VIJAYAKUMARI ,LEGEND ACTRESS
IN TAMIL CINEMA
“நிறைவான வாழ்க்கைக்காக சந்தோஷப்படுகிறேன்!” - விஜயகுமாரி
காப்பியத் தலைவியாக இருந்த கண்ணகியை, தமிழ் மக்கள் பெருவாரியாக அறிய `பூம்புகார்' திரைப்படத்தில் கலைஞரின் வசனம் ஒரு காரணம் என்றால், அந்தக் கதாபாத்திரத்துக்கு உயிர்கொடுத்த விஜயகுமாரி மற்றொரு காரணம். தன் அழகுத் தமிழ் உச்சரிப்பால், தமிழ் சினிமா வரலாற்றில் தடம்பதித்தவர். சென்னையை அடுத்த பாலவாக்கத்தில், கடற்கரைக்கு அருகே உள்ள வீட்டில் வாழ்க்கையை இனிதே வாழ்ந்து கொண்டிருக்கிறார். வீட்டின் வரவேற்பறையில், ஆளுயர `கண்ணகி' புகைப்படத்துக்குக் கீழே சாந்தமாக அமர்ந்திருந்தவர், நம்மைக் கண்டதும் புன்னகையுடன் வரவேற்றார்.
சினிமாப் பயணம், எஸ்.எஸ்.ராஜேந்திரன் உடனான காதல், அந்தத் திருமண உறவில் விரிசல், உடன்பிறவா சகோதரர்கள் அண்ணாதுரை, எம்.ஜி.ஆர், சிவாஜிகணேசன் ஆகியோருடனான அன்பு மற்றும் இன்றைய வாழ்க்கை குறித்து மனம் திறக்கிறார்.
இளமைக்காலமும் சினிமா ஆர்வமும்!
``பிறந்து வளர்ந்தது கோவை, மேட்டுப்பாளையம். அப்பாவுக்கு மெக்கானிக் வொர்க்ஷாப் மற்றும் விவசாயம் பிரதான தொழில்கள். அப்போ சினிமா பார்க்க வீட்டுல நிறைய கட்டுப்பாடுகள் இருக்கும். எனக்குச் சினிமா பார்க்கிறதில் பெரிய ஆர்வம் இல்லை. ஆனா, நடிகர் சிவாஜி கணேசன்மேல ஒரு ரசிகையா அளவில்லா அன்பு வெச்சிருந்தேன். தினசரி பேப்பர்கள்ல வரும் அவரோட போட்டோக்களை கட் பண்ணி நோட்டுல ஒட்டிவெச்சு ரசிப்பேன். நாளடைவில் எனக்கும் சினிமாவில் நடிக்கும் ஆர்வம் உண்டாச்சு. ஐந்தாம் வகுப்பு படிக்கிறபோது, `இனி படிக்க விருப்பமில்லை... சினிமாவுல நடிக்கப் போறேன்'னு பெற்றோர்கிட்ட சொன்னேன். ஆனா, அவங்க சம்மதிக்கலை. பல நாள்கள் சாப்பிடாம அடம்பிடிச்சேன். எந்த விஷயத்துக்கும் குடும்ப ஜோதிடர்கிட்ட ஆலோசனை கேட்கிற எங்கம்மா, இந்த விஷயத்திலும் கேட்டாங்க. `நிச்சயம் உங்க பொண்ணு எதிர்காலத்தில் நடிகையாதான் வருவாங்க. அதை யாராலும் மாத்த முடியாது'னு சொல்லியிருக்கார். அப்புறம்தான் அவங்க என் ஆசைக்கு அரை மனதா சம்மதிச்சாங்க.
`குலதெய்வம்' ஹிட்..!
`சினிமாவில் நடிக்கப் புதுமுகம் தேவை'னு ஏவி.எம் நிறுவனத்துல இருந்து ஓர் அறிவிப்பு வெளியானதை ஒருநாள் செய்தித்தாள்ல பார்த்தேன். வீட்டுக்குத் தெரியாம, படிவத்தைப் பூர்த்தி செய்து அனுப்பினேன். சென்னை வரச்சொல்லி அழைப்பு வந்துச்சு. அந்த நேரம் எனக்கு 13 வயசு இருக்கும்னு நினைக்கிறேன். ஆடிஷன்ல என்னைப் பார்த்த ஏவி.மெய்யப்ப செட்டியார் ஐயா, `நடிப்பு அனுபவம் இருக்கா? டான்ஸ் தெரியுமா?'னு கேட்டதுக்கு, `தெரியாது'னு சொன்னேன். `அப்போ சினிமாவில் என்ன பண்ணப் போறே?'னு கேட்டார். `எனக்கு ஆசையா இருக்கு'னு சொன்னேன். பிறகு, ஒரு டயலாக் பேப்பர் கொடுத்து மனப்பாடம் பண்ணிப் பேசச் சொன்னாங்க. கொஞ்ச நேரத்துல, `ஓடினாள்... ஓடினாள்... வாழ்க்கையின் ஓரத்திற்கே ஓடினாள்'னு அந்த டயலாக்கைச் சரியான உச்சரிப்போடு பேசிக் காட்டினேன். அங்கிருந்த எல்லோரும் எழுந்திரிச்சு கைதட்டிப் பாராட்டினாங்க. உடனே என்னை செலக்ட் பண்ணின செட்டியார் ஐயா, அவங்க நிறுவனத்துல நான் நடிக்க மூணு வருடங்களுக்கு ஒப்பந்தம் போட்டார்.
என் பெற்றோர், அக்கா, தங்கை நால்வரும் எனக்காகச் சென்னைக்கே வர, தனி வீடு எடுத்துத் தங்கினோம். என் முதல் படம், `குலதெய்வம்.' `இந்தப் படத்தில், `பராசக்தி' படத்துல மாற்றுத்திறனாளியா நடிச்சவர்தான் உங்க பொண்ணுக்கு ஜோடி'னு ஏவி.எம் நிறுவன மேனேஜர் வாசுமேனன் சொன்னார். அவர் யார்னு எங்களுக்குப் பெரிய எதிர்பார்ப்பு எல்லாம் இல்லை. அவரை நேர்ல பார்த்தப்போ, `ஆளு நல்லா இருக்காரே'னு எங்கம்மா சொன்னாங்க. அவர்தான் என் கணவர், லட்சிய நடிகர், எஸ்.எஸ் ராஜேந்திரன். அந்தப் படம் ஹிட். தொடர்ந்து நிறைய பட வாய்ப்புகள் வந்துச்சு. அதனால, ஒரு வருஷத்துக்குள்ளேயே என்னோட ஒப்பந்தத்தை நீக்கின செட்டியார் ஐயா, எல்லா கம்பெனியிலயும் நடிக்க வாழ்த்து சொன்னார். என் இயற்பெயர், விஜயலட்சுமி. `இளமை நிலைக்கட்டும்' என்ற வாழ்த்தோடு, முதல் பட ஷூட்டிங்கில் என் பெயரை `விஜயகுமாரி’னு மாத்திட்டாங்க.
