சிவாஜி கணேசன் நடிப்பில் எவரும் தொடமுடியாத சிகரம் பிறப்பு: 1 அக்டோபர் 1927

சிவாஜி கணேசன் நடிப்பில் எவரும் தொடமுடியாத சிகரம் 

பிறப்பு: 1 அக்டோபர் 1927

பிறப்பு: 1 அக்டோபர் 1927

பிறந்த இடம்: விழுப்புரம், தமிழ்நாடு, இந்தியா

இறப்பு: 21 ஜூலை 2001

தொழில்: நடிகர், அரசியல்வாதி

நாட்டுரிமை: இந்தியா

பிறப்பு:

சிவாஜி கணேசன் அவர்கள், சின்னையா மன்றாயருக்கும், ராஜாமணி அம்மாளுக்கும் மகனாக விழுப்புரத்தில் 1 அக்டோபர் 1927 ஆம் ஆண்டு பிறந்தார். அவரது இயற்பெயர் விழுப்புரம் சின்னையாப்பிள்ளை கணேசன்.

ஆரம்பகால வாழ்க்கை

சிவாஜி கணேசன் அவர்கள், தனது இளம்வயதிலேயே நாடகங்களால் பெரிதும் ஈர்க்கப்பட்டதாலும், அதில் பங்கேற்பதில் ஆர்வம் இருந்ததாலும், தனது கனவினை நிறைவேற்ற ஒன்பது வயதிலேயே வீட்டை விட்டு ஓடிவந்தார். பின்னர், அவரது சொந்த அம்மாவே நாடகக் குழுவில் இடம் பெற உதவி செய்தார். சிவாஜி கணேசன் அவர்கள், கமலா என்பவரை மணமுடித்தார். அவர்களுக்கு ராம்குமார், பிரபு என்ற மகன்களும், சாந்தி, தேன்மொழி என்ற மகள்களும் உள்ளனர்.

நடிகராகவும், அரசியல்வாதியாகவும்


சிவாஜி கணேசன் அவர்கள், தென்னிந்தியாவின் ஒரு பெரிய நடிகராகவும், அரசியல்வாதியாகவும் இருந்தார். தனது குழந்தைப் பருவத்திலிருந்தே நடிப்பதில் பேரார்வம் கொண்ட அவர், அதில் தன்னைத் தீவிரமாக ஈடுபடுத்திக் கொண்டார். பின்னர், அவர் தெலுங்கில் ஒன்பது திரைப்படங்கள், கன்னடத்தில் ஒன்று, மலையாளத்தில் இரண்டு, ஹிந்தியில் இரண்டு திரைப்படங்கள் என முன்னூறுக்கும் மேற்பட்ட இந்திய திரைப்படங்களில் நடித்துள்ளார்.

“இந்தியாவின் ஐம்பது ஆண்டுகளில் தோன்றிய நடிகர்களில் தலை சிறந்தவர்; நடிப்புக் கலையின் பல்கலைக் கழகம்; இன்றைய நடிகர்கள் அனைவரையும் ஏதோ ஒரு வகையில் பாதித்தவர்; அவர் ஏற்று நடிக்காத பாத்திரங்கள் ஏதுமில்லை; தமிழ் மொழியின் ஆகச்சிறந்த உச்சரிப்புக் கலைஞர்; அவரது திரைப்படங்களைப் பார்க்காத எவரும் சுதந்திரத்திற்குப் பிந்தைய தமிழகத்தைப் புரிந்து கொள்ள இயலாது; தேசியமும் தெய்வீகமும் கண்களென வாழ்ந்த ஒரு சிறந்த குடிமகன்” என்று அனைத்துப் பிரிவினராலும் போற்றப்படுகிறார், நடிகர் திலகம் என்றழைக்கப்படும் சிவாஜி கணேசன்.

அவரது நடிப்பை மிகை நடிப்பு என்று விமரிசிப்பவர்கள் கூட சிவாஜியின் திரையுலகச் சாதனையை மறுப்பதில்லை. பொதுவில் அவரது வாழ்க்கையைப் பொறுத்தவரை கலையுலகில் சாதனையாளராகவும், அரசியல் அரங்கில் பிழைக்கத் தெரியாத தோல்வியாளராகவும் அனுதாபத்துடன் மதிப்பிடப்படுகிறார்.

ஆனால் அவரது சமகால வரலாறும், அவரது திரைப்படங்களும், அதில் அவர் ஏற்று நடித்த பாத்திரங்களும், அவரால் உருவாக்கப்பட்ட நடிப்பு பாணியும், ஒரு நட்சத்திரமாகத் தன்னை நிலை நிறுத்திக் கொள்ள அவர் செய்த முயற்சிகளும், அதையொட்டி மாறிய அவரது அரசியல் வாழ்க்கையும், ‘இமேஜ்’ கரைந்து போன பிற்காலத்தில் அவர் நடித்த கேவலமான படங்களும், வளர்ப்பு மகன் திருமணத்தில் வாழ்ந்து கெட்ட நல்ல மனிதரைப் போன்று பங்கேற்றதும், 80 – களின் இறுதியில் வேறு வழியின்றி அரசியல் துறவறம் மேற்கொண்டதும் – நமக்கு வேறு ஒரு மதிப்பீட்டைக் காண்பிக்கின்றன.


திரையுலகச் சாதனை

‘பராசக்தி’ தயாரிப்பளாருக்கு பண உதவி செய்த ஏ.வி.எம் செட்டியாருக்கு, புதுமுகமான சிவாஜியின் நடிப்பு பற்றி நம்பிக்கையில்லை. அதையும் மீறி கிருஷ்ணன் – பஞ்சு இயக்கத்தில், கருணாநிதி வசனமெழுத 1952 – இல் வெளியான இப்படம் பெரும் வெற்றியடைந்தது. மேடை நாடகங்களில் கணீரென வசனம் பேசிக் கொண்டிருந்த சிவாஜிக்கு இப்பட வாய்ப்பு தற்செயலாக கிடைத்திருந்தாலும், பராசக்தியின் வெற்றிக்குத் தேவைப்பட்ட அவசியமான சூழ்நிலைகள் அப்போது உருவாகியிருந்தன.

அன்றைய திரையுலகம் பாட்டிலிருந்து வசனத்திற்கு மாறிக் கொண்டிருந்தது. புராணக் கதைகளில் சிக்கியிருந்த திரைக்கதை, பார்ப்பனியத்தின் அநீதியை எடுத்துரைக்கும் சமூக நோக்கம் கொண்டதாக விரிவடைய ஆரம்பித்திருந்தது. மவுசிழந்த தியாகராஜ பாகவதர், பி.யூ. சின்னப்பா போன்ற நட்சத்திரங்களுக்குப் பதிலாக, திராவிட இயக்கக் கலைஞர்கள் புகழ் பெற ஆரம்பித்திருந்தனர்.

கலையுலகின் இம்மாற்றத்திற்கு முன்பாகவே அரசியல் உலகமும் மாறத் துவங்கியிருந்தது. காங்கிரசின் மேட்டுக்குடி நலனுக்கான அரசியல் பின்தங்கி, கம்யூனிஸ்டுகளின் செல்வாக்கு முன்னணிக்கு வந்தது. இன்னொரு புறம் மொழிவழி மாநிலங்களுக்கான போராட்டப் பின்னணியில் திராவிட இயக்கமும் வளர ஆரம்பித்திருந்தது. மொழி – இனப் பெருமையை வைத்து, சாமானிய மக்களின் குரலாக உருவெடுத்து, விரைவிலேயே தமிழ் மக்களின் பிரதிநிதியாக இவ்வியக்கம் தன்னை முன்னிருத்திக் கொண்டது. அதற்கு அவ்வியக்கத் தலைவர்கள் தமது பிரச்சாரத்தை எளிய வடிவில் மக்களிடம் கொண்டு சென்றது ஒரு முக்கியமான காரணமாகும்.

