PALAKKAD ,SULTAN FORT HISTORY 1766

 

PALAKKAD ,SULTAN FORT HISTORY 1766

திப்பு சுல்தான் கோட்டை வரலாறு பாலக்காடு சுற்றுலா இடங்கள்

இத்தகைய சிறப்புமிக்க பாலக்காட்டில் நகரத்தின் மத்தியில் அமைந்துள்ளது தான் இந்த பாலக்காட்டுக் கோட்டை.

1766 ல் “ஹைதர் அலி” என்ற முஸ்லிம் அரசனால் கருங்கற்கள் கொண்டு கட்டப்பட்ட கோட்டையானது இன்றளவும் உறுதியுடன் உள்ளது. இதனை “திப்புக்கோட்டை” என்று மக்கள் அழைக்கிறார்கள்.இந்தக் கோட்டை ஏன்? எதற்காக இங்கு எழுப்பப்பட்டது. இதனின் வரலாற்று அம்சம் என்ன என்பது இதுவரை அறியப்படாத ஒன்றாகவே உள்ளது.அதனை பற்றிய வரலாற்று பக்கங்களை இனி காணலாம்.

1756 ஆம் ஆண்டில், கோழிக்கோட்டின் ஜாமோரினுடன் தொடர்ச்சியான மோதல்களால் சோர்ந்துபோன, பாலக்காடு மன்னர் இத்திக்கொம்பி ஆச்சன், திண்டிகுலில் மைசூர் படைகளின் தளபதியாக இருந்த ஹைதர் அலியை உதவிக்கு அழைக்க முடிவு செய்தார்.

பாலக்காட்டை தன் வசமாக்கிக் கொள்ள தனக்குள் துடித்துக்கொண்டிருந்த ஹைதர் அலி இந்த சந்தர்ப்பத்தை பயன்படுத்திக் கொள்ள தீர்மானம் செய்தார்.பாலக்காடு அச்சனுக்கு உதவி செய்வதுபோல் உள்ளே நுழைந்தார் .

கட்டாய மத மாற்றத்திற்கு அனைவரையும் உட்படுத்தினார் மாற மறுத்தவர்களை கொடுமையான சித்திரவதைகள் செய்து கொன்றான்.

பின்னர் 1757 ஆம் ஆண்டில், ராஜாவின் நண்பரான கட்டிடக்கலை மற்றும் ஜோதிடத்தில் நிபுணரான கல்லேகுலங்கரா ராகவா பிஷாரடியிடம் ஒரு கோட்டையை கட்ட நிலத்தை அடையாளம் காணும்படி கேட்டுக்கொள்ளப்பட்டார்.

அக்காலத்தின் மண் கோட்டைகளிலிருந்து வேறுபட்ட, திடமான பாறையால் செய்யப்பட்ட கோட்டையை கட்ட முடிவு செய்யப்பட்டது. ஹைதர் அலியின் மைத்துனர் முகர்ரம் அலி அவர்களால் கோட்டைக்கு அடிக்கல் நாட்டப்பட்டது.கோட்டையின் பிரதான வாயில் வடக்கு நோக்கியும், ​​ஆயுதக் கிடங்கு கோட்டையின் மேற்குப் பகுதியில் இருந்தது. ஹைதர் அலி அந்த நேரத்தில் தெற்கு மலபாரில் தனது சாம்ராஜ்யத்தை நிறுவுவதற்கான வழியைத் தேடிக்கொண்டிருந்தார். மேலும் கோயம்புத்தூர் மற்றும் மலபார் இடையேயான தொடர்பு தொடர்புகளை மேம்படுத்துவதற்கும் பிரச்சாரங்களைத் தொடங்குவதற்கும் இந்த கோட்டையை பயன்படுத்த நினைத்ததால் கட்டுமானப் பணிகள் விரைவாக நிறைவடைந்தன.

1766 ல் கோட்டை பணிகள் முடிவடையந்தது என ஏ.எஸ்.ஐ ஆவணங்கள் வெளிப்படுத்துகின்றன.

ஒரு பிரெஞ்சு பொறியியலாளரால் வடிவமைக்கப்பட்ட இந்த கோட்டையில், படையினருக்கு எதிரிகளிடமிருந்து மறைக்கப்படுவதற்கும் பீரங்கிகளை அமைப்பதற்கும் வசதிகள் இருந்தன என வரலாற்றாசிரியர் வி.வி கே. வாலத் கூறுகிறார்.

