V.K.RAMASAMY , MASTER OF COMEDIAN DIED 2002 ,DECEMBER 24

V.K.RAMASAMY ,

MASTER OF COMEDIAN

DIED 2002 ,DECEMBER 24

நடிகர் வி. கே. ராமசாமி நினைவு தினம்
 டிசம்பர் 24, 2002.
வி. கே. ராமசாமி (பிறப்பு:1926 - இறப்பு: திசம்பர் 24, 2002) ஓர் பழம்பெரும் தமிழ்த் திரைப்பட நகைச்சுவை நடிகர் ஆவார். 1940களில் பாய்ஸ் கம்பெனி என்று அறியப்பட்ட நாடக உலகிலிருந்து திரையுலகு வந்தடைந்தவர்களில் இவரும் ஒருவர். 1947ஆம் ஆண்டு வெளிவந்த நாம் இருவர் என்ற திரைப்படத்தில் தமது 21ஆம் அகவையில் 60 அகவை கிழவனாராக நடித்து அனைவரின் கவனத்தையும் பெற்றார். விகேஆர் என பரவலாக அறியப்பட்டார். புகழடைந்தாலும் முதுமை வேடங்களில் மட்டுமே நடிக்க வாய்ப்பு கிடைத்தது. ஐம்பது ஆண்டு திரைவாழ்வில் 500க்கும் மேற்பட்ட திரைப்படங்களில் துணைப் பாத்திரங்களில் நடித்துள்ளார்.

1960களிலும் 1970களிலும் முன்னணியில் இருந்த டி. ஆர். மகாலிங்கம், எம்.ஜி.யார், சிவாஜி கணேசன், ஜெய்சங்கர், இரவிச்சந்திரன், முத்துராமன்,கமலஹாசன், இரஜனிகாந்த் ஆகியோருடன் நடித்துள்ளார். அவருடைய வாக்குநடை, அவரை நகைச்சுவை வேடத்திலோ எதிர்மறை வேடத்திலோ சிறப்பாக நடிக்க வழி செய்தது. நகைச்சுவை நடிகை மனோரமாவுடன் இணைந்து அவர் பணி புரிந்த திரைப்படங்கள் குறிப்பிடத்தக்கவை.

பின்னாட்களில் 15 திரைப்படங்களை தயாரித்துள்ளார். அவரது கடைசிப் படம் டும் டும் டும் ஆகும்.

குடும்பம்
அவருக்கு நான்கு மகன்களும் மூன்று மகள்களும் உள்ளனர்.