திரையுலக பிரவேசம் :

திரையுலகுக்கு வரும் முன், நாடகங்களில் நடித்த சிவாஜி கணேசன் அவர்கள், ‘இந்து ராஜ்ஜியம்’ என்ற நாடகம் மூலமாக மிகவும் பிரபலமானார். இதில் பேரரசர் சிவாஜியாக நடித்த அவரின், நடிப்புத் திறமையைத் தந்தைப் பெரியார் அவர்கள் பெரிதும் பாராட்டினார். அவர், அவரை ‘சிவாஜி கணேசன்’ என்றழைத்தார். இந்நிகழ்ச்சியே, அவருக்கு ‘சிவாஜி கணேசன்’ என்ற பெய

ரை நிலைக்கச் செய்தது.

தமிழ்த் திரையுலகில், ‘பராசக்தி’ என்ற திரைப்படம் மூலமாக அறிமுகமான சிவாஜி கணேசன் அவர்கள், முன்னூறுக்கும் மேற்பட்ட தமிழ் திரைப்படங்களில் நடித்துள்ளார். அவர், இரண்டு ஹிந்தி திரைப்படங்கள், ஒன்பது தெலுங்குத் திரைப்படங்கள், மற்றும் ஒரு மலையாளத் திரைப்படத்திலும் நடித்துள்ளார். அவருக்குத் தெளிவான, உணர்ச்சிப் பூர்வமான தமிழ் உச்சரிப்பும், நல்ல குரல்வளமும், சிறந்த நடிப்புத் திறனும் இருந்ததால், ‘நடிகர் திலகம்’ என்றும், ‘நடிப்புச் சக்கரவர்த்தி’ என்றும் மக்களாலும், திரையுலகத்தினராலும் அழைக்கப்பட்டார்.

அக்காலத்தில், தேசத் தலைவர்களின் பத்திரங்களை ஏற்றுத் திறம்பட நடித்த முக்கிய நடிகர்களுள் ஒருவர், சிவாஜி கணேசன் அவர்கள். ‘இராஜராஜ சோழன்’ மற்றும் ‘கப்பலோட்டிய தமிழன்’ ஆகிய திரைப்படங்களே இதற்கு சான்றாகும். ‘மனோகரா’, ‘வீரபாண்டிய கட்டபொம்மன்’ போன்ற திரைப்படங்கள், இவரின் வீர வசனத்திற்காகப் பெயர்ப் பெற்றவை. ‘பாசமலர்’, ‘வசந்த மாளிகை’ போன்ற திரைப்படங்களில் இவரது உணர்ச்சிப்பூர்வமான நடிப்பைக் காணலாம். ‘கந்தன் கருணை’, ‘திருவிளையாடல்’, ‘சரஸ்வதி சபதம்’ போன்ற பக்தித் திரைப்படங்களும் பெரிதும் பேசப்பட்டவை.


திராவிட இயக்கமும் திரைப்பட முதலாளிகளும் !

1967 – இல் தி.மு.க. ஆட்சியைப் பிடிக்கும் வரை முதன்மையான எதிர்க்கட்சியாக இருந்த கம்யூனிஸ்டுகளை அபாயமாகக் கருதிய முதலாளிகள், திராவிட இயக்கத்தை தமக்கு சாதகமானது என்று சரியாகவே கருதினர். சமூக அரங்கில் வரவேற்பைப் பெற்றிருந்த திராவிட இயக்க படைப்புக்களை திரையுலகில் ‘ஸ்பான்சர்’ செய்வதற்கு முதலாளிகள் தயாராயினர். இரு பிரிவினரும் தமது அரசியல் நலனைக் காப்பாற்றிக் கொண்டு பண ஆதாயம் பெறுவது உறுதி செய்யப்பட்டது.

அப்போதே அண்ணாவும், கருணாநிதியும் தமது வசனங்களுக்காக ஆயிரக்கணக்கில் ஊதியம் பெற்றனர். சிவாஜி தவிர எம்.ஜி.ஆர், எஸ்.எஸ்.இரேசேந்திரன், கே.ஆர்.ராமசாமி, என்.எஸ். கிருஷ்ணன் போன்ற திராவிட இயக்க நடிகர்கள் புகழ் பெற ஆரம்பித்திருந்தனர். 47 – க்குப் பின் பிரச்சினையின்றி தனது படத்தில் பாரதி பாடலைச் சேர்த்த ஏ.வி.எம். செட்டியார் போன்ற முதலாளிகள் தயாரிப்பாளரானார்கள். ‘பராசக்தி’ காலப் படங்களில் பார்ப்பனிய எதிர்ப்பும், சமூகப் பிரச்சினைகளும் வீரம் – காதல் – கற்பு – பாசம் போன்ற ‘தமிழ் நெறி’களின் பின்னணியில் வெளிப்பட்டன. அந்தத் ‘தமிழ் நெறி’ அற்ப உணர்வாகவும், இனப்பெருமை சவடாலாகவும் சீரழிய அதிக காலம் ஆகவில்லை. அதுவே திராவிட இயக்கத்தின் அரசியல் வழிமுறையாகவும் உறுதியானது.

நட்சத்திர இலக்கணத்தில் சிவாஜியின் வளர்ச்சி !

இதனிடையே சிவாஜியின் சிம்மக்குரல் கர்ஜனையில் பணம், மனோகரா, இல்லற ஜோதி போன்ற படங்கள் வெளிவந்தன. இவை அவரது பாணி நடிப்பு – வசனமுறை உருவாவதற்கும், சிவாஜி என்ற நட்சத்திரம் உதிப்பதற்கும் அடித்தளமிட்டன. 50 -களில் எழுதப்பட்ட கதைகளில் சிவாஜி நடித்தார் என்ற நிலை மாறி, 60 – களில் சிவாஜிக்கு ஏற்ற கதைகள் எழுதுவது தொடங்கியது. அப்போது அவர் ‘இமேஜ்’ முழுமையடைந்த ஒரு உயர் நட்சத்திரமாகிவிட்டார்.

அவரது ‘இமேஜூ’க்குப் பொருத்தமான, அவரது நடிப்புக்கு தீனி போடும் வகையிலான பாத்திரங்கள் உருவாக்கப்பட்டன. அதைச் சுற்றியே ஏனைய நடிகர்கள், ஒலி, ஒளி, பாடல், இசை, இயக்கம் போன்றவை கட்டுப்படுத்தப்பட்டன. எம்.ஜி.ஆர், ரஜினி, அமிதாப் தொடங்கி ஹாலிவுட்டின் நடிகர்கள் வரை அனைத்து ‘சூப்பர் ஸ்டார்’ களுக்கும் இதுவே இலக்கணம்.

எம்.ஜி.ஆர் – ரஜனியின் நட்சத்திரச் சுமையை சண்டை, சமூக நீதிப் பாட்டு, கவர்ச்சி நாயகிகள், ஆடம்பர அரங்குகள், வில்லன்கள் போன்றோர் சுமந்தனர். கமலஹாசனுககு ஹாலிவுட்டிலிருந்து சுடப்பட்ட கதையும், வித்தியாசமான மேக் – அப்பும், மணிரத்தினம் – ஷங்கர் போன்ற இயக்குநர்களும் வேண்டியிருந்தது. ஆனால் சிவாஜி மட்டும் தன் சுமையை – தனது நடிப்பாற்றலால் – தானே சுமந்தார் என்பதே அவருக்குள்ள திறமையாகும்.

இத்தகைய நட்சத்திர நடிகர்கள், தமது ஒரு சில படங்களின் வெற்றியை வைத்து, வெற்றி பெரும் கதை, மக்களின் ரசனை, தமது திறமையின் மகிமை போன்றவை இன்னதுதான் என தமக்குத்தானே தீர்மானிக்கின்றனர். உலகமே தம்மை மேதைகளாக மதிப்பதாகவும் கருதிக் கொள்கின்றனர்.

திரையுலகில் திறமையும் – சமூக நோக்கமும் கொண்டவர்கள் நுழைய முடியாமல் இருப்பதும், இருந்தால் ஒழிக்கப்படுவதும் மேற்படி நட்சத்திர முறையின் முக்கிய விளைவுகளாகும். திரையுலகத்தைக் கோடிகளைச் சுருட்டும் மாபெரும் தொழிலாக மாற்றிவிட்ட முதலாளிகளுக்கு,இந்த ‘சூப்பர் ஸ்டார்கள்’ நம்பகமான மூலதனமாக இருப்பதால், நட்சத்திரங்களை அவர்களே திட்டமிட்டு உருவாக்கவும் செய்கின்றனர்.