மைசூர் மன்னராக ஜெனரலாக இருந்து தன்னை உயர்த்திக் கொண்ட ஹைதர் அலி, பாலக்காடு மன்னர் இத்திகோம்பி அச்சானை கைதியாக்கி ஸ்ரீரங்கத்தில் உள்ள சிறையில் அடைத்தான்.பின்னர், ஹைதர் அலி, பாலக்காடு பகுதியில் வரி வசூலிக்கும் பணியை தனக்கு பிடித்த நபரிடம் ஒப்படைத்தார்.

ஹைதர் அலி இறந்த பிறகு, பாலக்காடு கோட்டை அவரது மகன் திப்பு சுல்தானின் கட்டுப்பாட்டில் வந்தது. இரண்டாவது ஆங்கிலம்-மைசூர் போரின்போது சர்தார் கான் மற்றும் மேஜர் அபிங்டன் ஆகியோரின் படைகள் எதிர்கொண்டபோது மற்றும் 1782 போரின் போது இந்த பாலக்காடு கோட்டை ஒரு முக்கிய பங்களிப்பு இருந்தது.

பாலக்காடு கோட்டையிலிருந்து தான் திப்பு சுல்தான் தலைமையிலான இராணுவமும், லாலி என்ற பிரெஞ்சுக்காரரும் பிரிட்டிஷ் படைகளை எதிர்கொள்ள தங்கள் அணிவகுப்பைத் தொடங்கினர்.

நவம்பர் 15, 1784 அன்று கர்னல் புல்லர்டன் தலைமையிலான படைகள் 11 நாள் முற்றுகைக்கு பின்னர் இந்த கோட்டை ஆங்கிலேயர்களால் கைப்பற்றப்பட்டது.கோட்டையை பாதுகாக்கும் பணியை ஆங்கிலேயர்கள் ஜாமோரின் இராணுவத்திடம் ஒப்படைத்துவிட்டு பின்வாங்கினர்.

இருப்பினும், இந்த நிலைமை நீண்ட காலம் நீடிக்கவில்லை. திப்புவின் புத்திசாலித்தனமான நகர்வுகளால் கோட்டையை மீண்டும் திப்பு வசமானது.

பின்னர், இக்கோட்டையில் மைசூர் இராணுவத்தால் புதிய நாணயங்கள் செய்யப்பட்டது. ‘வீரரயன் பணம்’ என்ற நாணயத்தை சிறிய மாற்றங்களைக் கொண்ட ‘ஹைடரி’ என்ற மற்றொரு நாணயத்துடன் மாற்றுவதற்கான திட்டம் இருந்தது. பின்னர் ‘சுல்தான் பணம்’ என்ற புதிய நாணயம் கோட்டையில் அச்சிடப்பட்டது.

1788 ஆம் ஆண்டில் கொச்சி மன்னர் ராம வர்மா சக்தன் தம்புரனுக்கும் திப்பு சுல்தானுக்கும் இடையிலான சந்திப்புதான் பாலக்காடு கோட்டை நடத்திய ஒரு குறிப்பிடத்தக்க நிகழ்வு. இந்த சந்திப்பின் போது திருவாங்கூரை சாக்தன் தம்புரானிடம் தாக்கும் திட்டத்தை திப்பு வெளிப்படுத்தியிருந்தார்.மேலும் பாலக்காடு கோட்டையிலிருந்தே, திப்பு திருவாங்கூர் கார்த்திகா திருணல் ராம வர்மா (தர்ம ராஜா) மகாராஜாவுக்கு இராச்சியம் மீது அதிகாரம் கோரி கடிதம் எழுதினார்.

அடிமை வர்த்தகம் கூட பாலக்காடு கோட்டையில் நடந்ததாக வரலாற்றாசிரியர்கள் பதிவு செய்துள்ளனர். ஹைதர் அலியின் காலத்தில் ஒரு அடிமைக்கான விலை 200 முதல் 250 ‘பணம்’ ஆகும்.

பாலக்காடு கோட்டையின் சிறப்பு என்னவென்றால், கோடையின் உயரத்தில்கூட வறண்டு போகாத அகழி. திடமான பாறையால் கட்டப்பட்ட அகழி அகலமானது, எந்தவொரு துணிச்சலான குதிரைப்படை வீரரும் அதைத் தாண்டி ஒரு பாய்ச்சலைத் தடுக்க முடியாது.