நட்சத்திரக் காதல்... விரிசல்!
`குலதெய்வம்' படத்தில் என்னோட முதல் காட்சியே, லட்சிய நடிகரும் நானும் முதலிரவில் பேசிக்கிறதுதான். அப்போ `ஆப்பிள் பழம் சாப்பிடு'னு அவர் பேசற டயலாக் வரும். அவர் டயலாக் பேசறதைக் கேட்டுச் சிரிப்பேன். அந்தக் காலகட்டத்தில், என் அம்மா உடல்நிலை சரியில்லாம இறந்துட்டாங்க. லட்சிய நடிகரும் அவருடைய குடும்பத்தாரும் எனக்கு ஆறுதல் சொல்ல வீட்டுக்கு வர, இரண்டு குடும்பத்துக்கும் நல்ல புரிந்துணர்வு ஏற்பட்டுச்சு. அவருக்கு என் மேல காதல் வந்திருக்கு. அதை, ஒருநாள் என்கிட்ட சொன்னார். முதலில் நான் ஒதுங்கியே இருந்தேன். `பையனுக்கு உன்மேல பிரியம் இருக்கு. அவனுக்கு இன்னொரு கல்யாணம் செய்யலாம்னு இருக்கோம். நீ மருமகளா வந்தா நல்லா இருக்கும்'னு அவர் அம்மா ஒருநாள் என்கிட்ட சொன்னாங்க. நானும் சம்மதிச்சேன். `குலதெய்வம்' படம் முடியும் தருணத்தில், வீட்டிலேயே எளிமையான முறையில எங்க கல்யாணம் நடந்துச்சு. `குலதெய்வம்' படத்தின் மூலம், என் வாழ்விலும் ஒரு குலதெய்வம் கிடைத்தார்.
அவர் என்மேல நிறைய அன்பு வெச்சிருந்தார். அவர் சாப்பிடாம, ஒருநாளும் நான் சாப்பிட மாட்டேன். தனியா ஒரு நாடகக் குழு நடத்திட்டு வந்த அவருக்கு, அதில் மனோரமாதான் பிரதான ஜோடி. `குமுதம்' படம் ரிலீஸான நேரம். என் கணவர்கூட நான் நாடகங்கள்லயும் ஜோடியா நடிக்கணும்னு எனக்கு ஆசை வந்துச்சு. அவர்கிட்ட சொன்னேன்; அவரும் ஏற்றுக்கொண்டார். `மணி மகுடம்' நாடகத்துல இருந்து பல நாடகங்கள்ல அவருக்கு ஜோடியா நடிச்சேன். அந்த அளவுக்கு அவர்மேல எனக்குக் காதல்.
தேர்தல் அரசியலில் ஈடுபட்டு, எம்.எல்.ஏ-வாக ஆன முதல் தமிழ் சினிமா நடிகர், லட்சிய நடிகர்தான். இந்தி எதிர்ப்புப் போராட்டத்தில் ஈடுபட்டதால, அறிஞர் அண்ணாதுரையும், என் கணவரும் சென்னை மத்திய சிறையில் அடைக்கப்பட்டாங்க. விடுதலையாகும் வரை, அவங்க ரெண்டு பேருக்கும் தினமும் நியூஸ் பேப்பர், மூக்குப்பொடி, மாத்திரை, மருந்துகளைக் கொண்டுபோய்க் கொடுப்பேன். வீட்டில் தரையில் படுத்து, சாப்பிடாம அழுதுகிட்டே இருப்பேன். அப்போ நான் நடிச்சுக்கிட்டிருந்த `போலீஸ்காரன் மகள்' ஷூட்டிங்குக்குப் போகாம இருந்தேன். அந்தப் படத்தின் இயக்குநர் ஸ்ரீதர், `உன் கணவர் தப்புப் பண்ணிட்டா ஜெயிலுக்குப் போனார், நல்ல விஷயத்துக்காகப் போராடித்தானே ஜெயிலுக்குப் போயிருக்கார்? அதனால், பெருமைப்படு'னு சொன்னார். என் கணவரும் நானும் ஜோடியாவே 60 படங்களுக்கும்மேல நடிச்சிருப்போம். அப்போ எங்க ஜோடிதான் ரொம்பப் பிரபலம். எங்க ஜோடிப் படங்களின் விளம்பரங்களில், `சேடப்பட்டி சிங்கக்குட்டி - கொங்குநாட்டுத் தங்கக்கட்டி', `லட்சிய நடிகர் - லட்சிய நடிகை'னு குறிப்பிடுவாங்க. அப்போ நட்சத்திரத் தம்பதியா எங்களைப் பத்தின செய்திகள் நிறைய வரும். வீட்டில் நாங்க தம்பதி. ஆனா, ஷூட்டிங் ஸ்பாட்ல கதாபாத்திரங்கள். அதனால, நடிக்கிற வேலையைச் சரியாசெய்துட்டு, வீட்டுக்கு வந்திடுவோம். வீட்டுல சினிமா, அரசியல், சமூகம்னு எல்லா விஷயங்களைப் பத்தியும் பேசுவோம். இருவரின் கருத்துக்கும் முக்கியத்துவம் இருக்கும்.
