிக்க வாய்ப்பு பெற்ற இவர், ஒரு பாடலையும் பாடியிருப்பார். ‘போடா போடா புண்ணாக்கு’ என்ற பாடல் மூலம் திரையில் தோன்றிய இவர், தன்னுடைய முதல் திரைப்படத்திலேயே ஒரு நடிகனாகவும், பாடகனாகவும் தன்னுடைய பெயரைத் தமிழ் சினிமாவில் பதிவு செய்தார். அதன் பிறகு, மற்றுமொரு தயாரிப்பாளர் நடராஜன் மூலம், 1992 ஆம் ஆண்டு ஆர்.வி. உதயகுமார் இயக்கத்தில் ‘சின்னகவுண்டர்’ என்ற படத்தில் கதாநாயகன் விஜயகாந்த் அவர்களுக்குக் குடை பிடிக்கிற பண்ணையாள் கதாபாத்திரத்தில் நடித்தார். இத்திரைப்படத்திற்கு பிறகு, ஆர்.வி. உதயகுமார் அவர்களால் பிரபு, கார்த்திக், கமல் என அந்த காலகட்டத்தில் தமிழ் சினிமாவை ஆட்சி செய்துகொண்டிருந்த கதாநாயகர்களின் அறிமுகம் கிடைக்கப்பெற்றது.
வடிவேலுவின் முதல் படமான என் ராசாவின் மனசிலே(1991) திரைப்படத்தில், இருந்து இயக்குநர் சங்கரின் இயக்கத்தில் வெளியான காதலன் திரைப்படத்திற்கு முன்னர் வரை, தமிழ்த் திரைப்படத் துறையில் புகழ்பெற்ற நகைச்சுவை இரட்டையர்களான கவுண்டமணி-செந்தில் நடித்த நகைச்சுவை காட்சிகளில் சிறுசிறு கதாபாத்திரங்களில் வந்து சென்றார்.
ரசிகர்களின் வரவேற்பு[தொகு]
‘சின்னகவுண்டர்’ திரைப்படத்தினை தொடர்ந்து ‘வரவு எட்டணா செலவு பத்தணா’, ‘இளவரசன்’, ‘சிங்காரவேலன்’, ‘தேவர் மகன்’, ‘காத்திருக்க நேரமில்லை’, ‘கிழக்கு சீமையிலே’, ‘நிலக்குயில்’, ‘மகாராசன்’ என ஒரே வருடத்தில் பல படங்களில் நடிக்கத் தொடங்கிய இவர், குறுகிய காலத்திற்குள் அந்த காலகட்டத்தில் அசைக்க முடியாத நகைச்சுவை அரசர்களாக விளங்கிக்கொண்டிருந்த கவுண்டமணி மற்றும் செந்தில் இணையுடன், மூன்றாவது நகைச்சுவை நடிகராக வலம்வந்தார். தொடக்கத்தில் இவர் நடித்த, ‘அரண்மனை கிளி’, ‘கோகுலம், காதலன்’,
அசாத்திய வளர்ச்சி[தொகு]
ஒரு காலகட்டத்திற்குப் பிறகு, பல வெற்றி படங்களில் முக்கிய அங்கமாக விளங்கிய இவர், 2000 ஆம் ஆண்டு சேரனின் இயக்கத்தில் வெளிவந்த ‘வெற்றிக் கொடிக்கட்டு’ திரைப்படத்தில் பார்த்திபனுடன் இணைந்து நடித்த நகைச்சுவை காட்சிகள், தமிழ் ரசிகர்களிடையே மாபெரும் கைத்தட்டலைப் பெற்றுத் தந்தது. அதனைத் தொடர்ந்து 2001 ஆம் ஆண்டு வெளிவந்த ப்ரண்ட்ஸ்’ திரைப்படம் அவருக்கு மேலும் புகழைத் தேடித்தந்தது. தொடர்து தமிழ் சினிமாவில் அனைத்து முன்னணி கதாநாயகர்களுடன் சேர்ந்து,
அசாத்திய திறமை[தொகு]
கதாநாயகர்களை விட ஒரு நகைச்சுவை நடிகருக்கு முகபாவனையும், உடல் மொழியும் மிக முக்கியமாகும். இவ்விரண்டையும் தமது நகைச்சுவையில் வெகு இயல்பாக வெளிபடுத்தி ரசிகர்களை சிரிப்பு என்னும் மலையில் நனையவைத்தார். கலைகளில் சிறப்பு மிக்கவையாக கருதப்படுவது நகைச்சுவை! ஒருவனை எளிதில் அழவோ, கோபப்படவோ வைத்துவிடலாம்.