பாலக்காடு கோட்டையில், மைசூர் ஆட்சியாளர் பத்தாயிரம் வீரர்களைக் கொண்ட இராணுவத்தை நீண்ட காலமாக பாதுகாப்பாக வைக்க திருந்தனர்.கோட்டையின் வேறு சில இடங்கள் ஒரு தனித்துவமான மாமரம், மற்றொரு மரத்தின் கிளையிலிருந்து தரையில் மூழ்கியிருந்தன மற்றும் போர் ரகசியங்கள் மறைக்கப்பட்டிருந்த ஒரு தொட்டியும் அடங்கும்.

தற்போது கோட்டை உள்ளே ஒரு துணை சிறை, தாலுகா விநியோக அலுவலகம், நிலம் கையகப்படுத்தும் அலுவலகம், ஒரு பிரபலமான அனுமன் கோயிலும் உள்ளே உள்ளது.

பாலக்காடு கோட்டை இந்து-இஸ்லாமிய கட்டடக்கலை பாணியில் ஐரோப்பிய அறிவைப் பயன்படுத்தி கட்டப்பட்டது.

பாலக்காட்டுக் கோட்டை இந்தியாவின் கேரள மாநிலத்திலுள்ள பாலக்காடு நகர மத்தியில் அமைந்துள்ளது. கருங்கல்லால் ஆன இக் கோட்டை 1766 ஆம் ஆண்டில் ஹைதர் அலியால் கட்டப்பட்டது. கேரளாவிலுள்ள கோட்டைகளில் நல்ல நிலையிலுள்ள கோட்டைகளில் ஒன்றாக இது விளங்குகிறது.

வரலாறு

பாலக்காட்டுக் கோட்டை மிகப் பழைய காலத்திலேயே இருந்ததாகக் கருதப்பட்டாலும், இதன் பழைய வரலாறு பற்றி எதுவும் தெரியவரவில்லை. பாலக்காடு அச்சன் எனும் இப் பகுதியின் உள்ளூர் ஆட்சியாளர் தொடக்கத்தில் கோழிக்கோட்டு அரசின் சிற்றரசராக இருந்தார். எனினும் 18 ஆம் நூற்றாண்டின் தொடக்கத்துக்கு முன்னரே இவர் சுதந்திரமாக இயங்கத் தொடங்கினார். 1757 இல் இப்பகுதிமீது கோழிக்கோட்டு அரசு ஆக்கிரமிப்பு நடத்த இருந்த நிலையில், இவர் உதவி கேட்டு ஹைதர் அலிக்குத் தூது அனுப்பினார். பாலக்காடைத் தன் வசம் எடுத்துக் கொள்வதற்காக இச் சந்தர்ப்பத்தை ஹைதர் அலி பயன்படுத்திக்கொண்டான். அப்போதிருந்து 1790 வரை இப் பகுதி மைசூர் சுல்தான்களிடம் அல்லது பிரித்தானியரிடம் இருந்து வந்தது. 1768 இல் முதன்முதலாக பிரித்தானியர் இதனை ஹைதர் அலியிடம் இருந்து கைப்பற்றினர். எனினும் சில மாதங்களில் ஹைதர் அதனை மீண்டும் கைப்பற்றிக் கொண்டான் ஆயினும், கர்னல் ஃபுல்லார்ட்டன் அதனை 1783 இல் மீண்டும் தம்வசப்படுத்தினான். அடுத்த ஆண்டிலேயே இக் கோட்டை கைவிடப்படவே அதனை கோழிக்கோட்டுப் படைகள் கைப்பற்றிக் கொண்டன. 1790 ஆம் ஆண்டில் பிரித்தானியப் படைகள் அதனை இறுதியாகக் கைப்பற்றின. இக் கோட்டை திருத்தம் செய்யப்பட்டு ஸ்ரீரங்கப்பட்டினத்துக்கு எதிரான படை நடவடிக்கைகளுக்கான ஒரு தளமாகப் பயன்படுத்தப்பட்டது. 19 ஆம் நூற்றாண்டின் நடுப்பகுதி வரை இக் கோட்டையில் படைகள் நிலைகொண்டிருந்தன. 1900களின் முற்பகுதியில் இக் கோட்டை தாலுகா அலுவலமாக மாற்றப்பட்டது. இக் கோட்டை ஹைதர் அலியின் மகனான திப்பு சுல்தானின் பெயரைத் தழுவி திப்பு கோட்டை என்றும் அழைக்கப்படுவது உண்டு.