1968-ம் ஆண்டு எங்களுக்குள் மனஸ்தாபம் ஏற்பட்டது. இனியும் இணைந்து வாழ்வது சரியில்லைனு, என் மகன் ரவிக்குமாரை அழைச்சுக்கிட்டுத் தனியா வந்துட்டேன். எங்க பிரிவுக்கான காரணத்தை வெளிப்படையா சொல்ல விரும்பலை. அது விதியின் விளையாட்டு. அறிஞர் அண்ணாதுரை அண்ணன் மற்றும் என் மாமியார் இருவரும், `வாழ்க்கைக்காக நடிப்பைக் கைவிட்டுடாதே'னு சொன்னதுடன் எனக்கு நிறைய ஆலோசனைகள் கொடுத்தாங்க. அதன்படி, தனியாளா நடிச்சுக்கிட்டு, பையனை வளர்த்து ஆளாக்கினேன். சினிமாத் தொழிலும் பையனும்தான் எனக்கு எல்லாமுமாக ஆனது. ரொம்ப மனவேதனையுடன் வாழ்ந்த காலம் அது. அப்போது எனக்கு நான்தான் தைரியம். கவலைகளிலிருந்து மீண்டு வந்தேன். 2014-ம் ஆண்டு அக்டோபர்ல என் கணவர் காலமானார். அவரை விட்டுப் பிரிந்த 1968-ம் ஆண்டுல இருந்து அதுவரை அவரைப் பார்க்கலை; அவர்கிட்ட பேசலை. அவரின் மறைவுச் செய்தியைக் கேட்டு, அவர் உடலைப் பார்க்கப் போனேன். 46 ஆண்டுக்கால உணர்வுகளை, கண்ணீராக வடித்தேன். சடங்கு முறைகளை எல்லாம் சரியாகச் செய்தேன். என் மனசில் ஆழமாகப் பதிஞ்சிருக்கும் அவர் காதலும் நினைவுகளும் இப்போதும் எனக்குத் துணையா இருக்கு.
உயிர்பெற்ற `கண்ணகி!’
நிறைய ஹிட் படங்கள் கொடுத்துட்டிருந்த நிலையில், `பூம்புகார்' பட வாய்ப்பு வந்தது. அது என் பாக்கியம். முதலில் அந்தப் படத்தில் கோவலனாக சிவாஜியும், கண்ணகியாக பத்மினியும், மாதவியாக வைஜெயந்திமாலாவும் நடிப்பதாக இருந்தது. ஆனால், இறுதியாக நான் அந்தக் கதாபாத்திரத்துக்குத் தேர்வுசெய்யப்பட்டது எனக்குக் கிடைத்த ஆசீர்வாதம். கோவலனாக என் கணவர் நடிச்சார். நான் பேச வேண்டிய வசனங்கள் எழுதப்பட்ட பேப்பர் பண்டலை ஒருநாள் என் வீட்டுக்குக் கொண்டுவந்து கொடுத்தாங்க. `இவ்வளவு பக்கங்களா?'னு பயந்துட்டேன். `எதுக்கு பயம்? உன்னால சிறப்பா பேசி நடிக்க முடியும்'னு கணவர் ஊக்கம் கொடுத்தார். அப்போ தனியா டப்பிங் பேசுற தொழில்நுட்பம் கிடையாது. ஆன் தி ஸ்பாட்லயே உரக்கக் கத்திப் பேசணும். அப்படிப் பேசி, ஒருமுறை என் தொண்டையில் ரத்தமே வந்துடுச்சு. `இனி கண்ணகி என்றாலே எங்களுக்கு நீங்கதான் நினைவுக்கு வருவீங்க'னு மக்கள் பாராட்டியது அந்தப் படத்தினால் நான் அடைந்த பெரிய புகழ். இயல்பிலேயே தமிழ் உச்சரிப்பு எனக்கு நல்லா வரும். எனக்குக் கிடைத்த படங்கள்லயும், பக்கம் பக்கமா வசனம் பேசி நடிக்கும் வாய்ப்பு அமைந்தது சிறப்பு. `பூம்புகார்' படத்தில் சிலம்புடன் நான் கோபமாக நிற்கும் காட்சியை மையப்படுத்திதான், தற்போது மெரினாவில் இருக்கும் கண்ணகி சிலை வடிவமைக்கப்பட்டது என்பது கூடுதல் பெருமை.
உடன்பிறவா சகோதரர்கள்!
அறிஞர் அண்ணாதுரை, எம்.ஜி.ஆர், சிவாஜி கணேசன் - இவங்க மூவரும் என் உடன்பிறவா சகோதர்கள். உடன்பிறந்த சகோதரிக்கும் மேலான அன்பை என்னிடம் காட்டினாங்க. அண்ணாதுரை, எம்.ஜி.ஆர், சிவாஜி கணேசன், கலைஞர்னு நாலு குடும்பமும் சொந்த பந்தங்களா இருந்தோம். எங்க வீட்டுல அடிக்கடி கட்சிக் கூட்டங்கள் நடக்கும். நால்வரும் எங்க வீட்டுலதான் சாப்பிடுவாங்க; சிரிச்சுப் பேசிகிட்டு இருப்பாங்க. நால்வரில், யார் வீட்டுல விசேஷம் நடந்தாலும், மத்த எல்லோரும் முதல் ஆளுங்களா இருப்போம். அவங்க எல்லோருக்கும் என்மீதும், என் கணவர்மீதும் அதீத அன்பு இருந்துச்சு.
அறிஞர் அண்ணாதுரையின் 51-வது பிறந்த நாளில் 51 சவரன் தங்க நாணயங்களைப் பரிசாக, கணவரும் நானும் கொடுத்தோம். `மணி மகுடம்' பிரிவ்யூ காட்சி. `புரட்சிகரமான வேடங்களில் நடித்தால் மட்டும் போதாது; என்னுடன் மேடைகளில் பேச வேண்டும்' எனச் சொன்னார். அரங்கத்தில் எல்லோரும் கைதட்டினாங்க.
காஞ்சிபுரத்தில் அண்ணாதுரையின் வளர்ப்பு மகன்கள் கெளதமன் மற்றும் பரிமளத்தின் திருமணம் ஒரே மேடையில், பொங்கல் திருநாளின்போது நடந்துச்சு. அதில் கலந்துகிட்டு, நானும் கணவரும் சென்னை திரும்பினோம். எம்.ஜி.ஆர் அண்ணனும் - ஜானகி அக்காவும் தனிக் காரில் வந்தாங்க. எங்களை அவங்க வீட்டுக்கு விருந்துக்கு அழைத்தாங்க. சாப்பிட்டுவிட்டு, பேசிவிட்டு கிளம்பத் தயாரானோம். 'என் தங்கச்சி முதன்முதலா வீட்டுக்கு வந்திருக்கு. நான் சீர் செய்யணும்'னு சொல்லி, வெள்ளித்தட்டில் பத்தாயிரம் ரூபாய் பணம் வெச்சு சீர் வரிசைப் பொருள்களைக் கொடுத்தார், எம்.ஜி.ஆர் அண்ணன். `நாடோடி மன்னன்' உட்பட பல படங்கள்ல அவர்கூட ஜோடியா நடிக்கும் வாய்ப்பு எனக்கு வந்தது. ஆனா, `ஒரு பக்கம் நீ என் தங்கை, இன்னொரு பக்கம் நீ என் தம்பி மனைவி... உன்கூட ஜோடியா நடிக்க மாட்டேன்'னு உறுதியா சொல்லிட்டார். `காஞ்சித் தலைவன்' படத்தில் தங்கையா நடிச்சது உட்பட, அவருடன் ஐந்து படங்களில் நடிச்சேன். `பிள்ளையோ பிள்ளை' பட பிரிவ்யூ ஷோ. படம் பார்த்துட்டு, `எந்தக் கதாபாத்திரமாக இருந்தாலும், அழகிய தமிழ் உச்சரிப்புடன் சிறப்பாகப் பேசி நடிக்கும் ஒரே நடிகை என் தங்கை விஜயாதான்' எனச் சொன்னார். எம்.ஜி.ஆர் அண்ணனின் மறைவு சமயத்தில், `நீயும் உன் அண்ணனுக்கு எல்லாச் சடங்குகளையும் செய்'னு ஜானகி அக்கா சொல்ல, மனநிறைவோடு செய்தேன்.