காதலன்(1994) திரைப்படம் வெளியான பிறகு தமிழ்த் திரைப்படத் துறையில் இவரும் ஒரு முக்கியமான நபராக வளர்ந்தார். இவர் நடித்த திரைப்படங்களில் பாரதி கண்ணம்மா, வெற்றிக் கொடி கட்டு, வின்னர், மருதமலை,
நகைச்சுவை பாணி[தொகு]
வடிவேலு இதுவரை பல்வேறு விதமான கதாபாத்திரங்களில் நடித்துள்ளார். நகைச்சுவையில் பல வித்தியாசமான கதாபாத்திரங்களை ஏற்று நடித்துள்ளார். நகைச்சுவையில் தனக்கென தனி பாணியை ஏற்படுத்திக் கொண்டு சினிமா ரசிகர்களை சிரிக்க வைத்துள்ளவர். இவரது நகைச்சுவை காட்சிகளில் பெரும்பாலும் வீண்வம்பு இழுத்து அடிவாங்குபவராகவும், யாரேனும் தவறு செய்பவர்களை தட்டிக்கேட்டு அதன்மூலமாக அடிவாங்குபவராகவும், கைதேர்ந்த திருடனாகவும், மக்களின் அறியாமை மற்றும் மூட நம்பிக்கையைப் பயன்படுத்தி அவர்களை ஏமாற்றுபவராகவும் தோன்றுவார்.
நகைச்சுவை வசனங்கள்[தொகு]
திரைப்படங்களில் பெரும்பாலும் கதாநாயகர்கள்தான் பஞ்ச் டையலாக் பேசுவார்கள், ஆனால் வடிவேலுவின் நகைச்சுவையில் உதிர்ந்த அத்தனை வார்த்தைகளும் பஞ்ச டையலாக்கைத் தாண்டி வரவேற்பை பெற்றது எனலாம். மேலும், சொல்லாப்போனால் ஒவ்வொரு குழந்தைக்கும் இவர் பேசிய நகைச்சுவை வசனங்கள் அத்துப்படி. இதை விட ஒரு நடிகனுக்கு வேறு என்ன விருது பெருமை சேர்க்க முடியும்.
சில வசனங்கள்[தொகு]
கீழ்க்காண்பவை இவரது புகழ்பெற்ற நகைச்சுவை வசனங்களில் சில மற்றும் அவை இடம்பெற்ற திரைப்படங்களும்.
உடல் அசைவு[தொகு]
நகைச்சுவை வசனங்கள் மட்டுமின்றி அந்த வசனங்களின் உச்சரிப்பு மற்றும் அவரது உடல் மொழி போன்றவை அவரை மற்ற நகைச்சுவை நடிகர்களிடம் இருந்து வேறுபடுத்தி காட்டியது. இத்தகைய நடிப்புத் திறமையால், குழந்தைகள் முதல் பெரியவர்கள் வரை அனைவரும் ரசிக்கும் நகைச்சுவை நாயகனாக வலம் வருகிறார். இவர் இதுவரை 250-க்கும் மேற்பட்ட திரைப்படங்களில் நடித்துள்ளார்.[4][5]. அடுத்தவர்களை சந்தோசப்படுத்தி, சிரிக்க வைப்பதில் கிடைக்கும் மகிழ்ச்சிக்கு ஈடு இணை எதுவுமில்லை எனக் கூறலாம். அத்தகைய அற்புதமான கலையை தமது உடல் அசைவுகளாலும், முகபாவனைகளாலும், நகைச்சுவை வசனங்களாலும், சிரிப்பு என்னும் மேடையில் அரங்கேற்றி, ஆறு வயது குழந்தைகள் முதல் அறுபது வயது பெரியவர்கள் வரை தன்னுடைய நகைச்சுவை நடிப்பால் கட்டிப்போட்ட வைத்தவர் வைகைப்புயல் வடிவேலு.
இயல்பான நடிப்பு[தொகு]
இயல்பான நடிப்பினால் பலதரப்பட்ட மக்களும் விரும்பக்கூடிய நடிகரானார். என். எஸ் கிருஷ்ணன், சந்திரபாபு, சுருளிராஜன், டி. எஸ். பாலையா, வி. கே. ராமசாமி, நாகேஷ் எனத் தொடங்கி கவுண்டமணி, செந்தில், விவேக், சந்தானம் எனப் பல நகைச்சுவை நடிகர்களைத் தமிழ் திரைப்படக் களம் சந்தித்துள்ளது. ஒவ்வொருவரும், ஒவ்வொரு காலகட்டத்தில் சிறப்பு பெற்ற நகைச்சுவையாளர்கள், ஆனால் சமகாலத்தில் அனைவரையும் கவர்ந்த நகைச்சுவை நடிகர் வடிவேலு என்றால் யாராலும் மறுக்க இயலாது.