நடிகர்களின் திறமை, முதலாளிகளின் ஆதரவு போக இந்த நட்சத்திரங்கள் எழுவதற்கும்,  குறிப்பிட்ட காலம் மின்னுவதற்கும், பின்னர் மங்குவதற்கும் குறிப்பான – சமூக வரலாற்றுக் காரணங்களும் தேவை என்பதையும் நாம் புரிந்து கொள்ள வேண்டும்.

காங்கிரசின் மேட்டுக்குடி அரசியலுக்கு மாற்றாக தமிழினப் பெருமை பேசி வந்த திராவிட இயக்கம், உழைக்கும் மக்களின் ஏக்கப் பெருமூச்சாய் சில பத்தாண்டுகள் நீடித்தது. அதனால்தான் தி.மு.க.வின் தமிழ்ப் பண்பான காதல், வீரம், கற்பு, தாய்ப் பாசம், மொழி – இனப் பெருமை போன்றவை கலந்து ஒரு நாட்டுப்புற வீரனாய் உருவெடுத்த எம்.ஜி.ஆரின் இமேஜ் செல்வாக்குடன் பல ஆண்டுகள் நீடித்தது.

உயர்குடி மாந்தராக சிவாஜியின் இமேஜ் !

இதே காலப் பின்னணியில் உருவான சிவாஜியின் இமேஜ் வேறு ஒரு பின்புலத்தைக் கொண்டிருந்தது. ஆங்கிலேயர் ஆட்சியிலும் – அதன் பின்னரும் பின்தங்கிய நிலவுடைமைச் சமூகம் மெல்ல மெல்ல மாறத் துவங்கியிருந்தது. தொழில் துறை – நகரங்களின் வளர்ச்சி, பழைய சமூக உறவுகளை அப்படியே நீடிப்பதற்கு அனுமதிக்கவில்லை. பார்ப்பன – பார்ப்பனரல்ல்லாத மேல்சாதிகளும், மேல்தட்டு வர்க்கங்களும் இந்த மாற்றத்தின் பொருளாதார ஆதாயங்களைப் பெற்றாலும் மறுபுறம், தமது பிற்போக்கான, பழமையான சமூக மதிப்பீடுகள் அழிவதாகவும் அரற்றிக் கொண்டன. இந்த முரண்பாட்டில் சிக்குண்ட மேல்தட்டு மனிதர்கள் மற்றும் வாழ்ந்து கெட்ட நல்ல மனிதர்களின் பெருமை, ஏக்கம், புலம்பல், இத்யாதிகளை, சற்று அழுத்தமான மிகை நடிப்பில் வெளிப்படுத்துவதற்கு ஒரு சிவாஜி தேவைப்பட்டார்.

பணக்கார விவசாயக் குடும்பத்தைச் சேர்ந்த பாசமிக்க இளைஞனாக, இராமனுக்கேற்ற தியாகத் தம்பி பரதனாக, நவரசங்களையும் பிழிந்து தரும் உயர்குடி நாயகர்களாக, பக்தர்கள் மீது பழமையை நிலைநாட்டும் பரம்பொருளாக, கம்பீரம் குறையாமல் காதலிக்கும் நாதசுவரக் கலைஞனாக, குடும்ப வேதனையில் குமுறும் இளைஞனாக, வேலை செய்யும் வீட்டின் சுமை தாங்கும் விசுவாசமான வேலையாளாக, காதலியைக் காப்பாற்ற முடியாமல் தவிக்கும் மருத்துவராக, குற்றம் மறந்து நிம்மதி தேடும் கனவானாக, போதையில் விழுந்து புனர் ஜென்மமெடுக்கும் ‘தத்துவ’ இளைஞனாக, வெளிநாட்டு நாகரீக மனைவியைத் திருத்தும் பட்டிக்காட்டானாக, மகன்கள் தரும் சோதனை மேல் சோதனைகளைச் சந்திக்கும் ஏகப்ப்டட தந்தைகளாக சிவாஜி நடித்தார், நடந்தார், ஆடினார், ஓடினார், பாடினார், கர்ஜித்தார், குமுறினார், கலங்கினார், அழுதார், அழ இயலாமல் தவித்தார், சிரித்தார், சிரித்தவாறே அழுதார் – என்று எதையெல்லாம் முடியுமோ அத்தனையும் செய்து காட்டினார்.

Add caption

 உயர்குடி மனிதர்களின் வாழ்க்கையைத்தான் சிவாஜி மட்டுமல்ல அவரது சமகாலத் திரையுலகம், இயக்குநர்கள், நடிகர்கள் அனைவரும் பிரதிபலித்தனர். அப்போது இத்தகைய ‘குடும்பப் படங்கள்’ எனும் மதிப்புடன் வெளிவந்த கதைகளே வெற்றிக்குரிய சூத்திரமாகக் கருதப்பட்டன. அதில் சிவாஜி மட்டும் குறிப்பிடத் தகுந்த வகை நடிப்பைக் கொண்டிருந்தார் என்பதே அவருக்குரிய பங்காகும்.

சிவாஜியும் மிகை நடிப்பும்!

அதை மிகை நடிப்பு என்பாரின் விமரிசனமும், நமது கலைமரபின் தொடர்ச்சி என்பாரின் பாராட்டும், நடிப்பை மட்டும் கவனிக்கின்றன. கூத்தும், அதன் வளர்ச்சியான நாடகத்திலும் தொலைவிலிருக்கும் பார்வையாளருக்கு குரலையும், உடலசைவையும் உணர்த்திக் காட்ட மிகை நடிப்பு தேவைப்பட்டது. உலகெங்கிலும் உள்ள நாடக மரபுகளும் மிகை நடிப்பையே கொண்டிருப்பதால் இது நமக்கு மட்டுமே உள்ள மரபு அல்ல. எனவே நாடகப் பின்னணியில் தோன்றிய திரையுலகம் மட்டுமே சிவாஜியின் மிகை நடிப்புக்கு காரணம் என்று கூறிவிட முடியாது.

மேன்மக்களின் பாத்திரமேற்று நடித்த சிவாஜியின் சமகால நடிகர்களில் பலர் அவரைப் போல மிகையாய் நடிக்கவில்லை. உயர்குடி மாந்தர்களின் உணர்ச்சிகளையும், அவர்களது வாழ்க்கைப் பிரச்சினைகளையும் மிகைப்படுத்தி அவையே சமூகத்தின் பிரச்சினைகள் என்று நம்ப வைத்தன திரைக்கதைகள். அந்த ஜாடிக்கேற்ற மூடியாகப் பொருந்தி விட்டது சிவாஜியின் மிகை நடிப்பு.

தி.மு.க.வின் சவடால் அரசியலுக்கு ஏற்ற அலங்கார நடை அடுக்குத் தொடர் வசனங்கள் என்ற ஜாடிக்கும் இந்த மிகை நடிப்பு ஒரு பொருத்தமான மூடியாகவே இருந்தது.

முதலில் ஜாடிக்கேற்ற மூடி; பிறகு மூடிக்கேற்ற ஜாடி என்றவாறு அதாவது கதைக்கேற்ற நடிப்பு, பிறகு நடிகருக்கேற்ற கதை என்றவாறு அது முற்றத் தொடங்கியது.

கற்ற நடிப்பும் காட்டிய வித்தையும் !