சிவாஜி அண்ணன்கூட எட்டுப் படங்களில் நடித்தேன். `வசந்தி' படத் தொடக்க பூஜை நிகழ்வு. `நானும் ஒரு பெண்' பட ஷூட்டிங் ஸ்பாட்ல இருந்து, மேக்கப்கூடக் கலைக்காம நேரா அந்தப் பட பூஜையில கலந்துக்கப் போனேன். அந்தக் கறுப்பு மேக்கப்பைப் பார்த்த அங்கிருந்த பத்திரிகையாளர்கள், `நல்லா பீக்ல இருக்கீங்க, எதுக்குக் கறுப்பு சாயம் பூசி நடிச்சு ரிஸ்க் எடுக்கிறீங்க? பிறகு வாய்ப்புகள் குறைந்துடும்'னு சொன்னாங்க. எனக்கு பயமாகிடுச்சு. அப்போ பக்கத்துல இருந்த சிவாஜி அண்ணன்கிட்ட என் வருத்தத்தைச் சொன்னேன். `நான் மட்டும் பொண்ணா இருந்திருந்தா, ஏவி.எம்.செட்டியார் ஐயாகிட்ட, இந்த கேரக்டர்ல நான் நடிக்கிறேன்னு கேட்டுச் சண்டை போட்டு நடிச்சிருப்பேன். இப்படியான ரோல் கிடைக்கிறது கலைஞர்களுக்கு வரம்'னு சொன்னார். அப்புறம்தான் எனக்கு நம்பிக்கையே வந்தது. அண்ணனின் வாழ்த்துப்படியே, `நானும் ஒரு பெண்' படம் பெரிய ஹிட். எனக்கு `சிறந்த நடிகை'க்கான தேசிய விருதும் கிடைச்சது. சக கலைஞர்களுக்குள் எங்க தலைமுறையில் இருந்த இந்த அன்பு, அடுத்தடுத்த தலைமுறையிலும் தொடரணும்.
கலைஞர்மீதான அன்பு!
`குலதெய்வம்' பட வெற்றிவிழா மதுரையில் நடந்தது. அதில் கலந்துகொண்ட கலைஞர், படத்தில் நடித்த கலைஞர்களுக்கு வெள்ளிக் குத்துவிளக்கு பரிசளித்தார். அப்போதான் அவரை முதன்முதலில் பார்த்தேன். பிறகு அவர் வசனத்தில் ஆறு படங்களில் நடித்தேன். ஹீரோயினாக நடிச்சுக்கிட்டிருந்த நான், கலைஞர் - தயாளு அம்மாள் கேட்டுக்கிட்டதால, `பிள்ளையோ பிள்ளை' படத்தில் மு.க.முத்துவுக்கு அம்மாவா நடிச்சேன். கோவை செம்மொழி மாநாட்டில் கலந்துகொள்ள அழைப்பு வந்துச்சு. ஆனா, என்னால கலந்துக்க முடியலை. அதனால கலைஞர் வீட்டுக்குப்போய் வெள்ளியில் செய்த சிலம்பைப் பரிசாகக் கொடுத்தேன். அவருடைய மறைவு எனக்குப் பெரிய அதிர்ச்சி. ரொம்ப வேதனைப்பட்டேன்.
நானாக இருக்கவே விரும்புகிறேன்!
நான் ஒருசில படங்கள்ல பாவாடை, தாவணி போட்டு நடிச்சேன். பிறகு முழுக்கவே புடவைதான். மாடர்ன் உடைகள் பயன்படுத்தினதேயில்லை. 1950-1975 வரை முன்னணி ஹீரோக்கள் எல்லோருடனும் ஜோடியா நடிச்சேன். 150 படங்களுக்குமேல நடிச்சிருப்பேன். 1980-களில் ரஜினி, பிரபுனு பல ஹீரோக்களுக்கும் அம்மாவா நடிச்சேன். 1960-களில் எங்க வீட்டில் 15-க்கும் மேற்பட்ட நாய்களை வளர்த்தோம். அப்போ தேனாம்பேட்டையில் எங்க வீடு. விடியற்காலை எழுந்து, மெரினா பீச்சுக்கு வாக்கிங் போவேன். அப்போதும் சரி... இப்போதும் சரி... வீட்டு வேலைகளை நானே செய்வது வழக்கம். நடிகைங்கிற பிம்பம் என் நிஜ வாழ்க்கையில் வந்ததில்லை. பகட்டான தோரணையுடன் இருந்ததில்லை. என் இயல்பான குணங்களுடன், நான் நானாக இருக்கவே விரும்புகிறேன்.
கடைசியாக, `காதல் சடுகுடு' படத்தில் நடிச்சேன். பிறகு சினிமாவை விட்டு விலகி, தனிமை வாழ்க்கையில் அடைக்கலம் ஆகிட்டேன். பெரும்பாலும் வெளி நிகழ்ச்சிகளுக்கும் போவதில்லை. என் பிள்ளை ரவிக்குமார் குடும்பத்தினர் மற்றும் சொந்தக்காரங்க அடிக்கடி என்னை வந்து பார்ப்பாங்க. மத்தபடி, டி.வி பார்க்கிறதுதான் என் பிரதான பொழுதுபோக்கு. இந்த அமைதியான வாழ்க்கை எனக்கு ரொம்பப் பிடிச்சிருக்கு. `கற்றுக்கொள் கற்றுக்கொடு! ஏமாறாதே ஏமாற்றாதே! வாழு வாழவிடு!' - என் வாழ்வில் அனுபவ ரீதியா கடைப்பிடிச்ச, எல்லோருக்கும் ஆட்டோகிராபில் நான் எழுதிக்கொடுக்கும் வாசகம் இது. இந்த வாக்கியத்திலேயே என் வாழ்க்கைப் பயணமும் அடங்கியிருக்கு. நிறைவான வாழ்க்கை வாழ்ந்ததாக சந்தோஷப்படுகிறேன்!''