விருதுகள்
தமிழக அரசின் கலைமாமணி விருது, 1970

நடித்த திரைப்படங்கள்
ஆண்டு திரைப்படம் மொழி கதாப்பாத்திரம் குறிப்பு
2001 டும் டும் டும் தமிழ் கங்காவின் தாத்தா 
1997 அருணாச்சலம் தமிழ் கலியபெருமாள் 
1997 மின்சார கனவு தமிழ்  
1992 மன்னன் தமிழ் குஷ்புவின் தந்தை 
1991 கோபுர வாசலிலே தமிழ்  
1990 அதிசயப் பிறவி தமிழ் சித்ர குப்தா 
1990 அஞ்சலி தமிழ்  
1990 அரங்கேற்ற வேளை தமிழ் நம்பி அண்ணா 
1989 புதிய பாதை தமிழ்  
1989 ௭ன் புருஷன் தான் ௭னக்குமட்டுந்தான் தமிழ்  
1989 வருஷம் 16 தமிழ் சின்ன தாத்தா 
1988 தர்மத்தின் தலைவன் தமிழ்  
1988 உன்னால் முடியும் தம்பி தமிழ்  
1988 அக்னி நட்சத்திரம் தமிழ்  
1987 வேலைக்காரன் தமிழ் வளையபதி 
1987 ரெட்டை வால் குருவி தமிழ் மார்க்க பந்து 
1987 அய்தம் மலையாளம்  
1986 மௌன ராகம் தமிழ் சந்திரகுமாரின் பாஸ் 
1985 ஆண்பாவம் தமிழ் ராமசாமி அண்ணன் 
1985 பூவே பூச்சூடவா தமிழ் விஸ்வநாதன் 
1985 உயர்ந்த உள்ளம் தமிழ் நாகபிள்ளை 
1984 ௭னக்குள் ஒருவன் தமிழ் உலகநாத் 
1984 ஜப்பானில் கல்யாண ராமன் தமிழ் சாமிக்கண்ணு 
1982 ஆட்டோ ராஜா தமிழ்  
1981 டிக் டிக் டிக் தமிழ் சாரதாவின் தந்தை 
1979 அலாவுதீனும் அற்புத விளக்கும் தமிழ்  
1979 கல்யாணராமன் தமிழ் கல்யாணம் 
1978 ருத்ர தாண்டவம் தமிழ் கடவுள் சிவா 
1977 மீனவ நண்பன் தமிழ் நாகராஜ் 
1974 உரிமைக்குரல் தமிழ்  
1974 ஜீசஸ் மலையாளம்  
1972 பிள்ளையோ பிள்ளை தமிழ்  
1972 சங்கே முழங்கு தமிழ் வரகசாமி 
1972 வசந்த மாளிகை தமிழ்  
1972 ராமன் தேடிய சீதை தமிழ் சிவசங்கர் 
1972 திக்கு தெரியாத காட்டில் தமிழ் காவலர் 
1971 சபதம் தமிழ் ரங்கயா 
1971 குமரிக் கோட்டம் தமிழ் சோமு 
1970 மாட்டுக்கார வேலன் தமிழ்  
1968 டெல்லி மாப்பிள்ளை தமிழ் கடவுள் சிவா 
1968 குடியிருந்த கோயில் தமிழ் ஜெயாவின் தந்தை ராவ் பாகவதர் சிங்காரம் 
1967 ஊட்டி வரை உறவு தமிழ் சுந்தரத்தின் தந்தை 
1967 பட்டணத்தில் பூதம் தமிழ் தங்கவேல் 
1967 காவல்காரன் தமிழ் வைத்தியலிங்கம் 
1964 புதிய பறவை தமிழ் ராமதுரை 
1959 கூடி வாழ்ந்தால் கோடி நன்மை தமிழ்  
1959 வீரபாண்டிய கட்டபொம்மன் தமிழ் ௭ட்டயப்பன் 
1959 நல்ல இடத்து சம்பந்தம்   
1959 வாழவைத்த தெய்வம் தமிழ்  
1958 பெரிய கோவில் தமிழ்  
1958 தேடி வந்த செல்வம் தமிழ்  
1956 வாழ்விலே ஒரு நாள் தமிழ்  
1956 பாசவலை தமிழ்  
1955 நல்லவன் தமிழ்  
1952 மாப்பிள்ளை தமிழ்  
1952 பணம் தமிழ் ௭ன் ௭ஸ் கிருஷ்ணன் 
1952 பராசக்தி தமிழ் நாராயணன் பிள்ளை 
1952 சின்ன துரை தமிழ்  
1951 சர்வாதிகாரி தமிழ்  
1951 சிங்காரி தமிழ்  
1950 திகாம்பர சாமியார் தமிழ் வேலாயுத பிள்ளை 
1949 நல்லதம்பி தமிழ்  
1947 நாம் இருவர் தமிழ் 



லருக்கும் நகைச்சுவை நடிகராகவே அறிமுகம் ஆகியுள்ள வி.கே ராமசாமி அவர்கள் பலதரப்பட்ட வேடங்களை ஏற்று நடித்துள்ளார். அவற்றின் வெரைட்டி ரோல்கள் பற்றிய சிறு குறிப்பு:

பராசக்தி : 

நடிகர் திலகம் சிவாஜி கணேசன் ஹீரோவாய் அறிமுகமான இந்தப் படத்தின் சர்ப்ரைஸ் வில்லன் வி.கே ராமசாமி. என்றும் மறக்க முடியாத 'பராசகதி'யின் க்ளைமாக்ஸ் கோர்ட் சீனில் ' என் தங்கை கல்யாணியின் வாழ்க்கையில் குறுக்கிட்ட கயவன் ' என்று சிவாஜி மூச்சுவிடாமல் பேசும் வசனத்தில் வரும் கயவன் வேறு யாரும் இல்லை. வி. கே ஆர்தான். சிவாஜியின் முதல் படத்தில் முக்கியமான வில்லன் இவர் என்பது ஓர் அழகான ஆச்சரியம்.

மெளன ராகம் : 

சில இயக்குநர்களுக்கு சில நடிகர்களை மிகவும் பிடித்துவிடும். அந்த வகையில் இயக்குநர் மணிரத்னத்தின் விருப்ப நடிகர் லிஸ்ட்டில் வி.கே. ஆருக்கு எப்போதும் இடமுண்டு. தனது பல படங்களில் அவருக்கு தனி கதாபாத்திரம் தந்து சிறப்பித்தவர். 'மெளன ராகம்' படத்தில் மிகச்சிறு கேரக்டர்தான். இடைவேளைக்குப் பிறகு வரும் இறுக்கமான பகுதியை ரிலாக்ஸ் செய்வது வி. கே ஆருக்கும் இந்தி பேசும் மெக்கானிக் கடைக்காரருக்குமான காமெடி சீன்களே. 