சிவாஜி தனது நடிப்புத் திறனை எப்படி வளர்த்துக் கொண்டார்? அவரே கூறியிருப்பது போல பலரது வாழ்க்கைப் பாணிகளை பார்த்துப் பதிந்து கொண்டதுதான். ஆனால் யாரை – எதை பார்க்கப் பழகியிருந்தார் என்பதுதான் பிரச்சினை. சிவாஜியின் படங்களைப் போல அவரும் சமகால சமூகத்தைப் பற்றியும், அது மாறி வந்தது குறித்தும், மக்களின் யதார்த்தமான வாழ்க்கை –

பிரச்சினைகளையும் அறியாதவராகவே இருந்தார். அப்படித் தெரிந்து கொள்ள வேண்டிய தேவையை அவரது படங்களும் – பாத்திரங்களும் கோரவில்லை. கூடவே அவரது அரண்மனை வீடும், காங்கிரசின் மேட்டுக்குடி நட்பும், திரைப்பட முதலாளிகளின் சூழலும் – உயர்குடி மனிதர்களைப் பற்றியே சிந்திக்க வைத்திருக்க முடியும். நடிப்பும் – வாழ்க்கையும், இமேஜூம் – கற்பனையும் ஒன்றையொன்று சார்ந்திருந்தன.

ஆகவே சிவாஜி கற்றுக் கொணடு நிகழ்த்திக் காட்டிய ஸ்டைலாக – புகைவிடுவது, கம்பளியுடன் இருமுவது, தலையைப் பிய்த்து நிம்மதி தேடுவது, தரை அதிரவோ – நளினமாகவோ நடந்து வருவது போன்ற ஜோடனைகளுக்கும், சர்க்கஸ் வித்தைகளுக்கும் வித்தியாசம் எதுவும் இல்லை. சீனியர் சங்கராச்சாரியையப் பார்த்து அப்பராக நடித்ததைப் பெருமையுடன் குறிப்பிடும் சிவாஜி, தனது வித்தியாசமான வேடங்கள் பலவற்றையும் எங்கிருந்து கற்றார் என்பதை எங்கேயும் கூறியதில்லை.

வீழ்ந்த நட்சத்திரம் !

சிவாஜி கால உயர்குடி மிகை யதார்த்தப் படங்களுக்கான வரலாற்றுக் காரணங்கள் மாறத் துவங்கிய போது அவரது நட்சத்திர இமேஜ் மங்கத் தொடங்கியது. அதைச் சரிகட்ட சிவாஜியும் – எம்.ஜி.ஆரும் 70 – களின் வண்ணப் படங்களில் நாயகிகளைத் துகிலுரிவதிலும், காதலைக் காமமாக மாற்றுவதிலும் போட்டியாக ஈடுபட்டனர். இதன் பின்னர் 80 – களின் துவக்கத்தில் பேரன் – பேத்திகளைப் பெற்றெடுத்த நிலையிலும் ‘தர்மராஜா’வில் ஸ்ரீதேவியுடனும், ‘லாரி டிரைவர் ராஜாக் கண்ணுவில்’ ஜெயமாலினியுடன் ஆடிப் பாடிய சிவாஜியை அவரது ரசிகர்களாலேயே சகிக்க முடியவில்லை.

இனிமேலும் அவர் ஒரு நட்சத்திரமில்லை என்பது முடிவு செய்யப்பட்டது. அதன் பின் சிவாஜி நடித்த ‘முதல் மரியாதை, தேவர் மகன்’ திரைப்படங்கள் அவரது யதார்த்தமான நடிப்பிற்காக வரவேற்கப் பட்டாலும், இவையும் வாழ்ந்து கெட்ட கவுரவமான மனிதர்களின் பாத்திரம்தான். இறுதியாக 90-களில் ‘ஒன்ஸ்மோர்’ படத்தில் இளைய தளபதி விஜயின் சில்லறைக் காதலுக்கு உதவிடும் சில்லறைத் தந்தையாக நடித்தார். 

அரசியல் வாழ்க்கை

அரசியலில் மிகுந்த ஈடுபாடு கொண்டிருந்த சிவாஜி கணேசன் அவர்கள், 1955 வரை திராவிட இயக்கத்தில் தன்னை ஈடுபடுத்திக் கொண்டார். 1961ல், காங்கிரஸ் கட்சியில் இணைந்து செயல்பட்டார். 1982ல் நாடாளுமன்றத்தின் மேலவை உறுப்பினரானார். பின்னர், கட்சியில் ஏற்பட்ட கருத்து வேறுபாடு காரணமாக, 1987ல் கட்சியை விட்டு விலகி, ‘தமிழக முன்னேற்ற முன்னணி’ என்ற புதிய கட்சியைத் தொடங்கினார்.

பெரும்நடிகராக இருந்தாலும், அவருக்கு அரசியலில் எம்.ஜி.ராமச்சந்திரன் போல செல்வாக்குக் கிடைக்கவில்லை. ஆகவே, தனது இறுதிக்காலத்தில் அரசியலிலிருந்து ஒதுங்கியிருந்தார்.

சிவாஜியும் அரசியலும் !

 ‘ அரசியலில் மட்டும் சிவாஜி தோல்வியடைந்தார்’ என்ற கருத்தைப் பரிசீலிக்கலாம். முதலில் இந்த மதிப்பீடே நேர்மையற்ற மதிப்பீடு. காரணம் மக்களுக்கு சேவையாற்ற வேண்டும் என்று அரசியலில் ஈடுபடும் ஒருவர் தோல்வியடைந்தால் அப்படி மதிப்பிடலாம். மாறாக தனது ‘நடிகர் திலகம்’ இமேஜைத் தக்க வைக்கவும், விரிவுபடுத்தவும், அதன்மூலம் அரசியலிலும் புகழடைய வேண்டும் என்ற சிவாஜியின் நோக்கமே பச்சையான சுயநலமாகும். இது பெருங்கனவாக வளருவதற்கு எம்.ஜி.ஆரின் போட்டி ஒரு காரணமாக இருந்தது.

திராவிட இயக்கத்தின் முன்னணிக் கலைஞராக வளர்ந்த சிவாஜி 1955- இல் திடீரென திருப்பதி சென்று வழிபட்டார். கொதித்தெழந்த உடன்பிறப்புகளோ “திருப்பதி கணேசா! திரும்பிப் பார் நடந்துவந்த பாதையை, நன்றி கெட்டுப்போனாயே நல்லதுதானா?”என்று கேட்டனர். திராவிட அரசியலும் -நாத்திகமும் தனது இமேஜை குறுக்கிவிடும் என்று கருதிய சிவாஜி தேசியமும் – தெய்வீகமும் உள்ளவராகக் காட்டிக் கொண்டார். அதன்படி அடுத்த சில ஆண்டுகளில் ஏ.பி.நாகராஜனின் புராணப் படங்களில் நடித்து, 50களில் புதையுண்டு போயிருந்த புராணப் புரட்டல்களுக்கு மீண்டும் உயிர் கொடுத்தார்.

இதே ஏ.பி.நாகராஜன்தான் திராவிட இக்கங்களைப் பல படங்களில் கொச்சைப்படுத்தி கேலி செய்தவர். பராசக்தியில் சிவாஜியுடன் நடித்த எஸ்.எஸ். இராசேந்திரன் போன்றோர் புராண, கடவுள் படங்களில் நடிப்பதில்லை என்று உறுதியுடன் கடைபிடித்தார்கள். 

காங்கிரசில் சேர்ந்த ‘கூத்தாடி’ !

திரையுலகில் திராவிட இயக்கத்தின் செல்வாக்கினால் காழ்புணர்ச்சியடைந்த காங்கிரசு கட்சி நடிகர்களை ‘கூத்தாடிகள் ’ என்று கேவலப்படுத்தியது. 

50-களில் ‘தாராசிங் – கிங்காங்கை’ வைத்து மல்யுத்தக் காட்சிகள் நடத்திப் புகழ் பெற்ற சின்ன அண்ணாமலை என்ற காங்கிரசுக்காரர், 60 – களில் நடிப்புடன் யுத்தம் நடத்திக் கொண்டிருந்த சிம்மக் குரலோனை வைத்து அகில இந்திய சிவாஜி கணேசன் ரசிகர் மன்றம் உருவாக்கினார். புதுப்படங்களுக்கு பூசை, தோரணம், அபிஷேகம், ஊர்வலம், ஒவ்வொரு படத்தின் பெயரிலும் ரசிகர்மன்றம் என்று ரசிகர்களை பொய்யான உணர்ச்சியில் மூழ்கடித்து, சினிமாவை முக்கியமான சமூக நிகழ்வாக மாற்றி சீரழித்ததில் எம்.ஜி.ஆரும், சிவாஜியும் சம பங்காற்றினர். இந்த ரசிகர் மன்ற நோய் பரவுவதற்கு, திரையுலகின் புகழையும், செல்வாக்கையும், கவர்ச்சியையும், அரசியலுக்கு கேடாகப் பயன்படுத்திய தி.மு.க.வும் காரணமாக இருந்தது.