- கு.ஆனந்தராஜ் படங்கள்: க.பாலாஜி படங்கள் உதவி: ஞானம்
எம்.ஜி.ஆரும் நானும் வாங்கின ஓட்டுகள்!
1960-களில், ஒவ்வோர் ஆண்டும் வெளியான தமிழ்ப் படங்களில் தங்களுக்குப் பிடிச்ச படம், நடிகர், நடிகைகளை மலேசியா, சிங்கப்பூர் ரசிகர்கள் தேர்வு செய்வாங்க. அது அப்போ பெரிய கெளரவமா இருக்கும்.
1968-ம் ஆண்டுக்கான போட்டியில, 34,938 வாக்குகள் பெற்று எம்.ஜி.ஆர் அண்ணன் சிறந்த நடிகராகவும் 23,493 வாக்குகள் பெற்று நான் சிறந்த நடிகையாகவும் தேர்வு செய்யப்பட்டோம். அந்த வெற்றித் தகவலை அறிந்த எம்.ஜி.ஆர் அண்ணன் உடனே போன் செய்து, எனக்கு வாழ்த்து சொன்னார். ரொம்ப சந்தோஷமான தருணம் அது!
வைரமுத்துவுக்கு நன்றி!
என் சுயசரிதையை, 2008-ம் ஆண்டு, ஒரு முன்னணி தினசரி பத்திரிகையில் தொடராக எழுதியிருந்தேன். அதைப் படிச்சுட்டு, கவிஞர் வைரமுத்து எனக்கு போன் செய்தார். `நீங்கள் குறிப்பிட்டிருந்த, `சென்ற ஜென்மம், அடுத்த ஜென்மத்தில் நம்பிக்கையில்லை. வாழ்ந்துகொண்டிருக்கும் இந்த ஜென்மத்தை மட்டுமே நம்புகிறேன்' என்ற வரிகள் நெகிழ்ச்சியாக இருந்தன; எனக்கு மிகப் பிடித்திருந்தது'னு சொன்னதுடன், ஒரு கடிதமும் அனுப்பினார். அந்தத் தருணத்தில் அவரின் பாராட்டு எனக்குப் பெரிய ஆறுதலா இருந்துச்சு. இந்தப் பேட்டியின் வாயிலாக அவருக்கு நன்றி சொல்லக் கடமைப்பட்டிருக்கேன்.
9
2013
Vijayakumari
விஜயகுமாரி ஓர் 1950-களில் நடிக்கத் துவங்கிய தமிழ்த் திரைப்பட நடிகை.பிறமொழி நடிகைகள் தமிழ்த் திரையுலகில் வலம் வந்தபோது தமிழைத் தாய்மொழியாகக் கொண்ட விஜயகுமாரி பல இயக்குனர்களின் முதல் படத்தில் நடித்தவர்.இவரது முதல் படம் அம்மையப்பன். ஸ்ரீதரின் ” கல்யாண பரிசு “, கே.எஸ்.கோபாலகிருஷ்ணனின் முதல் படம் சாரதா, ஆரூர்தாஸ் இயக்கிய “பெண் என்றால் பெண் ” மற்றும் மல்லியம் ராஜகோபாலின் “ஜீவனாம்சம்”. இதேபோல அவர் நடித்த திரைப்படங்கள் அவரேற்ற வேடத்தின் பெயர் கொண்டு வெளிவந்ததும் ஓர் சிறப்பாகும்.காட்டாக, சாரதா, சாந்தி, ஆனந்தி, பவானி ஆகும்.ஸ்ரீதரின் இயக்கத்தில் அவர் நடித்த போலீஸ்காரன் மகள் படத்திலும் ஏ. சி. திரிலோகச்சந்தர் இயக்கிய நானும் ஒரு பெண் படத்திலும் அவரது நடிப்பு மறக்க இயலாதது.
பூம்புகார் திரைப்படத்தில் கண்ணகியாக நடித்ததும் பின்னர் கண்ணகி சிலை வடிக்க துணை புரிந்ததும் குறித்து அவருக்கு மிக்க பெருமிதம்.
திரைப்பட நடிகர் எஸ். எஸ். இராஜேந்திரனை திருமணம் புரிந்து கொண்டார். இருப்பினும் மணவாழ்வில் ஏற்பட்ட பிணக்கின் விளைவாக இருவரும் பிரிந்து வாழ்கின்றனர். இவருக்கு இரவி என்றொரு மகன் உள்ளார்.
பழமையை விரும்பும் அபிமானி திரு.ஆர்.பி.ராஜநாயஹம் என்பவர் அவரது http://rprajanayahem.blogspot.in வலைத்தளத்தில் விஜயகுமாரியைக் குறித்து சில தகவல்களைக் குறிப்பிட்டுள்ளார். அதனைத் தெரிந்து கொள்ளுங்கள். திரு.ஆர்.பி.ராஜநாயஹம் அவர்களுக்கு எனது நன்றி.
நடிகை விஜயகுமாரி பேட்டி சமீபத்தில் கலைஞர் டி வி யில் பார்க்க நேர்ந்தது . இளமை இவரிடம் எப்படி இன்னும் ஒட்டிக்கொண்டிருக்கிறது.
அவர் காலத்து சரோஜா தேவியை விட இப்போது ரொம்ப அழகாக தெரிகிறார்.
கே ஆர் விஜயா தொப்பையும் ,தோற்பையுமாக கழன்று போய்விட்டார்.
பின்னால் வந்த ஜூனியர் நடிகை ‘கலர்’ காஞ்சனா இப்போது முழுக்கிழவி. ராஜஸ்ரீ யும் உருக்குலைந்து போன நிலை.
இவ்வளவு ஏன் இவர் கதாநாயகியாய் நடித்த ஜீவனாம்சம் படத்தில் அறிமுகமான லக்ஷிமியை இப்போது கமலின் ‘ உன்னைப்போல் ஒருவன் ‘ படத்தில் காண சகிக்கவில்லை.