வருசம் 16 :

இயக்குநர் ஃபாசிலின் ஃபேவரைட் வி.கே. ராமசாமி. இந்தப் படத்தின் நாயகன் கார்த்திக்கின் தாத்தா கதாபாத்திரத்தில் ப்ரமாதப்படுத்தினார் மனிதர். வேலைக்காரராக வரும் ஜனகராஜும் இவரும் சேர்ந்து அடிக்கும் லூட்டியில் தியேட்டர் கலகலத்தது உண்மை. வருசங்கள் கடந்தாலும் மறக்க முடியாத படமும் தாத்தாவும்.

ரெட்டை வால் குருவி : 

கிட்டத்தட்ட படத்தின் செகண்ட் ஹீரோ. பட ஆரம்பம் முதல் கடைசிக் காட்சி வரை வரும் கதாபாத்திரம். நாயகன் மோகனுக்கு அட்வைஸ் தந்து பல்ப் வாங்குவதாகட்டும், நல்லது செய்யப்போய் அது திரும்பி அவருக்கே வினையாக மாறப் பதறுவதாகட்டும் காமெடியிலும் குண்சித்திரத்திலும் வெளுத்திருந்தார் வி. கே. ராமசாமி. அவருக்கு பாட்டு மட்டும்தான் தரவில்லை பாலு மகேந்திரா. மார்க்கபந்து கேரக்டரும் சட்டென்று நம் நினைவில் வந்து மகிழச் செய்வதே.

ஆண்பாவம் :

வி கே ராமசாமி

இவரின் கேரியரில் முக்கியமான படம். நாயகர்கள் பாண்டியன், பாண்டியராஜனுக்கு அப்பாவாக வந்து படம் முழுவதிலும் ரகளை நடிப்பில் ரவுசு செய்திருப்பார். ராமசாமி டூரிங் டாக்கீஸின் முதலாளியாகவும், அவர் அம்மாவாக நடித்திருக்கும் கொல்லங்குடி கருப்பாயி உடனான அவரின் உரையாடல்களும் என்றும் நினைவில் நிற்பவை. மகனின் அண்ட்ராயரைப் போட்டுவிட்டு வந்து எனக்கும் ஜாலிம் லோஷன் எடுத்துவை என்று போவதெல்லாம் வி.கே. ஆரின் ட்ரேட்மார்க் சிரிப்பு. 

அக்னி நட்சத்திரம் :

வருசம் 16 பட வெற்றி ஜோடி மணிரத்னத்தின் இயக்கத்தில் சேர்ந்த படம். படத்துடன் சேராத தனி காமெடி என்றாலும் குத்தாட்டம் பார்க்கப்போய் போலீஸிடம் மாட்டுவதும், ஆபாசப்படம் பார்த்து வீட்டில் எல்லோரிடமும் சிக்குவதும், மனைவியிடம், டிஸ்கோ சாந்தியிடமும் ஒரே சமயம் சிக்கி சின்னாபின்னமாவதும் முதலாளி வி. கே . ராமசாமி அக்னி நட்சத்திரத்தில் கூல் செய்தார்.

அரங்கேற்ற வேளை :



மலையாள இயக்குநர் ஃபாசிலின் இயக்கத்தில் வெளிவந்த இப்படத்தில் மிக அற்புதமான கதாபாத்திரம் வி. கே ஆருக்கு. நம்பிராஜன் என்ற கதாபாத்திரத்தில் நொடித்துப்போன சக்தி நாடக சபா என்ற நாடகக் குழுவை வைத்துக்கொண்டு பிரபு, ரேவதியுடன் காமெடி செய்தாலும் சரிவர இயங்காமல் போன தன் நாடகக் குழுவின் வலியையும் அருமையாக வெளிப்படுத்தியிருப்பார். 

இப்படி நகைச்சுவை, குணசித்திரம், வில்லத்தனமான பாத்திரங்களிலும் தனது பெஸ்ட்டை வெளிப்படுத்தி மக்கள் மனதில் சிம்மாசனமிட்டு அமர்ந்திருக்கிறார் இறந்தாலும் வாழும் வி. கே ராமசாமி என்னும் கலைஞன்.


- கணேசகுமாரன்.