பால்கனி, பெஞ்சு டிக்கட் என்ற இரு பிரிவையும் கவர்ந்த சிவாஜிக்கு சாதிகளைக் கடந்த ரசிகர்களே அதிகம். இருப்பினும் தேவர் சாதி மக்கள் இருக்கும் ஊர்களில் சிவாஜி மன்றாடியார் – தேவர்மகன் சிவாஜி ரசிகர் மன்றங்களாக இருந்ததை அவர் ஆதரித்தார். 70 – களின் சில படங்களில் ‘நான் தேவன்டா’ என்று அடிக்கடி வலிந்து பேசி தன் பெருமிதத்தைக் காட்டிக் கொண்டார். இவ்வளவு இருந்தும் பின்னாளில் அவர் ஆரம்பித்த தனிக் கட்சிக்கு டெபாசிட் வாங்கிக் கொடுத்த சில தொகுதிகளில் தேவர்சாதி மக்கள் அதிகம் கிடையாது.


பார்ப்பனர்களிடம் பறி கொடுத்த பிரஸ்டீஜ் !

அதே சமயம் தன் புகழ் உச்சத்திலிருக்கும் போதும் பார்ப்பனர்களுக்கு அடிபணிந்தும் போயிருக்கிறார். 71 – ஆம் ஆண்டில் அவரது ‘களம் கண்ட கவிஞன்’ எனும் நாடகத்திற்கு சென்னையின் ‘அவாள்’ சபாக்கள் இடம் கொடுக்கவில்லை. பார்ப்பனக் குடும்பக் கதைகளை மட்டும் நாடகங்களாக நடத்தும் சபாக்களின் விதிப்படி தனது நாடகத்தை விடுத்து, ‘வியட்நாம் வீடு’ என்ற நாடகத்தை சிவாஜி அரங்கேற்றினார். இதில் ‘பிரஸ்டீஜ் பத்மநாப அய்யராக’ நடித்து அவாளின் உள்ளம் கொள்ளை கொண்ட நடிகர் திலகம் தன்னுடைய ‘பிரஸ்டீஜ்’ பறி போனது குறித்து கவலைப்படவில்லை.

இக்காலத்தில் வெளியான ‘ராஜபார்ட் ரங்கதுரையில்’ தூக்கு மேடையேறும் பகத்சிங் “காந்தி வாழ்க” என்று பேசத் தொடங்கி அலையோசை, நவசக்தி போன்ற காங்கிரஸ் பத்திரிகைகளுக்கு விளம்பரம் செய்து கயிற்றில் தொங்குவார். 

அரசியல் வேண்டாம், ஆளை விடுங்கப்பா !

இடையில் இந்திராவிடமிருந்து பிரிந்து ஸ்தாபனக் காங்கிரஸ் ஆரம்பித்த காமராஜருடன் சேர்ந்தார். காமராஜர் இறந்ததும் இந்திராவிடம் திரும்பினார். 80 – களில் இவருக்கும் மூப்பனாருக்கும் நடந்த காங்கிரஸ் குழுச் சண்டையில் தோற்றார். எம்.ஜி.ஆர். இறந்ததும் அடுத்த புரட்சித் திலகம் நாம்தான் என்று முடிவு செய்து தமிழக முன்னேற்ற முன்னணி என்ற புதுக்கட்சி ஆரம்பித்தார். 88 தேர்தலில் “234 தொகுதிகளிலும் போட்டியிட்டு 3 -இல் மட்டும் டெபாசிட் பெற்றது ” எனுமளவுக்கு கேவலமாகத் தோற்றார்.

அப்போதும் சளைக்காமல் வி.பி.சிங்கின் ஜனதா தளத்தில் சேர்ந்து மாநிலத் தலைவரானார். அந்தக் கட்சியும் கட்டெறும்பாக கரைந்த நிலையில் ‘அடங்கொப்புரானே, அரசியலும் வேண்டாம், ஒரு மண்ணும் வேண்டாம் ’ என்று அரசியல் துறவறம் மேற்கொண்டார். சிவாஜியின் அரசியல் சந்தர்ப்பவாதம் இத்தனை விகாரமாகத் தெரியக் காரணம், அதையே நேர்த்தியாக செய்யும் திறமை அவருக்கில்லை என்பதுதான்.

அண்ணாவும், தம்பி கணேசனும், நண்பர் கருணாநிதியும் !
அந்தத் திறமை அடுக்கு மொழியில் சவுடால் அரசியல் செய்து வந்த தி.மு.கவிடம் இருந்தது. திருப்பதிக்குப் போன சிவாஜியை உடன்பிறப்புகள்தான் எதிர்த்தனர். ‘அறிஞர்’ அண்ணாவோ ‘தம்பி கணேசன் எங்கிருந்தாலும் வாழ்க’ என்று தந்திரமாக சமரசம் செய்து கொண்டார். காரணம் அப்போது அண்ணா எழுதிய சில படங்களில் நடிப்பதற்கு சிவாஜி தேவைப்பட்டார். அதன் பின் ‘ஒன்றே குலம் ஒருவனே தேவன்’ என்று பகுத்தறிவுக்கு அவர் சமாதி எழுப்பிய பின் திரையுலகில் கொள்கையுமில்லை – வெங்காயமுமில்லை என்ற வணிகப் பண்பு நிலைபெற்றது.

அதனால்தான் பராசக்தி படத்தில் ஏழைகளின் துன்பத்தை எழுதி பேசிய கருணாநிதி – சிவாஜி ஜோடி, 1981 இல் ‘மாடிவீட்டு ஏழை’ படத்தில் இலட்சாதிபதியின் துன்பத்தை எடுத்துரைத்தது. அப்போது இருவரும் இலட்சாதிபதிகளாக இருந்தார்கள் என்ற விசயம் அவர்களது கொள்கையின் பரிணாம வளர்ச்சியைக் காட்டுகிறது. மூன்று ஆண்டுகளுக்கு முன்னர் கருணாநிதிக்கு திரையுலகம் நடத்திய பாராட்டு விழாவில் இருவரும் கட்டிப்பிடித்து அழுதார்கள். எதை நினைத்து அழுதார்களோ தெரியவில்லை!

புகழ்[தொகு]

எகிப்து அதிபர் கமால் அப்தெல் நாசர் இந்தியாவிற்கு வருகை தந்த போது, அப்போதைய இந்திய பிரதமர், ஜவகர்லால் நேரு அனுமதி வழங்கப்பட்ட தனி நபர் சிவாஜி கணேசன் ஆவார். 1962 ஆம் ஆண்டு சிவாஜி கணேசன் அமெரிக்க அரசாங்கத்தின் கலாச்சார பரிமாற்றம் திட்டத்தின் கீழ் அமெரிக்கா சென்ற இந்தியாவில் இருந்து முதல் கலைஞர், இருந்தது.

 சிவாஜி கணேசன், இந்திய கலாச்சார தூதர் பாத்திரத்தில் அங்கு அப்போதைய அமெரிக்க ஜனாதிபதி ஜான் எப் கென்னடியை சந்தித்தார். அப்போது அவரை கவுரவப்படுத்தும் விதமாக அவரை ஒரு நாள் நயாகரா நீர்வீழ்ச்சியின் கௌரவ மேயராக நியமித்து அவரிடம் அதற்கான சாவியையும் கொடுத்தனர்.[2

விருதுகள்:

1960 – ஆப்பிரிக்க-ஆசியத் திரைப்பட விழாவில் சிறந்த நடிகருக்கான விருது கிடைத்தது.