இன்று கடந்த சிலவருடங்களுக்கு முன் வந்த நடிகைகளே எத்தனை பேர்
குண்டி, கை,நெஞ்சி,மூஞ்சி சுருங்கி வத்திப்போய் அல்லது ஊதிப்பெருத்து யாளி போல விகாரமாக தோற்றமளிக்கிறார்கள்.
ஆனால் விஜய குமாரி அப்படியே இளமையுடன் இருக்கிறார்!’எங்க வீட்டுக்காரர் ‘ என்று எஸ்.எஸ். ஆர் பற்றி இன்னமும் குறிப்பிடுவது சோகம் தான். அவர் எப்போதோ முப்பத்தைந்து வருடங்களுக்கு முன் இவரை விட்டு விட்டு தாமரை செல்வி என்ற பெண்ணை மணந்து பிள்ளை குட்டி என்று ஒதுங்கி விட்டார். அல்லது விஜயகுமாரி ஒதுங்கிகொண்டதால் மூன்றாவது திருமணம் செய்து செட்டில் ஆகி விட்டார் என்று கூட சொல்லலாம்.
இலட்சிய நடிகருடன் வாழ்வு கசந்து பிணக்கு ஏற்பட்டதை, பின்னால் பிரிவு தவிர்க்கமுடியாதது என்பதை அவருடைய தலைவர் சி.என். அண்ணாத்துரையிடம் நேரில் தான் விளக்கியதைப்பற்றி அந்த காலத்தில் ஒரு பேட்டியில் நடிகை விஜய குமாரி கூறியிருந்தார்.
விஜயகுமாரி மகன் ரவி நடிகர் விஜயகுமார் மூத்த மகளை (மஞ்சுளா மகள் அல்ல)திருமணம் செய்து விவாகரத்து செய்து விட்டார்.நிம்மதி இல்லை என்று நடிகைகள் எப்போதும் சொல்வதை டி வி பேட்டியில் விஜயகுமாரி அடிக்கடி சொன்னார் .’தலையில் குத்து ,முதுகில் குத்து , நெஞ்சில் ஏகப்பட்ட குத்து ‘என்று அதை அப்படி தன் கையால் குத்தி செய்து காட்டினார்.
பிரச்னைகள் !The intray is never finished. யாருக்குமே தான் உயிர் உள்ளவரை!சினிமாவில் செயற்கைத்தனம், நாடகத்தனம் விஜயகுமாரியிடம் உண்டு. இயல்பாக துருதுருப்பு,படபடப்பு அதிகம் உள்ளவர் என்பதால் கொஞ்சம் மிகை நடிப்பு. பத்மினி கூட கொஞ்சம் மிகையாகத்தான் நடிப்பார்.
பூம்புகார் படம் பற்றியும் கண்ணகி சிலைக்கு மாடல் தான் தான் என்பதிலும் விஜயகுமாரிக்கு மிகுந்த பெருமிதம்.இவர் பல இயக்குனர்களின் முதல் படத்தில் நடித்தவர்.
ஸ்ரீதர் ” கல்யாண பரிசு “.
கே .எஸ் . கோபாலகிருஷ்ணன் முதல் படம் ” சாரதா ” விஜயகுமாரி படங்களில் மாஸ்டர் பீஸ்!
பி . மாதவன் முதல் படம் ” மணியோசை ” யில் விஜயகுமாரி தான் கதாநாயகி .
ஆரூர் தாஸ் இயக்கிய முதல் படம் “பெண் என்றால் பெண் ” படத்திலும் நடித்துள்ளார்.
அன்று பேட்டி கொடுக்கும்போது அவர் நினைவில் வர மறுத்த படம் “ஜீவனாம்சம் “. மல்லியம் ராஜகோபால் இயக்கிய முதல் படம் . அதிலும் இவர் கதாநாயகி.
இன்னொன்று இவர் நடித்த கதாப்பாத்திரங்கள் பெயர் அப்போது படங்களின் பெயராக வைக்கப்பட்டிருக்கிறது.சாரதா,
சாந்தி,
ஆனந்தி,
பவானி
போன்ற படங்கள்.
கற்பகமும் இவருக்கு வந்தது தான். ஆனால் எஸ் எஸ் ஆர் தனக்கு கதாநாயகனாக நடிக்க வாய்ப்பு கிடைத்தால் மட்டுமே கற்பகமாக விஜயகுமாரி நடிக்க அனுமதி தரமுடியும் என்று பிடிவாதம் பிடித்ததால் கே.ஆர். விஜயா என்ற நடிகை கற்பகமாக தமிழ் திரையில் அறிமுகமானார் !
கே எஸ் ஜி ” இந்த விஜயா இல்லாவிட்டால் இன்னொரு விஜயா ” என்று சவால் விட்டு கே ஆர் விஜயாவை நடிக்க வைத்தார்.எம்.ஜி.ஆருக்கு காஞ்சித்தலைவன் படத்தில் தங்கையாக நடித்திருக்கிறார்.
விஜயகுமாரியுடன் ஜோடியாக நடிக்க வாய்ப்பு வந்த போது எம்.ஜி.ஆர் மறுத்தார். அவர் சொன்ன காரணம் “ விஜயகுமாரி என் தம்பியின் மனைவி. அதனால் ஜோடியாக நான் நடிக்கக்கூடாது.”இலட்சிய நடிகை என்ற பட்டத்தை தக்கவைத்துக்கொள்ள விஜயகுமாரி கொடுத்த விலை இப்படி மிக அதிகம்.சாவித்திரி, சரோஜாதேவி, பத்மினிபோன்றவர்கள் பிறமொழியில் இருந்து தமிழுக்கு வந்து அளப்பரிய சாதனை புரிந்தார்கள். அவர்களிடையே தமிழை தாய் மொழியாக கொண்ட நடிகை விஜயகுமாரி ஓரளவு சாதனை புரிந்தவர்.மனோரமா எப்போதும் தமிழக முன்னாள் இந்நாள் முதல்வர்களுடனான தன்னுடையrapport பற்றி பெரிதாக சொல்லிக்கொள்வார்.
ஆனால் விஜயகுமாரி தான் இப்படி பெருமைப்பட்டுக்கொள்ளும் முதல் தகுதி கொண்டவர்! வி. என்.ஜானகி யின் கிச்சன் கேபினட் உறுப்பினர்களில் ஒருவராக இருந்தவர். எஸ்.எஸ்.ஆர் அவர்களின் அப்போதைய அரசியல்,சினிமா அந்தஸ்து காரணமாக அண்ணாத்துரை, கருணாநிதி, ஜெயலலிதா அனைவரும் இவர் வாழ்வில் முக்கியமானவர்கள்.