கதாநாயகனாக[தொகு]
1991 ஆம் ஆண்டு தொடங்கி 2005 வரை பல படங்களில் நகைச்சுவை நடிகராக நடித்துவந்த இவர், 2006 ஆம் ஆண்டு இயக்குனர் சங்கரின் தயாரிப்பில் சிம்புதேவனின் இயக்கத்தில் வெளிவந்த ‘இம்சை அரசன் 23ம் புலிகேசி’ என்ற திரைப்படத்தில் முதன் முதலாக இரட்டை வேடங்களில் கதாநாயகனாக நடித்தார்.
அரசியல்[தொகு]
சுமார் இருபது ஆண்டுகளாக சினிமாவில் மட்டுமே கவனம் செலுத்தி வந்த இவர், 2011 ஆம் ஆண்டு நடந்த தமிழக சட்டமன்ற தேர்தலில் தி.மு.க-விற்கு ஆதரவாக தமிழகம் முழுவதும் பிரசாரத்தில் ஈடுபட்டார். குறிப்பாக, தே.மு.தி.க தலைவர் விஜயகாந்தை கடுமையாக விமர்சித்துப் பேசினார். ஆனால் தேர்தலில் தி.மு.க கட்சி தோல்வியை தழுவியதால், மாபெரும் சிக்கலுக்குள்ளான வடிவேலு அவர்கள், தேர்தல் முடிவுக்கு பிறகு, சுமார் 20 மாதங்களுக்கும் மேல் சினிமாக்களிலும், பொது நிகழ்ச்சிகளிலும் பங்கேற்காமல் ஒதுங்கியே இருந்தார்.
மீண்டும் திரைப்படங்களில்[தொகு]
வடிவேலு திரையுலகை விட்டு இரண்டு ஆண்டு காலம் விலகி இருந்தார். தெனாலிராமன் என்ற திரைப்படத்தின் மூலமாக மீண்டும் நடிக்கத் தொடங்கினார்.
நடித்த திரைப்படங்கள்[தொகு]
| வசனங்கள் | இடம்பெற்ற திரைப்படம் |
|---|---|
| ‘இப்பவே கண்ண கட்டுதே’ | ஏய் |
| ‘ஏன்டா! இன்னுமா இந்த ஊரு நம்பள நம்பிக்கிட்டு இருக்கு’ | வின்னர் |
| ‘என்ன! சின்ன புள்ளத் தனமா இருக்கு’ | வின்னர் |
| ‘வேணாம்..வேணாம்! வலிக்குது… அழுதுடுவேன்’ | வின்னர் |
| போங்க தம்பி நாங்க அடிவாங்காத ஏரியாவே கிடையாது | வின்னர் |
| ‘மாப்பு வெச்சிட்டாங்கையா ஆப்பு | சந்திரமுகி |
| ‘ஏன்! நல்லாத்தானே போயிட்டிருக்கு’ | சீனாதானா 007 |
| ‘போவோம்! என்ன பண்ணிடுவாங்க' | ஏய் |
| ‘நான் அப்படியே சாக் ஆயிட்டேன் | கிரி |
| ‘க க க போ…’ | இம்சை அரசன் 23ம் புலிகேசி |
| ‘பட் எனக்கு அந்த டீலிங் புடிச்சிருக்கு’ | கிரி |
| ‘பில்டிங் ஸ்ட்ராங்கு பேஷ்மட்டம் வீக்கு’ | தலைநகரம் |
| ‘ஓபனிங் நல்லாதான் இருக்கு ஆனா பினிஷிங் சரியில்லையே’ | வின்னர் |
| ‘ரிஸ்க் எடுக்கிதெல்லாம்தான் எனக்கு ரஸ்க்கு சாப்பிடற மாதிரி' | மருதமலை |
| ‘ஒரு புறாவுக்கு போரா! பெரிய அக்கபோராகவா இருக்கு’ | இம்சை அரசன் 23ம் புலிகேசி |
| ‘சண்டையில கிழியாத சட்ட எங்கிருக்கு’ | வின்னர் |
| ‘எதையுமே பிளான் பண்ணாம பண்ணக்கூடாது’ | போக்கிரி |
| ‘வட போச்சே’ | போக்கிரி |
| ‘தம்பி டீ இன்னும் வரல’ | போக்கிரி |
| 'அந்த குரங்கு பொம்ம என்ன விலை' | போக்கிரி |
| ‘ஆணியே புடுங்க வேண்டாம்’ | பிரண்ட்ஸ் |
| ‘நா ரௌடி நா ரௌடி! நா ஜெயிலுக்குப் போறேன் நா ஜெயிலுக்குப் போறேன்’ | தலைநகரம் |
| பேச்சு பேச்சாதான் இருக்கணும்' | வின்னர் |
| ‘ரைட்டு விடு' | வின்னர் |
| ‘இந்த கோட்டை தாண்டி நீயும் வரக்கூடாது நானும் வரமாட்டேன்' | வின்னர் |
| 'வழிய விடுங்கடி பீத்த சிரிக்கியலா' | திமிரு |
| ‘எவ்வளவு அடிச்சாலும் தாங்கறாண்டா’, ‘ரொம்ப நல்லவன்டா’' | கிரி |
பாடிய பாடல்கள்[தொகு]
வடிவேலு நடிகராக மட்டுமல்லாமல் சிறந்த பின்னணி பாடகராகவும் திகழ்கிறார். இது இவர் இதுவரை பாடியுள்ள பாடல்களின் தொகுப்பாகும்.