1966 – பத்ம ஸ்ரீ விருது

1984 – பத்ம பூஷன் விருது

1995 – செவாலியே விருது (Chevalier)

1997 – தாதா சாகேப் பால்கே விருது

1962 – சிறப்பு விருந்தினராக அமெரிக்க நாட்டில் சுற்றுப்பயணம் மேற்கொண்ட போது, நயாகரா மாநகரின் ‘ஒரு நாள் நகரத் தந்தை’ என கௌரவிக்கப்பட்டார்.

இறப்பு

தென்னிந்திய திரைப்படத் துறையில், சிறந்த நடிகராக விளங்கிய சிவாஜி கணேசன் அவர்கள், சுவாசப் பிரச்சினைக் காரணமாக, சென்னை அப்பல்லோ மருத்துவமனையில் அனுமதிக்கப்பட்டு, ஜூலை 21, 2001 ஆம் ஆண்டு தனது 74வது வயதில் மரணமடைந்தார்.

303

வ.எண்	ஆண்டு	திரைப்படம்	கதாபாத்திரம்	மொழி	வெளியீடு
1	1952	பராசக்தி	குணசேகரன்		அக்டோபர் 17, 1952
2		பணம்			திசம்பர் 27, 1952
3	1953	பரதேசி		தெலுங்கு	சனவரி 14, 1953
4		பூங்கோதை	ஆனந்த் வேடம்		பெப்ரவரி 1, 1953
5		திரும்பிப் பார்			சூலை 10, 1953
6		அன்பு	செல்வம்		சூலை 24, 1953
7		கண்கள்			நவம்பர் 5, 1953
8		பெம்புடு கொடுக்கு			நவம்பர் 13, 1953
9		மனிதனும் மிருகமும்		தெலுங்கு	திசம்பர் 4, 1953
10	1954	மனோகரா	மனோகரா வேடம்		மார்ச்சு 3, 1954
11		இல்லற ஜோதி			ஏப்ரல் 9, 1954
12		அந்த நாள்	ராஜன்		ஏப்ரல் 13, 1954
13		கல்யாணம் பண்ணியும் பிரம்மச்சாரி	அம்பலவண்ணன் / அம்பலம்		ஏப்ரல் 13, 1954
14		துளி விஷம்			சூலை 30, 1954
15		கூண்டுக்கிளி	ஜீவா		செப்டம்பர் 26, 1954
16		தூக்குத் தூக்கி			ஆகத்து 26, 1954
17		எதிர்பாராதது	சுந்தர் வேடம்		திசம்பர் 9, 1954
18	1955	காவேரி			சனவரி 13, 1955
19		முதல் தேதி			மார்ச்சு 13, 1955
20		உலகம் பலவிதம்			மார்ச்சு 14, 1955
21		மங்கையர் திலகம்			ஆகத்து 26, 1955
22		கோடீஸ்வரன்			நவம்பர் 13, 1955
23		கள்வனின் காதலி			நவம்பர் 13, 1955
24	1956	நான் பெற்ற செல்வம்	சேகர்		சனவரி 14, 1956
25		நல்ல வீடு			சனவரி 14, 1956
26		நானே ராஜா			சனவரி 25, 1956
27		தெனாலி ராமன்	ராமகிருஷ்ணா		பெப்ரவரி 3, 1956
28		பெண்ணின் பெருமை	ரகு		பெப்ரவரி 17, 1956
29		ராஜா ராணி			பெப்ரவரி 25, 1956
30		அமரதீபம்	அசோக்		செப்டம்பர் 29, 1956
31		மர்ம வீரன்			ஆகத்து 3, 1956
32		வாழ்விலே ஒரு நாள்			செப்டம்பர் 21, 1956
33		ரங்கூன் ராதா	தர்மலிங்க முதலியார்		நவம்பர் 1, 1956
34	1957	மக்களைப்பெற்ற மகராசி	செங்கோடன்		பெப்ரவரி 27, 1957
35		வணங்காமுடி	சித்ரசேனன்		ஏப்ரல் 12, 1957
36		புதையல்			மே 10, 1957
37		மணமகன் தேவை			மே 17, 1957
38		தங்கமலை ரகசியம்			சூன் 29, 1957
39		பாக்யவதி	சோமு		சூலை 10, 1957
40		ராணி லலிதாங்கி			செப்டம்பர் 21, 1957
41		அம்பிகாபதி	அம்பிகாபதி		அக்டோபர் 22, 1957
42	1958	பொம்மலா பெல்லி		தெலுங்கு
43		உத்தம புத்திரன்			பெப்ரவரி 7, 1958
44		பதிபக்தி			மார்ச்சு 14, 1958
45		சம்பூர்ண ராமாயணம்	பாரத்		ஏப்ரல் 14, 1958
46		பொம்மை கல்யாணம்			மே 3, 1958
47		எங்கள் குடும்பம் பெரிசு			சூலை 4, 1958
48		அன்னையின் ஆணை	சேகர் & கணேஷ்		சூலை 4, 1958
49		சாரங்கதாரா	சாரங்கதாரா		ஆகத்து 15, 1958
50		சபாஷ் மீனா			செப்டம்பர் 3, 1958
51		காத்தவராயன்			நவம்பர் 07, 1958
52	1959	தங்கப்பதுமை			சனவரி 10, 1959
53		நான் சொல்லும் ரகசியம்			மார்ச்சு 7, 1959
54		வீரபாண்டிய கட்டபொம்மன்			மே 10, 1959
55		மரகதம்			ஆகத்து 21, 1959
56		அவள் யார்			அக்டோபர் 30, 1959
57		பாகப்பிரிவினை			அக்டோபர் 31, 1959
58	1960	இரும்புத்திரை			சனவரி 14, 1960
59		ராஜபக்தி			பெப்ரவரி 20, 1960
60		குறவஞ்சி			ஏப்ரல் 4, 1960
61		தெய்வப்பிறவி			ஏப்ரல் 13, 1960
62		படிக்காத மேதை			சூன் 25, 1960
63		குழந்தைகள் கண்ட குடியரசு	சிறப்பு தோற்றம்	கன்னடம்	சூலை 29, 1960
64		பெற்ற மனம்			அக்டோபர் 19, 1960
65		பாவை விளக்கு			அக்டோபர் 19, 1960
66		விடிவெள்ளி			திசம்பர் 31, 1960
67	1961	பாவ மன்னிப்பு			மார்ச்சு 16, 1961
68		புனர் ஜென்மம்			ஏப்ரல் 21, 1961
69		பாசமலர்			மே 27, 1961
70		எல்லாம் உனக்காக			சூலை 1, 1961
71		ஸ்ரீ வள்ளி			சூலை 1, 1961
72		மருத நாட்டு வீரன்			ஆகத்து 24, 1961
73		பாலும் பழமும்			செப்டம்பர் 9, 1961
74		கப்பலோட்டிய தமிழன்	வ. உ. சிதம்பரம் பிள்ளை		நவம்பர் 7, 1961
75	1962	பார்த்தால் பசி தீரும்			சனவரி 14, 1962
76		நிச்சய தாம்பூலம்			பெப்ரவரி 9, 1962
77		வளர் பிறை			மார்ச்சு 30, 1962
78		படித்தால் மட்டும் போதுமா			ஏப்ரல் 14, 1962
79		பலே பாண்டியா			மே 26, 1962
80		வடிவுக்கு வளைகாப்பு			சூலை 7, 1962
81		செந்தாமரை			செப்டம்பர் 14, 1962
82		பந்த பாசம்			அக்டோபர் 27, 1962
83		ஆலயமணி			நவம்பர் 23, 1962
84	1963	சித்தூர் ராணி பத்மினி			பெப்ரவரி 9, 1963
85		அறிவாளி			மார்ச்சு 1, 1963
86		இருவர் உள்ளம்			மார்ச்சு 29, 1963
87		நான் வணங்கும் தெய்வம்			ஏப்ரல் 12, 1963
88		குலமகள் ராதை			சூன் 7, 1963
89		பார் மகளே பார்			ஆகத்து 12, 1963
90		குங்குமம்			ஆகத்து 12, 1963
91		இரத்தத் திலகம்			செப்டம்பர் 14, 1963
92		கல்யாணியின் கணவன்			செப்டம்பர் 20, 1963