பாலக்காடு வரலாறு

கேரளாவின் தலைவாசல் என்று கூறும் அளவுக்கு புகழ்பெற்று விளங்கும் ஊர்தான் பாலக்காடு.

பண்டைய தமிழகத்தில் ஒரு பகுதியாக விளங்கிய இந்த பாலக்காட்டில் சமணமும், பௌத்தமும் பெரும் செல்வாக்குப் பெற்றிருந்தது.இந்த சமயங்கள் பாலி மொழிக்கு மிகவும் முக்கியத்துவம் கொடுத்தது.

“பாலி” மொழியானது அங்கு வழக்கத்தில் இருந்த காரணத்தால் “பாலிக்காடு” என்று அழைக்கப்பட்ட இவ்வூர் ஆனது நாளடைவில் “பாலக்காடு” என்று பெயர் பெற்றிருக்கலாம்.

இதற்கான வரலாற்று சான்றுகளும் உள்ளது.

பாலக்காட்டை சுற்றிலும் நிறைய பாலை மரங்கள் நிறைந்திருந்ததால் இதனை “பாலைக்காடு” என்று அழைத்தார்கள்

பின்னாளில் அதுவே மருவி “பாலக்காடு” என மாறியிருக்கலாம் என்று சிலர் கூறுகிறார்கள்.

தமிழ் அறிஞர்களின் கூற்றுப்படி தமிழ் சொற்களில் உள்ள “ஐகாரம்” மலையாள மொழியில் “அகரமாக” மாறுவதால் உதாரணத்திற்கு “தலை”- “தல” “மலை- மல”

பாலைக்காடு ஆனது பாலக்காடு ஆகியிருக்கலாம் என்கின்றனர்.அதோடு இந்தப் பகுதி மிகவும் பாறைகள் நிறைந்த பூமி என்பதால் “பறாக்காடு” என்ற சொல்லானது நாளடைவில் “பாலக்காடு” என மாறியிருக்கலாம் என வரலாற்றாளர் கே.வி.கிருஷ்ண ஐயர் கூறுகின்றனர்.

பாலக்காடு கோட்டை (திப்புவின் கோட்டை) பாலக்காடு – ஓர் உல்லாச சுற்றுலா

கேரளாவில் மேற்குதொடர்ச்சி மலைத் தொடர்களுக்கு ஊடாக அமைந்திருக்கும் பாலக்காடு மாவட்டம் பரந்து விரிந்து கிடக்கும் பசுமையான நெல் வயல்களுக்காக மிகவும் புகழ்பெற்றது. கேரளாவின் அரிசி உற்பத்தியில் மிகப்பெரிய பங்காற்றி வரும் பாலக்காடு மாவட்டம் ‘கேரளாவின் நெற்களஞ்சியம்’ மற்றும் ‘தானியக் களஞ்சியம்’ என்ற சிறப்புப் பெயர்களில் அழைக்கப்படுகிறது.இந்த நகரம் உயர்ந்து நிற்கும் பனை மரங்களும், அடர்ந்த வெப்ப மண்டல காடுகளும், மலைக் குன்றுகளும் சூழ அமைந்திருக்கும் பேரழகை நாட்பூராவும் ரசித்துக் கொண்டே இருக்கலாம்.

பாலக்காடு நகரில் அமைந்திருக்கும் பாலக்காடு சுரம், கேரளாவின் மற்ற நகரங்களிலிருந்து வருபவர்களுக்கும், தமிழ்நாட்டிலிருந்து வரும் பயணிகளுக்கும் நுழைவாயிலாக திகழ்ந்து வருகிறது.

அதோடு கேரளாவின் மற்ற மாவட்டங்களை போல் அல்லாமல் பாலக்காடில் அதிக அளவில் தமிழ் பேசும் மக்கள் வசித்து வருவதால் தனித்துவமான கலாச்சாரத்தினை இந்த நகரம் கொண்டிருக்கிறது.

அதுமட்டுமல்லாமல் தமிழ்நாட்டுக்கு மிக அருகில் அமைந்திருப்பதால் பாலக்காடில் நீங்கள் கேரளா மற்றும் தமிழ்நாட்டின் கலவையில் மாறுபட்ட உணவு வகைகளை ருசிக்கலாம்.