பல வருடங்களுக்கு முன் மணியனின் ‘இதயம் பேசுகிறது ‘ வாரப் பத்திரிகையில் இவர் தன் வாழ்க்கை தொடரை பரபரப்பாக எழுதினார் . அப்போது அவர் நெஞ்சில்,தலையில்,முதுகில் விழுந்த குத்துகள் பற்றி நிறைய குறிப்பிட்டார். பகீரங்கமாக.
அவற்றில் ஒன்று : எஸ் . எஸ் .ஆர் எடுத்த மணிமகுடம் திரைப்படம் பற்றியது . வெளிப்புற படப்பிடிப்புக்கு கொடைக்கானல் சென்ற
எஸ். எஸ்.ஆர். இவரை அந்தப்படத்தில் நடித்த போதும் சென்னையில் ஒதுக்கி விட்டு விட்டு அந்த படத்தில் நடித்த ஜெயலலிதாவுடன் சென்றார் என்கிற விஷயம்.
Profiles of Cine Artist
Vijayakumari was the only Tamil artiste who had the rare talent of transforming herself into the character she did and pronouncing Tamil words perfectly with cent percent accuracy. Vijayakumari’s film career was a saga of successes thanks to her unparalleled acting and dialogue delivery.
She danced to the song ‘Vaasamulla pooparippaene ..’ of the film Vedaala Ulagam at her school’s annul day and won a prize for her performance. Her teacher and co-students sowed the seed of ambition for film acting in her mind after this incident and Vijayakumari got the permission of her parents to enter cinema, winning over their strong opposition.
When AVM Studios advertised for new faces, Vijayakumari applied with her photograph. She was selected and was given training in dancing and acting. She was enrolled on a monthly salary. She was introduced in AVM’s ‘Kula deivam’, opposite to S. S. Rajendran, who was the hero of the film. But before the movie released, VIjayakumari’s mother died and Vijayakumari was totally shattered.
It was SSR, who comforted her at that sorrowful moment and subsequently he gave her a place in his heart as well as his life by marrying her. Her debut movie got her recognition and a plethora of offers followed. ‘Vanjikkottai vaalibhan’, ‘Raajtilak’, ‘Kalyanaparisu’, ‘Petra maganai vitra annai’ were some of her unforgettable films of the period that followed. Side by side, Vijayakumari and SSR paired together and acted in stage plays also including ‘Mani makudam’, ‘Thenpaandiveeran’, ‘Pudhu vellam’, ‘Mudhalaali’ and ‘Muthu mandapam’.
A son was born to the couple. The child was named Ravikumar. After the birth of the child, SSR took Vijayakumari to his house at Teynampet where he was living with his first wife Pankajam. There were three houses inside the compound – Pankajam and her children lived in one house, SSR’s sister and her husband T. V. Narayanaswamy lived in the second house and Vijayakumari was provided the third house.
Vijayakumari’s career was a promised success story that included run-away hits like ‘Kumudam’, ‘Saradha’, ‘Kumgumam’, ‘Santhi’, ‘Aanandhi’, ‘Avan Pithan’, ‘Alli’, ‘Thedi vantha thirumagal’, ‘Pachai vilakku’, ‘Naanum oru penn’, ‘Paar magale paar’, ‘Kaakkum karangal’, ‘Poleeskaaran magal’, ‘Kodimalar’, ‘Aalayamani’ etc. She worked in films continuously without rest.
Vijayakumari participated in the 13th ‘Naadaka vizhaa’ organized by the Seshasayee Paper Mills at its colony on 27th August 1985. Best plays and best artistes were given awards. Vijayakumari had acted with the fourth generation heroes Rajini, Prabhu, Karthik, Rajkiran and Murali too. Her last film is ‘Kaadhal sadugudu’. Vijayakumari is by herself a school for acting. She should teach and train the present fifth generation artistes and make them understand the sanctity of the profession in the field of art. This is my humble and loving request to this great artiste.
Family Background
She was born to Ramasamy Gownder – Thangalakshmi Ammal as their second child. She belongs to Mettupalayam of Coimbatore District.
நூறு படங்களுக்கு மேல் நடித்தவர் விஜயகுமாரி. பள்ளியில் படிக்கும்போது, சினிமா என்றாலே அவருக்கு எட்டிக்காய் கசப்பு! அப்படிப்பட்டவர் சினிமாவில் நடித்து பெரும் புகழ் பெற்றார்.
விஜயகுமாரியின் சொந்த ஊர் கோவை மாவட்டம் மேட்டுப்பாளையம். தந்தை ராமசாமி கவுண்டர். தாயார் தங்கலட்சுமி அம்மாள்.
விஜயகுமாரிக்கு ஒரு அக்காள், ஒரு தங்கை.
விஜயகுமாரி மிகவும் அமைதியானவர். யாரிடமும் அதிகம் பேசமாட்டார். பள்ளிக்கூடத்தில் நடைபெறும் விளையாட்டுப்போட்டி, பாட்டுப்போட்டி, நடனப்போட்டி எதிலும் கலந்து கொள்வதில்லை. தான் உண்டு தன் படிப்பு உண்டு என்று இருப்பார்.
ஒரு சமயம், விஜயகுமாரியை பள்ளி ஆசிரியை அழைத்து, "இந்த வருடம் பள்ளி ஆண்டு விழாவில் நீ கட்டாயம் நடனம் ஆடவேண்டும். தட்டிக் கழிக்க எந்தக் காரணமும் சொல்லக்கூடாது'' என்று கண்டிப்புடன் கூறிவிட்டார்.
ஆட மறுத்தால், ஆசிரியை தன்னை நிச்சயம் பெயிலாக்கி விடுவார் என்று விஜயகுமாரி பயந்தார். என்றாலும், எந்த நடனத்தை எப்படி ஆடுவது என்று புரியவில்லை. இதுபற்றி ஆசிரியையிடம் கூற, "வேதாள உலகம்'' படத்தில் பத்மினி ஆடிய "வாசமுள்ள பூப்பறிப்பேனே'' என்ற நடனத்தை ஆட பயிற்சி அளித்தார்கள்.
பள்ளி ஆண்டு விழாவில் பயந்து கொண்டேதான் ஆடினார், விஜயகுமாரி. ஆனால் நடனம் சிறப்பாக இருந்ததாகக் கூறி, பரிசும் வழங்கினார்கள்!
ஒரு வாரம் கழிந்தது. விஜயகுமாரியை ஆசிரியை அழைத்தார். "நீ அழகாக இருக்கிறாய். ஆகவே சினிமாவில் நடிக்க முயற்சி செய். சிறந்த நடிகையாக வருவாய்'' என்றார்.