93		அன்னை இல்லம்			நவம்பர் 15, 1963
94	1964	கர்ணன்			சனவரி 14, 1964
95		ராம தாசு			பெப்ரவரி 1, 1964
96		பச்சை விளக்கு			மார்ச்சு 4, 1964
97		ஸ்கூல் மாஸ்டர்			ஏப்ரல் 3, 1964
98		ஆண்டவன் கட்டளை			சூன் 16, 1964
99		கை கொடுத்த தெய்வம்			சூலை 18, 1964
100		புதிய பறவை			செப்டம்பர் 12, 1964
101		முரடன் முத்து			நவம்பர் 3, 1964
102		நவராத்திரி			நவம்பர் 3, 1964
103	1965	பழனி			சனவரி 14, 1965
104		அன்புக்கரங்கள்			பெப்ரவரி 19, 1965
105		சாந்தி			ஏப்ரல் 22, 1965
106		திருவிளையாடல்			சூலை 31, 1965
107		நீலவானம்			அக்டோபர் 12, 1965
108	1966	மோட்டார் சுந்தரம்பிள்ளை			சனவரி 26, 1966
109		தாயே உனக்காக			ஆகத்து 26, 1966
110		சரஸ்வதி சபதம்			செப்டம்பர் 3, 1966
111		மகாகவி காளிதாஸ்			அக்டோபர் , 1966
112		செல்வம்			நவம்பர் 11, 1966
113	1967	கந்தன் கருணை			சனவரி 14, 1967
114		நெஞ்சிருக்கும் வரை			பெப்ரவரி 3, 1967
115		பேசும் தெய்வம்			பெப்ரவரி 4, 1967
116		தங்கை			மே 19, 1967
117		பாலாடை			சூன் 16, 1967
118		திருவருட்செல்வர்			சூலை 28, 1967
119		இரு மலர்கள்			நவம்பர் 1, 1967
120		ஊட்டி வரை உறவு			நவம்பர் 1, 1967
121	1968	திருமால் பெருமை			சனவரி 14, 1968
122		லட்சுமி கல்யாணம்			மார்ச்சு 11, 1968
123		கலாட்டா கல்யாணம்			ஏப்ரல் 12, 1968
124		என் தம்பி			சூன் 7, 1968
125		தில்லானா மோகனாம்பாள்			சூலை 27, 1968
126		எங்க ஊர் ராஜா			அக்டோபர் 21, 1968
127		அரிச்சந்திரா			நவம்பர் 4, 1968
128		உயர்ந்த மனிதன்			நவம்பர் 29, 1968
129	1969	அன்பளிப்பு			சனவரி 1, 1969
130		குரு தட்சணை			பெப்ரவரி 6, 1969
131		தங்கச் சுரங்கம்			மார்ச்சு 28, 1969
132		காவல் தெய்வம்			மே 1, 1969
133		அஞ்சல் பெட்டி 520			சூன் 27, 1969
134		நிறைகுடம்			ஆகத்து 8, 1969
135		தெய்வமகன்			செப்டம்பர் 5, 1969
136		திருடன்			அக்டோபர் 10, 1969
137		சிவந்த மண்			நவம்பர் 9, 1969
138	1970	எங்க மாமா			சனவரி 14, 1970
139		விளையாட்டுப் பிள்ளை			பெப்ரவரி 20, 1970
140		பாதுகாப்பு			மார்ச்சு 11, 1970
141		வியட்நாம் வீடு			ஏப்ரல் 11, 1970
142		எங்கிருந்தோ வந்தாள்			மே 10, 1970
143		எதிரொலி		கே. பாலச்சந்தர்	சூன் 27, 1970
144		ராமன் எத்தனை ராமனடி			ஆகத்து 15, 1970
145		சொர்க்கம்			அக்டோபர் 29, 1970
146		தார்தி			திசம்பர் , 1970
147	1971	இரு துருவம்			சனவரி 14, 1971
148		தங்கைக்காக			பெப்ரவரி 6, 1971
149		அருணோதயம்			மார்ச்சு 5, 1971
150		குலமா குணமா			மார்ச்சு 26, 1971
151		பிராப்தம்			ஏப்ரல் 14, 1971
152		சுமதி என் சுந்தரி			ஏப்ரல் 14, 1971
153		சவாலே சமாளி			சூலை 3, 1971
154		தேனும் பாலும்			சூலை 22, 1971
155		மூன்று தெய்வங்கள்			ஆகத்து 14, 1971
156		பாபு			அக்டோபர் 18, 1971
157	1972	ராஜா			சனவரி 26, 1972
158		ஞான ஒளி			மார்ச்சு 11, 1972
159		பட்டிக்காடா பட்டணமா			மே 6, 1972
160		தவப்புதல்வன்			மே 19, 1972
161		தர்மம் எங்கே			சூலை 15, 1972
162		வசந்த மாளிகை			செப்டம்பர் 29, 1972
163		நீதி			திசம்பர் 7, 1972
164	1973	பங்காரு பாபு			மார்ச்சு 3, 1973
166		பாரத விலாஸ்			மார்ச்சு 24, 1973
167		ராஜ ராஜ சோழன்			மார்ச்சு 31, 1973
168		பொன்னூஞ்சல்			சூன் 15, 1973
169		பக்த துக்காராம்			சூன் 18, 1973
170		எங்கள் தங்க ராஜா			சூலை 14, 1973
171		கௌரவம்			அக்டோபர் 24, 1973
172		மனிதரில் மாணிக்கம்			திசம்பர் 7, 1973
173		ராஜபார்ட் ரங்கதுரை			திசம்பர் 22, 1973
174	1974	சிவகாமியின் செல்வன்			சனவரி 26, 1974
175		வாணி ராணி			ஏப்ரல் 12, 1974
176		தங்கப் பதக்கம்			சூன் 1, 1974
177		தாய்			சூலை 3, 1974
178		என் மகன்			ஆகத்து 21, 1974
179		அன்பைத்தேடி			நவம்பர் 13, 1974
180	1975	அவன்தான் மனிதன்			சனவரி 1, 1975
181		மனிதனும் தெய்வமாகலாம்			சனவரி 11, 1975
182		சினிமா பைத்தியம்			சனவரி 31, 1975
183		மன்னவன் வந்தானடி			பெப்ரவரி 8, 1975
184		அன்பே ஆருயிரே			செப்டம்பர் 27, 1975
185		வைர நெஞ்சம்			நவம்பர் 1, 1975
186		டாக்டர் சிவா			நவம்பர் 2, 1975
187		பாட்டும் பரதமும்			திசம்பர் 6, 1975
188	1976	கிரஹபிரவேசம்			ஏப்ரல் 10, 1976
189		சத்யம்			மே 6, 1976
190		உத்தமன்			சூன் 25, 1976
191		சித்ரா பௌர்ணமி			அக்டோபர் 22, 1976
192		ரோஜாவின் ராஜா			திசம்பர் 15, 1976
193		உனக்காக நான்			திசம்பர் 19, 1976
194	1977	அவன் ஒரு சரித்திரம்			சனவரி 14, 1977
195		தீபம்			சனவரி 26, 1977
196		இளைய தலைமுறை			மே 28, 1977
197		சாணக்ய சந்திரகுப்தா		தெலுங்கு	சூலை , 1977
198		நாம் பிறந்த மண்			அக்டோபர் 7, 1977
199		அண்ணன் ஒரு கோயில்			நவம்பர் 10, 1977
200		ஜீவன டீரலு		தெலுங்கு	திசம்பர் 8, 1977
202	1978	அந்தமான் காதலி			சனவரி 26, 1978
203		என்னைப்போல் ஒருவன்			பெப்ரவரி 18, 1978
204		தியாகம்			மார்ச்சு 4, 1978
205		வாழ்க்கை அலைகள்			ஏப்ரல் 14, 1978
206		புண்ணிய பூமி			மே 12, 1978