| எண் | பாடல் | திரைப்படம் | இசையமைப்பாளர் |
|---|---|---|---|
| 1 | போடா போடா புண்ணாக்கு | என் ராசாவின் மனசிலே | இளையராஜா |
| 2 | எட்டனா இருந்தா | எல்லாமே என் ராசாதான் | இளையராஜா |
| 3 | அம்மணிக்கி அடங்கி | ராஜாவின் பார்வையிலே | இளையராஜா |
| 4 | பாலு பாலு நேபாலு | தாய்க்குலமே தாய்க்குலமே | தேவா |
| 5 | வாடி பொட்டபுள்ள வெளியே | காலம் மாறிப் போச்சு | தேவா |
| 6 | யானை யானை | சக்தி | ஆர். ஆனந்த் |
| 7 | ரயிலு ரயிலு | பாரதி கண்ணம்மா | தேவா |
| 8 | லக் லக் | தடயம் | தேவா |
| 9 | பொன்னுமணி பொன்னுமணி போராளே | பூந்தோட்டம் | இளையராஜா |
| 10 | அல்வா குடுக்கிறான் | மனைவிக்கு மரியாதை | சிற்பி |
| 11 | ஒத்திக்கடா மச்சான் | நேசம் புதுசு | பாப்பி |
| 12 | சந்தன மல்லிகையில் | ராஜகாளியம்மன் | எஸ். ஏ. ராஜ்குமார் |
| 13 | தெக்கத்தி மாப்பிள்ளை | மகளிர்க்காக | இந்தியன் |
| 14 | மதுரக்கார விவேக் | லூட்டி | தேவா |
| 15 | நாலு அடி யாரு | என் புருசன் குழந்தை மாதிரி | எஸ். ஏ. ராஜ்குமார் |
| 16 | மதனா மதிவதனா | மாயன் | தேவா |
| 17 | விக்கலு | பகவதி | தேவா |
| 18 | உன்னை நான் | காதல் கிறுக்கன் | தேவா |
| 19 | காதல் பண்ண | கோவில் | ஹாரிஸ் ஜயராஜ் |
| 20 | ஓரொன்னு ஒன்னு | ஏய் | ஸ்ரீகாந்த் தேவா |
| 21 | கட்டுனா அவள கட்டுவன்டா | ஜெயசூர்யா | தேவா |
| 22 | அலாவுதீன் அலாமா | சாணக்கியா | ஸ்ரீகாந்த் தேவா |
| 23 | வந்துட்டான் வந்துட்டான் வந்துட்டாய்யா | குண்டக்க மண்டக்க | பரத்வாஜ் |
| 24 | ஃப்ரீயாவிடு ஃப்ரீயாவிடு | ஆறு | தேவி ஸ்ரீ பிரசாத் |
| 25 | பம்பர் குலுக்கல் | பிறந்த நாள் | தேவா |
| 26 | ஆயிரம் சன்னல் வீடு | வேல் | யுவன் சங்கர் ராஜா |
| 27 | வந்தனம் வந்தனம் | இந்திரலோகத்தில் நா. அழகப்பன் | சபேஷ் முரளி |
| 28 | மல்லிகா செராவத் | ||
| 29 | தாயாரம்மா | சேவல் | ஜி. வி. பிரகாஷ் குமார் |
| 30 | வாடா மாப்புள | வில்லு | தேவி ஸ்ரீ பிரசாத் |
| 31 | ரம்பப்பா ரம்பப்பா | தெனாலிராமன் | டி. இமான் |
No comments:
Post a Comment