அவர் மீது விஜயகுமாரிக்கு ரொம்பகோபம். காரணம், அவருக்கு சினிமா என்றாலே பிடிக்காது! அம்மா சினிமாவுக்கு அழைத்துப் போனால், அழுதுகொண்டே போவார். படம் பார்க்கும்போது, தூங்கி விடுவார்!
ஆனால் ஆசிரியை விட்டபாடில்லை. `சினிமாவில் நடி. வாழ்க்கையில் முன்னேறலாம்' என்று உபதேசித்தபடி இருந்தார்.
இதனால் மெல்ல மெல்ல, விஜயகுமாரி மனதில் சினிமா ஆசை துளிர்விட ஆரம்பித்தது.
ஒரு நாள் தன் மனதைத் திடப்படுத்திக் கொண்டு, "அப்பா! நான் சினிமாவில் நடிக்க வேண்டும்!'' என்று தந்தையிடம் கூறினார். அவ்வளவுதான். அப்பா `பளார்' என்று விட்ட அறையில், விஜயகுமாரியின் கன்னம் வீங்கிவிட்டது!
"உன்னை பள்ளியில் ஆடவிட்டதே தவறு. சினிமா கேட்கிறதா, சினிமா! இனிமேல் நீ பள்ளிக்குப் போகவேண்டாம்!'' என்று கோபத்துடன்
கூறினார்.அன்று விஜயகுமாரி சாப்பிடவில்லை. அழுதுகொண்டே இருந்தார். காய்ச்சல் வேறு வந்துவிட்டது.
அதை பார்த்துவிட்டு அவர் அம்மாவும் அழ ஆரம்பித்துவிட்டார்.
அந்தக் காலத்தில் சில குடும்பங்களில் யாருக்காவது உடல் நலம் இல்லை என்றால், டாக்டரைக் கூப்பிடுவதற்குப் பதில் ஜோதிடரைக் கூப்பிடுவார்கள்!
விஜயகுமாரியின் அப்பா ஒரு ஜோதிடரை அழைத்தார். விஜயகுமாரியின் ஜாதகத்தை அவரிடம் கொடுத்து, "சினிமாவில் நடிக்க வேண்டும் என்று அடம் பிடிக்கிறாள்'' என்ன செய்யலாம் என்று ஜாதகத்தைப் பார்த்து சொல்லுங்கள்'' என்றார்.
ஜாதகத்தை ஆராய்ந்த ஜோசியர், "உங்கள் மகள் நிச்சயமாக சினிமாவில் நடிப்பாள். பேரும் புகழும் பெறுவாள்'' என்று அடித்துச்
சொன்னார்.
அந்த சமயத்தில் பத்திரிகைகளில் ஏவி.எம். நிறுவனத்தின் விளம்பரம் ஒன்று பிரசுரமாகியிருந்தது. "புது முகங்கள் தேவை. போட்டோவுடன் விண்ணப்பிக்கவும்'' என்று குறிப்பிடப்பட்டிருந்த அந்த விளம்பரத்தை, பெற்றோரிடம் காண்பித்தார், விஜயகுமாரி.
அப்பா, அம்மா இருவரும் கலந்து பேசி, மகள் விருப்பத்துக்கு தடை போடவேண்டாம் என்று முடிவு செய்தார்கள். விஜயகுமாரியை போட்டோ ஸ்டூடியோவுக்கு அழைத்துச் சென்று சில படங்கள் எடுத்து, ஏவி.எம். நிறுவனத்துக்கு தபாலில் அனுப்பி வைத்தார்கள்.
இதன் பிறகு நடந்தது பற்றி விஜயகுமாரி கூறுகிறார்:-
"நான் தீவிர அம்மன் பக்தை. எங்கள் ஊர் மேட்டுப்பாளையத்தில் இருக்கும் வனபத்திரகாளி அம்மனையும், எங்கள் குல தெய்வம் முருகனையும் தினம் தினம் வேண்டிக் கொண்டிருந்தேன், ஏவி.எம். ஸ்டூடியோவில் இருந்து கடிதம் வரவேண்டும் என்று! எப்போதும் வாசலிலேயே உட்கார்ந்து கொண்டு, ஒவ்வொரு நாளும் தபால் காரரை எதிர்பார்த்துக் கொண்டிருப்பேன்.
ஒருநாள் ஏவி.எம்.மிலிருந்து கடிதம் வந்தது. அதில் எங்களை ஏவி.எம்.மிற்கு வரும்படி அழைத்திருந்தார்கள். எனக்கு அளவில்லாத மகிழ்ச்சி.நானும், என் பெற்றோரும் சென்னைக்கு புறப்பட்டுச் சென்றோம். அங்கிருந்து ஏவி.எம். ஸ்டூடியோவிற்கு சென்றோம்.அங்கு மானேஜர் வாசுமேனன் அவர்களைப் போய்ப் பார்த்தோம். வாசுமேனன் என்னைப் பார்த்ததும், "போட்டோவில் பெரிய பெண் போல் தெரிகிறாய். நேரில் சின்னப் பெண்ணாக இருக்கிறாயே!'' என்று சிரித்துக் கொண்டே கூறினார். பிறகு, "உனக்கு டான்ஸ் ஆடத்தெரியுமா?'' என்று கேட்டார். எனக்கு தெரிந்த அந்த ஒரே நடனம் - பள்ளியில் ஆடியதுதான். அந்த நடனத்தை நானே பாடிக்கொண்டு ஆடினேன்.
"சரி. ஊருக்குப் போங்கள். நாங்கள் மறுபடியும் கடிதம் போடுகிறோம்'' என்று வாசுமேனன் கூறினார்.எங்களுக்கு ஒரே குழப்பம். `என்ன நடக்குமோ' என்ற கவலையுடன் ஊருக்குத் திரும்பினோம். எனக்கு வாய்ப்பு கிடைக்காது என்று என் பெற்றோர்கள் நினைத்தனர். "இனிமேல் ஏவி.எம்.மிலிருந்து கூப்பிட மாட்டார்கள். நீ பள்ளிக்குப் போய் படி. ஒருவேளை ஏவி.எம்.மிலிருந்து கடிதம் வந்தால் நாம் போவோம்'' என்று சமாதானம் சொல்வது போல சொல்லி, என்னை பள்ளிக்கு அனுப்பி வைத்தார்கள்.''
இவ்வாறு விஜயகுமாரி கூறினார்.