207		ஜெனரல் சக்ரவர்த்தி			சூன் 16, 1978
208		தச்ஹோலி அம்பு			செப்டம்பர் 1, 1978
209		பைலட் பிரேம்நாத்			அக்டோபர் 30, 1978
210		ஜஸ்டிஸ் கோபிநாத்			திசம்பர் 16, 1978
211	1979	திரிசூலம்			சனவரி 27, 1979
212		கவரிமான்			ஏப்ரல் 6, 1979
213		நல்லதொரு குடும்பம்			மே 3, 1979
214		இமயம்			சூன் 21, 1979
215		நான் வாழவைப்பேன்	ரவி வேடம்		ஆகத்து 10, 1979
216		பட்டாகத்தி பைரவன்			அக்டோபர் 19, 1979
217		வெற்றிக்கு ஒருவன்			திசம்பர் 8, 1979
218	1980	ரிஷிமூலம்			சனவரி 26, 1980
219		நட்சத்திரம்			ஏப்ரல் 12, 1980
220		தர்மராஜா			ஏப்ரல் 26, 1980
221		எமனுக்கு எமன்			மே 16, 1980
222		இரத்த பாசம்			ஆகத்து 14, 1980
223		விஷ்வரூபம்			நவம்பர் 6, 1980
224	1981	மோகனப் புன்னகை			சனவரி 14, 1981
225		சத்ய சுந்தரம்			பெப்ரவரி 21, 1981
226		அமரகாவியம்			ஏப்ரல் 24, 1981
227		கல்தூண்			மே 1, 1981
22		லாரி டிரைவர் ராஜாக்கண்ணு			சூலை 3, 1981
228		மாடி வீட்டு ஏழை			ஆகத்து 22, 1981
229		கீழ்வானம் சிவக்கும்			அக்டோபர் 26, 1981
230	1982	ஹிட்லர் உமாநாத்			சனவரி 26, 1982
231		ஊருக்கு ஒரு பிள்ளை			நவம்பர் 5, 1982
232		வா கண்ணா வா			பெப்ரவரி 6, 1982
233		கருடா சௌக்கியமா			பெப்ரவரி 27, 1982
234		சங்கிலி			ஏப்ரல் 14, 1982
235		வசந்தத்தில் ஒரு நாள்			மே 7, 1982
236		தீர்ப்பு			ஏப்ரல் 25, 1982
237		நிவுறு கப்பின நிப்பு		தெலுங்கு	சூன் 24, 1982
238		தியாகி			செப்டம்பர் 3, 1982
239		துணை			அக்டோபர் 1, 1982
240		பரீட்சைக்கு நேரமாச்சு			நவம்பர் 14, 1982
241		ஊரும் உறவும்			நவம்பர் 14, 1982
242		நெஞ்சங்கள்			திசம்பர் 10, 1982
243	1983	உருவங்கள் மாறலாம்			சனவரி 14, 1983
244		பெசவாட பெப்புலி		தெலுங்கு	சனவரி 14, 1983
245		நீதிபதி			சனவரி 26, 1983
246		இமைகள்			ஏப்ரல் 14, 1983
247		சந்திப்பு			சூன் 16, 1983
248		சுமங்கலி			ஆகத்து 12, 1983
249		மிருதங்க சக்கரவர்த்தி			செப்டம்பர் 24, 1983
250		வெள்ளை ரோஜா			நவம்பர் 4, 1983
251		சூரக்கோட்டை சிங்கக்குட்டி			திசம்பர் , 1983
252	1984	திருப்பம்			சனவரி 14, 1984
253		சிரஞ்சீவி			பெப்ரவரி 17, 1984
254		தராசு			மார்ச்சு 16, 1984
255		வாழ்க்கை			ஏப்ரல் 14, 1984
256		சரித்திர நாயகன்			மே 26, 1984
257		சிம்ம சொப்பணம்			சூன் 30, 1984
258		எழுதாத சட்டங்கள்			ஆகத்து 13, 1984
259		இருமேதைகள்			செப்டம்பர் 14, 1984
260		தாவணிக் கனவுகள்			செப்டம்பர் 14, 1984
261		வம்ச விளக்கு			அக்டோபர் 23, 1984
262	1985	பந்தம்			சனவரி 26, 1985
263		நாம் இருவர்			மார்ச்சு 8, 1985
264		படிக்காத பண்ணையார்			மார்ச்சு 23, 1985
265		நீதியின் நிழல்			ஏப்ரல் 13, 1985
266		நேர்மை			மே 3, 1985
267		முதல் மரியாதை			ஆகத்து 16, 1985
268		ராஜரிஷி			அக்டோபர் , 1985
269		படிக்காதவன்			நவம்பர் 11, 1985
270	1986	சாதனை			சனவரி 1, 1986
271		மருமகள்			சனவரி 26, 1986
272		ஆனந்தக்கண்ணீர்			மார்ச்சு 7, 1986
273		விடுதலை			ஏப்ரல் 11, 1986
274		தாய்க்கு ஒரு தாலாட்டு			சூலை 16, 1986
275		லட்சுமி வந்தாச்சு			நவம்பர் 1, 1986
276		மண்ணுக்குள் வைரம்			திசம்பர் 11, 1986
277	1987	குடும்பம் ஒரு கோயில்			சனவரி 26, 1987
278		முத்துக்கள் மூன்று			மார்ச்சு 6, 1987
279		வீரபான்டியன்			ஏப்ரல் 14, 1987
280		ராஜ மரியாதை			ஏப்ரல் 15, 1987
281		அன்புள்ள அப்பா			மே 16, 1987
282		தாம்பத்யம்			ஆகத்து 11, 1987
283		அக்னி புத்ருடு		தெலுங்கு	ஆகத்து 17, 1987
284		கிருஷ்ணன் வந்தான்			ஆகத்து 28, 1987
285		ஜல்லிக்கட்டு			ஆகத்து 28, 1987
286		விஸ்வநாத நயகுடு		தெலுங்கு	நவம்பர் , 1987
287	1988	புதிய வானம்			சூன் 16, 1988
288		என் தமிழ் என் மக்கள்			செப்டம்பர் 2, 1988
289	1991	ஞானப் பறவை			சனவரி 11, 1991
290	1992	நாங்கள்			மார்ச்சு 13, 1992
291		சின்னமருமகள்			மே 23, 1992
292		முதல் குரல்			ஆகத்து 14, 1992
293		தேவர் மகன்			அக்டோபர் 25, 1992
294	1993	பாரம்பரியம்			நவம்பர் 13, 1993
295	1995	பசும்பொன்			ஏப்ரல் 14, 1995
296	1996	ஷ்வர்ணச்சமரம்		மலயாளம்	சனவரி , 1996
297	1997	ஒன்ஸ்மோர்		தமிழ்	சூன் 4, 1997
298		ஒரு யாத்ராமொழி		மலயாளம்	செப்டம்பர் 13, 1997
299	1998	என் ஆசை ராசாவே			ஆகத்து 28, 1998
300	1999	மன்னவரு சின்னவரு			சனவரி 14, 1999
301		படையப்பா			ஏப்ரல் 10, 1999
302		பூப்பறிக்க வருகிறோம்			செப்டம்பர் 17, 1999

தெலுங்கு திரைப்படங்கள்[தொகு]

சானக்ய சந்திரகுப்தா (தெலுங்கு) (1977)

தால வன்சானி வீருடு (தெலுங்கு) (1957)

பக்த துகாரம் (தெலுங்கு) (1973) .... சிவாஜி

பங்காரு பாபு (தெலுங்கு) (1972)

பவித்ர பிரேமா (தெலுங்கு) (1962)

பில்லலு தெச்சின சாலனி ராஜ்ஜியம் (தெலுங்கு) (1960)

பெம்புடு கொடுக்கு (தெலுங்கு) (1953) .... மோகன் வேடம்

ராமதாசு (தெலுங்கு) (1964)

விஷ்வனாத நாயக்குடு (தெலுங்கு) (1987)

மலையாளத் திரைப்படங்கள்[தொகு]

ஒரு யாத்ர மொழி (மலையாளம்) (1997)

தச்சோளிஅம்பு