பாலக்காடு மாவாட்டத்தின் தனிச் சிறப்புக்கு அதன் பாரம்பரிய கர்நாடக சங்கீதமும், கலாச்சார திருவிழாக்களுமே முக்கிய காரணம் என்று சொல்லலாம். இந்த மாவட்டத்தில் பிறந்த செம்பை வைத்தியநாத பாகவதர் மற்றும் பாலக்காடு மணி ஐயர் ஆகிய இரண்டு கர்நாடக இசை மேதைகளால் பாலக்காடு மாவட்டம் இந்தியா முழுக்க உள்ள இசை ரசிகர்களின் உள்ளத்தில் நீங்காத இடம் பிடித்து இருக்கிறது.

பாலக்காடில் கோட்டைகள், கோயில்கள், அணைகள், வனவிலங்கு சரணாலயங்கள், அருவிகள், பூங்காக்கள் என்று பயணிகளுக்கு எண்ணற்ற சுற்றுலா அம்சங்கள் காத்துக்கிடக்கின்றன.

இவற்றில் பாலக்காடு கோட்டையும், ஜெயின் கோயிலும் வரலாற்றுப் பிரியர்களை அதிகமாக ஈர்க்கும் இடங்கள். இவைதவிர மலம்புழா அணை மற்றும் தோட்டத்துடன் கூடிய கேளிக்கை பூங்கா புகழ்பெற்ற பிக்னிக் தலமாக விளங்கி வருகிறது.

பாலக்காடு நகரில் அமைந்திருக்கும் பாலக்காடு கோட்டை திப்புவின் கோட்டை என்ற பெயராலும் பிரபலமாக அறியப்படுகிறது. இந்தக் கோட்டை 1766-ஆம் ஆண்டு திப்புவின் தந்தை ஹைதர் அலி மகாராஜாவால் கட்டப்பட்டது.

பாலக்காடு கோட்டையை பெரும்பாலும் மைசூர் ஆட்சியாளர்களால் இராணுவ நடவடிக்கைகள் மேற்கொள்வதற்காகவே பயன்படுத்தி வந்தனர். இதற்கு அருகில் கோட்ட மைதானம் என்று அழைக்கப்படும் கோட்டை மைதானம் விசாலமாக காட்சியளித்துக்கொண்டிருக்கிறது.

இந்த மைதானத்தில்தான் திப்பு சுல்தானின் இராணுவத்தில் பயன்படுத்தப்பட்ட விலங்குகளை அடைத்து வைக்கும் கோட்டில் அமைக்கப்பட்டு இருந்தது. ஆனால் இந்த மைதானம் இன்று விளையாட்டுகள் மற்றும் பொருட்காட்சிகள் நடத்தும் இடமாக பயன்படுத்தப்பட்டு வருகிறது.

இவை தவிர பாலக்காடு கோட்டைக்கு அருகில் உள்ள ஹனுமான் கோயில் மற்றும் இந்திய தொல்பொருள் துறையால் பராமரிக்கப்பட்டு வரும் திறந்த வெளி கலையரங்கம் போன்ற இடங்களில் சுற்றுலாப் பயணிகளின் கூட்டத்தை அதிக எண்ணிக்கையில் பார்க்கலாம்.

நெல்லியம்பதி மலைவாசஸ்தலம், சைலன்ட் வேலி தேசிய பூங்கா, பரம்பிக்குளம் வனவிலங்கு சரணாலயம் உள்ளிட்டவை இயற்கை ரசிகர்களுக்கும், காட்டுயிர் ஆர்வலர்களுக்கும் ஏற்ற இடங்களாக இருப்பதுடன், மறக்க முடியாத விடுமுறை அனுபவமாகவும் இருக்கும்.

மேலும், காஞ்சிரப்புழா, தோணி அருவி, ஒட்டப்பாலம், கொல்லேன்கோடு அரண்மனை, தென்குருசி போன்ற இடங்களும் நீங்கள் பாலக்காடு சுற்றுலா வரும் போது கண்டிப்பாக பார்க்க வேண்டிய இடங்கள்.

பாலக்காடு நகரை ரயில் மற்றும் சாலை மூலமாக எளிதாக அடைந்து விடலாம். அதோடு இந்த நகரின் வெப்பநிலை கோடை காலத்தை தவிர மற்ற காலங்களில் மிகவும் இதமானதாகவே இருக்கும்.

இந்த மாவட்டத்தின் பாரம்பரியமும், இயற்கை காட்சிகளும், வண்ணமயமான திருவிழாக்களும் பாலக்காடு மாவட்டத்தை புகழ்பெற்ற சுற்றுலாத் தலமாக திகழச் செய்து கொண்டிருக்கின்றன